അനുഗ്രഹീതനും അഭിമാനിതനുമായി, മുഴുവൻ സമയവും മെസ്സിയുടെ പിറകെ നടന്നതു കൊണ്ട് ജേഴ്സി കിട്ടി : ഹോണ്ടുറാസ് താരം
കഴിഞ്ഞ മത്സരത്തിൽ എതിരില്ലാത്ത മൂന്നു ഗോളുകൾക്ക് ഹോണ്ടുറാസിനെ പരാജയപ്പെടുത്താൻ അർജന്റീനക്ക് കഴിഞ്ഞിരുന്നു. മത്സരത്തിൽ ലിയോ മെസ്സി തന്റെ മികവ് പുലർത്തി. രണ്ട് ഗോളുകളായിരുന്നു മെസ്സി നേടിയിരുന്നത്. ഒരു ഗോൾ ലൗറ്ററോ മാർട്ടിനസിന്റെ വകയായിരുന്നു.
മത്സരശേഷം ലയണൽ മെസ്സിക്കൊപ്പം ഫോട്ടോയെടുക്കാനും സെൽഫി എടുക്കാനുമൊക്കെ എതിർ താരങ്ങളുടെ ഒരു നീണ്ട നിര തന്നെ ഉണ്ടായിരുന്നു. മാത്രമല്ല പതിവുപോലെ മെസ്സിയുടെ ജേഴ്സിക്കും ഒരുപാട് ആവശ്യക്കാർ ഉണ്ടായിരുന്നു. ഒടുവിൽ ഹോണ്ടുറാസ് താരമായ ഹെക്ടർ കാസ്റ്റല്ലാനോസാണ് മെസ്സിയുടെ ജേഴ്സി സ്വന്തമാക്കിയിട്ടുള്ളത്. മാത്രമല്ല മെസ്സിക്കൊപ്പം നിൽക്കുന്ന ചിത്രം അദ്ദേഹം ഇൻസ്റ്റഗ്രാമിൽ പങ്കുവെക്കുകയും ചെയ്തിട്ടുണ്ട്.
മത്സരം മുഴുവനും എന്റെ പിന്നാലെ നടക്കുമോ എന്ന് മെസ്സി ചോദിച്ചപ്പോൾ താൻ അതെ എന്നാണ് ഉത്തരം നൽകിയത് എന്നാണ് ഇതേക്കുറിച്ച് ഹെക്ടർ പറഞ്ഞിട്ടുള്ളത്. ലോകത്തിലെ ഏറ്റവും മികച്ച താരത്തെ നേരിടാൻ കഴിഞ്ഞതിൽ താൻ അനുഗ്രഹീതനും അഭിമാനിതനുമായി എന്നും ഈ ഹോണ്ടുറാസ് താരം പറഞ്ഞു.
Héctor Castellanos se queda con la camiseta de Messi 🇦🇷👕 pic.twitter.com/YdjLcDJGbI
— Honduras Gol (@HondurasGol) September 24, 2022
‘ ഈ മത്സരം മുഴുവനും നിങ്ങൾ എന്നെ പിന്തുടർന്ന് നടക്കാനാണോ ഉദ്ദേശിക്കുന്നത് എന്നായിരുന്നു മെസ്സി എന്നോട് മത്സരത്തിനിടക്ക് ചോദിച്ചത്.ഞാൻ അതെ എന്ന് അദ്ദേഹത്തിന് ഉത്തരം നൽകി.ഒടുവിൽ അദ്ദേഹത്തിന്റെ ജേഴ്സി സ്വന്തമാക്കി കൊണ്ടാണ് ഞാൻ വീട്ടിലേക്ക് മടങ്ങിയത്. മെസ്സിയെ നേരിട്ടതോടുകൂടി ഞാൻ അനുഗ്രഹീതനായി.ലോകത്തിലെ ഏറ്റവും മികച്ച താരത്തെ മാർക്ക് ചെയ്യാൻ സാധിക്കുക എന്നുള്ളത് എനിക്ക് അഭിമാനമുണ്ടാക്കിയ കാര്യമാണ്. അതുകൊണ്ടുതന്നെ എന്നെ ഇത്രയും കാലം ജീവിപ്പിച്ച ദൈവത്തിന് ഞാൻ നന്ദി പറയുന്നു ‘ ഇതാണ് ഹോണ്ടുറാസ് താരം പറഞ്ഞിട്ടുള്ളത്.
🗣️ Hector Castellanos:
— Messi Tribute (@MessiTribute) September 24, 2022
Messi said to me, "Are you really going to follow me for a full match?" I honestly told him, yes, I finally took Leo's shirt home 😄 pic.twitter.com/PkwJmM48uG
എതിർ താരങ്ങളും എതിർ പരിശീലകരും മെസ്സിയെ പുകഴ്ത്തുന്നത് ഇത് ആദ്യത്തെ സംഭവം ഒന്നുമല്ല. ഇതിന് മുമ്പും ഒരുപാട് തവണ ഇങ്ങനെ ഉണ്ടായിട്ടുണ്ട്. ഇനി അടുത്ത ജമൈക്കക്കെതിരെയുള്ള മത്സരത്തിലും ഇതുപോലെയുള്ള സംഭവവികാസങ്ങൾ ഉണ്ടാകും എന്നുള്ള കാര്യത്തിൽ സംശയങ്ങൾ ഒന്നും വേണ്ട.