നാപോളി മിന്നും താരം ക്വാരഷ്ക്കേലിയയും പറയുന്നു, റൊണാൾഡോയെക്കാൾ മികച്ചവൻ മെസ്സി തന്നെയെന്ന്.

കഴിഞ്ഞ 15 വർഷത്തോളമായി ലോക ഫുട്ബോളിൽ നിലനിന്നുകൊണ്ടിരിക്കുന്ന ഒരു തർക്കമാണ് ലയണൽ മെസ്സിയാണോ ക്രിസ്റ്റ്യാനോ റൊണാൾഡോയാണോ മികച്ച താരം എന്നുള്ളത്.ഒരുകാലത്ത് ഈ രണ്ടു താരങ്ങളും തുല്യ ശക്തികളായിരുന്നു, ബലാബലമുള്ള പോരാട്ടമായിരുന്നു നമുക്ക് കാണാൻ കഴിഞ്ഞിരുന്നത്.പക്ഷേ ഇപ്പോൾ കൃത്യമായും വ്യക്തമായും ക്രിസ്റ്റ്യാനോയുടെ മുകളിലേക്ക് എത്താൻ മെസ്സിക്ക് കഴിഞ്ഞിട്ടുണ്ട്.

വേൾഡ് കപ്പിന്റെ കാര്യത്തിലാണെങ്കിലും ഫിഫ ബെസ്റ്റ് പുരസ്കാരത്തിന്റെ കാര്യത്തിൽ ആണെങ്കിലും ബാലൻ ഡിയോറിന്റെ കാര്യത്തിലാണെങ്കിലും ഗോൾഡൻ ബൂട്ടിന്റെ കാര്യത്തിൽ ആണെങ്കിലുമൊക്കെ ഇപ്പോൾ റൊണാൾഡോയെക്കാൾ മുൻതൂക്കം മെസ്സിക്ക് അവകാശപ്പെടാൻ കഴിയും. അതുകൊണ്ടുതന്നെ ഈ തർക്കം അവസാനിച്ചു കഴിഞ്ഞു,പ്രസക്തിയില്ല എന്ന് തന്നെയാണ് ഭൂരിഭാഗം ആളുകളും ബാധിക്കുന്നത്.

എന്നിരുന്നാൽ പോലും മെസ്സിയാണോ റൊണാൾഡോയാണോ മികച്ച താരം എന്ന ചോദ്യം ഇപ്പോഴും ഉയർന്നു കേൾക്കാറുണ്ട്.ഈ സീസണിൽ ഇറ്റാലിയൻ ക്ലബ്ബായ നാപ്പോളിക്ക് വേണ്ടി അത്ഭുതകരമായ പ്രകടനം നടത്തുന്ന താരമാണ് കീച്ച ക്വാരഷ്ക്കേലിയ.അദ്ദേഹത്തോട് ഈ ചോദ്യം ചോദിക്കപ്പെട്ടിരുന്നു.റയൽ മാഡ്രിഡിന്റെയും ക്രിസ്റ്റ്യാനോ റൊണാൾഡോയുടെയും ആരാധകൻ കൂടിയാണ് ക്വാരഷ്ക്കേലിയ.

എന്നിരുന്നാൽ പോലും അദ്ദേഹത്തിന്റെ മറുപടി ലയണൽ മെസ്സിക്ക് അനുകൂലമാണ്.’ഞാൻ ക്രിസ്റ്റ്യാനോ റൊണാൾഡോയെ ഇഷ്ടപ്പെടുന്നു.അദ്ദേഹം എന്റെ ഐഡോൾ ആണ്.പക്ഷേ മെസ്സിയാണ് ഏറ്റവും മികച്ച താരം. അദ്ദേഹമാണ് മുകളിൽ നിൽക്കുന്നത് ‘ഇതായിരുന്നു ഒരു ടിക്ക്ടോക്ക് വീഡിയോയിൽ ക്വാരഷ്ക്കേലിയ പറഞ്ഞിരുന്നത്.മെസ്സി തന്നെയാണ് റൊണാൾഡോയെക്കാൾ മികച്ചത് എന്നാണ് ഇദ്ദേഹം സമ്മതിക്കുന്നത്.

നാപോളിക്ക് വേണ്ടി ഇറ്റാലിയൻ ലീഗിലും ചാമ്പ്യൻസ് ലീഗിലുമൊക്കെ തകർപ്പൻ പ്രകടനം നടത്താൻ ഈ താരത്തിന് സാധിക്കുന്നുണ്ട്.23 മത്സരങ്ങളാണ് ഇറ്റാലിയൻ ലീഗിൽ അദ്ദേഹം കളിച്ചിട്ടുള്ളത്.അതിൽ നിന്ന് 12 ഗോളുകളും 10 അസിസ്റ്റുകളും അദ്ദേഹം നേടിയിട്ടുണ്ട്.റയൽ മാഡ്രിഡ് ഈ താരത്തെ സ്വന്തമാക്കാൻ ഇപ്പോൾ താല്പര്യം കാണിച്ചിട്ടുണ്ട്.