“മാഞ്ചസ്റ്റർ യുണൈറ്റഡിന്റെ മിഡ്ഫീൽഡ് പ്രശ്നങ്ങൾക്കുള്ള ഉത്തരാമായാണ് യുവ താരം ഹാനിബാൾ മെജ്‌ബ്രിയെ കണക്കാക്കുന്നത്”

മാഞ്ചസ്റ്റർ യുണൈറ്റഡിന് ഇതുവരെ ഒരു അപ്-ഡൗൺ സീസൺ ഉണ്ടായിരുന്നു. നിലവിൽ പോയിന്റ് ടേബിളിൽ നാലാം സ്ഥാനത്താണ് യുണൈറ്റഡ്. എന്നാൽ നാലാം സ്ഥാനം യുണൈറ്റഡിന് നഷ്ടപ്പെടാൻ സാധ്യത കൂടുതലാണ്.അതിനിടെ, തങ്ങളുടെ പുതിയ മാനേജർക്കായുള്ള തിരച്ചിൽ നടക്കുകയാണ് അവർ.ആരു വന്നാലും ദീര്ഘകാലമായി നിലനില്ക്കുന്ന പ്രശ്നങ്ങൾ നേരിടേണ്ടി വരും. മിഡ്‌ഫീൽഡാണ് യുണൈറ്റഡ് നേരിടുന്ന വലിയ പ്രശ്‍നം.

കഴിഞ്ഞ കുറച്ചു കാലമായി മധ്യനിര ഇഴഞ്ഞുനീങ്ങുകയാണ്.പോൾ പോഗ്ബയുടെ കരാർ വേനൽക്കാലത്ത് അവസാനിക്കുകയും നെമഞ്ജ മാറ്റിക്കിന് പ്രായം കൂടി വരികയാണ്. ഫ്രഡിനാണെങ്കിൽ സ്ഥിരമായി പ്രകടനം നടത്താനും സാധിച്ചിട്ടില്ല. സ്‌കോട്ട് മക്‌ടോമിനയ് ഭാവിയിലേക്ക് മുതല്കൂട്ടാവുന്ന താരമാണെങ്കിലും പലപ്പോഴും ഉയർന്ന നിലവാരത്തിൽ എത്താറില്ല. എന്നാൽ മാഞ്ചസ്റ്റർ യുണൈറ്റഡിന്റെ മിഡ്ഫീൽഡ് പ്രശ്നങ്ങൾക്കുള്ള ഉത്തരാമായാണ് യുവ താരം ഹാനിബാൾ മെജ്‌ബ്രിയെ കണക്കാക്കുന്നത്. യൂണൈറ്റഡിന്റെ ഭാവി വാഗ്ദാനയമാണ് 19 കാരനെ കണക്കാക്കുന്നത്.

യുണൈറ്റഡിന്റെ അക്കാദമിയിൽ വളരെക്കാലമായി കണ്ടിട്ടുള്ള ഏറ്റവും ആവേശകരമായ യുവതാരങ്ങളിൽ ഒരാളാണ് ഹാനിബാൾ മെജ്ബ്രി. 2019 ൽ മൊണാക്കോയിൽ നിന്ന് റെഡ് ഡെവിൾസിലെത്തിയ ടുണീഷ്യൻ ഇന്റർ നാഷണൽ സെപ്റ്റംബറിൽ U17 ടീമിനായി അരങ്ങേറ്റം കുറിച്ചു.മെജ്ബ്രിയുടെ ശക്തമായ പ്രകടനങ്ങൾ പെട്ടെന്ന് ശ്രദ്ധ പിടിച്ചുപറ്റുകയും അടുത്ത വർഷം U23-ലേക്ക് സ്ഥാനക്കയറ്റം ലഭിക്കുകയും ചെയ്തു. അവിടെ നിന്നും അദ്ദേഹത്തിന്റെ വളർച്ച ആരംഭിക്കുകയും ചെയ്തു.2020-21 ലെ അവസാന മത്സരദിനത്തിലാണ് അദ്ദേഹം തന്റെ ആദ്യ ടീമിൽ അരങ്ങേറ്റം കുറിച്ചത്, എന്നാൽ ഈ സീസണിൽ ഇതുവരെ പ്രത്യക്ഷപ്പെട്ടിട്ടില്ല.

യുണൈറ്റഡിന് മികച്ച ഒരു മധ്യനിര ഇല്ല എന്നത് യാഥാർഥ്യമാണ്. ബ്രൂണോ ഫെർണാണ്ടസ് മാത്രമാണ് സ്ഥിരമായി കളിക്കുന്ന ഒരു താരം.എന്നാൽ മറ്റ് ഓപ്ഷനുകൾ ഏതാണ്ട് നിരന്തരം മാറിക്കൊണ്ടിരിക്കുന്നു. സ്ഥിരത തീരെ നഷ്ടമായെങ്കിലും പോഗ്ബ ചിലപ്പോഴെല്ലാം തന്റെ മിന്നലാട്ടങ്ങൾ പ്രദര്ശിപ്പിക്കാറുണ്ട്. മാറ്റിക്കിനെ പ്രായം തളർത്തിയിരിക്കുന്നു.ഇവിടെയാണ് ഹാനിബാൾ മെജ്‌ബ്രിക്ക് കടന്നുവരാൻ കഴിയുന്നത്. അറ്റാക്കിങ് മിഡ്ഫീൽഡിലും പ്ലെ മേക്കറുടെ റോളിലും താരം തിളങ്ങും. ഡിഫെൻസിവ് മിഡ്ഫീൽഡിന്റെയും അറ്റാക്കിങ് മിഡ്ഫീൽഡിന്റെയും ഇടയിൽ രണ്ട് ലൈനുകൾക്കിടയിൽ കളിയ്ക്കാൻ മെജ്ബ്രിക്ക് കഴിയും.മാത്രമല്ല, പന്ത് മുന്നോട്ട് കൊണ്ടുപോകാനുള്ള അദ്ദേഹത്തിന്റെ സന്നദ്ധതയും ലിങ്കപ്പ് പ്ലേയും ഈ സ്ഥാനത്തിന് ഏറ്റവും അനുയോജ്യമാകും.

ഒരു ഡിഫൻസീവ് മിഡ്ഫീൽഡറുടെ ആവശ്യം കുറച്ചുകാലമായി യൂണൈറ്റഡിലുണ്ട്. കൗമാര താരത്തെയും ഈ സ്ഥാനത്തേക്ക് പരിഗണിക്കാൻ സാധിക്കും.കഴിഞ്ഞ വർഷം ഫിഫ അറബ് കപ്പിൽ ടുണീഷ്യ ഫൈനലിൽ എത്തിചതിൽ താരത്തിന് വലിയ പങ്കു വഹിച്ചിട്ടുണ്ട്.യുഎഇക്കും ഈജിപ്തിനുമെതിരെ അദ്ദേഹം തകർപ്പൻ പ്രകടനങ്ങൾ നടത്തി.ക്ലബ്ബിനും രാജ്യത്തിനും വേണ്ടിയുള്ള ഏറ്റവും പ്രായം കുറഞ്ഞ താരമാണ് മെജ്‌ബ്രി.ചുരുക്കിപ്പറഞ്ഞാൽ യുണൈറ്റഡിന് സ്ഥിരമായി മാറാൻ ആവശ്യമായ എല്ലാ ഗുണങ്ങളും മെജ്ബ്രിക്കുണ്ട്. ഇപ്പോൾ അത് പുതിയ മാനേജരെ ആശ്രയിച്ചിരിക്കുന്നു, അവൻ അവനെ എത്രമാത്രം ഉപയോഗിക്കാൻ ആഗ്രഹിക്കുന്നു എന്നതിനെ ആശ്രയിച്ചിരിക്കുന്നു.