കണക്കുകൾ ബ്ലാസ്റ്റേഴ്സിന് അനുകൂലമല്ല, ബംഗളുരുവിനെ എവേ മത്സരത്തിൽ കീഴടക്കാനാവുമോ ?

ഇന്ത്യൻ സൂപ്പർ ലീഗ് 2022-23 പ്ലേഓഓഫ് മത്സരങ്ങൾക്ക് ഇന്ന് തുടക്കമാകും. ബെംഗളൂരുവിലെ ശ്രീകണ്ഠീരവ സ്റ്റേഡിയത്തിൽ നടക്കുന്ന മത്സരത്തിൽ ബെംഗളൂരു കേരള ബ്ലാസ്റ്റേഴ്‌സുമായി മത്സരിക്കും.ഇതൊരു നോക്കൗട്ട് ഗെയിമാണ്, ആരു തോറ്റാലും ടൂർണമെന്റിൽ നിന്ന് പുറത്താകും. മറുവശത്ത്, ഈ ഗെയിമിലെ വിജയികൾ സെമി ഫൈനൽ 1 ൽ മുംബൈ സിറ്റി എഫ്‌സിയുമായി കൊമ്പുകോർക്കും.

ബെംഗളുരു എഫ്‌സി മികച്ച ഫോമിലാണ്, കൂടാതെ അവരുടെ അവസാന 8 മത്സരങ്ങളും വിജയിച്ചു. കേരള ബ്ലാസ്റ്റേഴ്‌സ് ആവട്ടെ കഴിഞ്ഞ അഞ്ച് മത്സരങ്ങളിൽ ഒന്നിൽ മാത്രമാണ് വിജയം നേടിയത്.മുന്‍ സീസണുകളില്‍ നിന്ന് വ്യത്യസ്തമാണ് ഇത്തവണത്തെ പ്ലേ ഓഫ് മത്സരങ്ങള്‍. ഐ എസ് എല്ലില്‍ ഇതുവരെ നാല് ടീമുകളാണ് പ്ലേഓഫിലേക്ക് യോഗ്യത നേടിയിരുന്നത്. ഈ സീസണ്‍ മുതല്‍ പ്ലേ ഓഫില്‍ കളിക്കുന്നത് ആറ് ടീമുകള്‍. മുംബൈ സിറ്റി, ഹൈദരാബാദ്, എടികെ മോഹന്‍ ബഗാന്‍, ബെംഗളൂരു, കേരള ബ്ലാസ്റ്റേഴ്‌സ്, ഒഡിഷ എന്നിവരാണ് പ്ലേ ഓഫിലേക്ക് യോഗ്യത നേടിയിരിക്കുന്നത്.

ആദ്യരണ്ട് സ്ഥാനക്കാരായ മുംബൈ സിറ്റിയും ഹൈദരാബാദും നേരിട്ട് സെമി ഫൈനല്‍ കളിക്കും. കേരള ബ്ലാസ്റ്റേഴ്‌സ്, ബെംഗളൂരു, എടികെ ബഗാന്‍, ഒഡീഷ എന്നിവരാണ് നോക്കൗട്ട് പ്ലേഓഫില്‍ കളിക്കുക. ബംഗളൂരു, ബ്ലാസ്റ്റേഴ്‌സ് വിജയികള്‍ സെമിയില്‍ മുംബൈ സിറ്റിയും എടികെ ബഗാന്‍, ഒഡിഷ വിജയികള്‍ ഹൈദരാബാദിനെയും നേരിടും. സെമിഫൈനല്‍ പോരാട്ടങ്ങള്‍ ഹോം ആന്‍ഡ് എവേ അടിസ്ഥാനത്തിലാണ്. മാര്‍ച്ച് ഏഴിനും ഒമ്പതിനും ആദ്യപാദ സെമിയും പന്ത്രണ്ടിനും പതിമൂന്നിനും രണ്ടാംപാദ സെമിയും നടക്കും. മാര്‍ച്ച് പതിനെട്ടിന് ഗോവയിലാണ് ഐഎസ്എല്‍ ഫൈനല്‍.

ISL 2022-23 ൽ രണ്ട് ടീമുകളും തമ്മിൽ കളിച്ച രണ്ട് മത്സരങ്ങളിൽ ബെംഗളൂരു എഫ്‌സി ഒരു കളി ജയിച്ചപ്പോൾ കേരള ബ്ലാസ്റ്റേഴ്‌സ് എഫ്‌സിയും ഒരു കളി ജയിച്ചു.2022 ഡിസംബറിൽ കേരളം 3-2ന് ബംഗളൂരുവിനെ പരാജയപ്പെടുത്തി. ഏറ്റവും ഒടുവിൽ 2023 ഫെബ്രുവരിയിൽ ബെംഗളൂരു എഫ്‌സി കേരള ബ്ലാസ്റ്റേഴ്‌സ് എഫ്‌സിയെ 1-0 ന് പരാജയപ്പെടുത്തി.ഇരു ടീമുകളും 12 തവണ ഇന്ത്യൻ സൂപ്പർ ലീഗിൽ ഏറ്റുമുട്ടിയപ്പോൾ ബംഗളുരു ഏഴു വിജയവും ബ്ലാസ്റ്റേഴ്‌സ് മൂന്നും വിജയവും നേടി രണ്ടു മത്സരങ്ങൾ സമനിലയിൽ ആയി