റയൽ മാഡ്രിഡിന്റെ ആരാധകനാണ്, എന്നാൽ ഏറ്റവും കൂടുതൽ ഇഷ്ടം മെസ്സിയോടാണെന്ന് സ്പാനിഷ് താരം | Lionel Messi

എട്ട് തവണ ബാലൻഡിയോർ ജേതാവായ അർജന്റീനയുടെ നായകൻ ലിയോ മെസ്സി നിലവിൽ അമേരിക്കയിൽ വലിയ രീതിയിൽ ഉള്ള തരംഗമാണ് സൃഷ്ടിക്കുന്നത്. മാത്രമല്ല ലോക ഫുട്ബോളിൽ തന്നെ ഏറ്റവും പ്രിയങ്കരനായ താരമായ ലിയോ മെസ്സിയെ നിരവധി കായിക താരങ്ങൾക്കും ഇഷ്ടമാണ്. നിലവിൽ അമേരിക്കൻ സോക്കർ ടീമായ ഇന്റർമിയാമിക്ക് വേണ്ടിയാണ് ലിയോ മെസ്സി കളിക്കുന്നത്. കഴിഞ്ഞദിവസം നടന്ന ഇന്റർമിയാമിയുടെ മിയാമി ടീമിന് എതിരില്ലാത്ത രണ്ടു ഗോളുകളുടെ വിജയം സമ്മാനിക്കുന്നതിൽ മെസ്സി വലിയ പങ്കുവഹിച്ചിട്ടുണ്ട്.

അർജന്റീന സൂപ്പർതാരമായ ലിയോ മെസ്സിയോടുള്ള തന്റെ അഗാധമായ ഇഷ്ടം തുറന്നു പറഞ്ഞിരിക്കുകയാണ് സ്പാനിഷ് മിക്സഡ് മാർഷ്യൽ ആർട്സ് താരമായ ഇലിയ ടോപ്യൂറിയ. ഒരു കായികതാരമെന്ന നിലയിൽ തനിക്ക് ലിയോ മെസ്സി വളരെയധികം ഇഷ്ടമാണെന്നും ലിയോ മെസ്സി തനിക്കു വളരെയധികം പ്രചോദനം നൽകുന്നുണ്ടെന്നുമാണ് ഈ സ്പാനിഷ് താരം പറഞ്ഞത്. കൂടാതെ തന്റെ ഇഷ്ടടീം റയൽ മാഡ്രിഡ്‌ ആണെന്നും ഇലിയ ടോപ്യൂറിയ തുറന്നുപറഞ്ഞു.

“എനിക്ക് ലിയോ മെസ്സിയെ ശരിക്കുംഇഷ്ടമാണ്. ഞാൻ റയൽ മാഡ്രിഡിന്റെ ആരാധകനാണ്. എന്നാൽ ഒരു കായിക താരം എന്ന നിലയിൽ ഞാൻ ലിയോ മെസ്സിയെ വളരെയധികം ഇഷ്ടപ്പെടുന്നു, മെസ്സിയെയും അദ്ദേഹത്തിന്റെ ജീവിതത്തോടുള്ള അദ്ദേഹം നൽകിയ സമീപനത്തെയും ഞാൻ വളരെയധികം ഇഷ്ടപ്പെടുന്നുണ്ട്. എന്റെ ഏറ്റവും പ്രിയപ്പെട്ട കായികതാരം ആരാണെന്ന് ചോദിച്ചാൽ ഞാൻ പറയും ലിയോ മെസ്സിയാണ്. ആരാണ് എന്റെ പ്രചോദനം എന്ന് ചോദിച്ചാലും ലിയോ മെസ്സിയെ തന്നെയാണ് ഞാൻ പറയുക. മെസ്സി വളരെ മികച്ച ഒരു വ്യക്തിത്വമാണ്.” – ഇലിയ ടോപ്യൂറിയ പറഞ്ഞു.

ലോക ഫുട്ബോളിൽ സൂപ്പർ താരമായ ലിയോ മെസ്സി എട്ടുതവണ ബാലൻഡിയോർ അവാർഡും എട്ട് തവണ ഫിഫയുടെ ഏറ്റവും മികച്ച താരത്തിനുള്ള പുരസ്കാരവും സ്വന്തമാക്കിയ താരമാണ്. സ്പാനിഷ് ക്ലബ്ബായ റയൽ മാഡ്രിഡിന്റെ ആരാധകനാണ് താനെന്നും എന്നാൽ ലിയോ മെസ്സിയെ ഒരു കായിക താരം എന്ന നിലയിൽ വളരെയധികം ഇഷ്ടമാണെന്നും ആണ് ജോർജിയൻ-സ്പാനിഷ് മിക്സഡ് മാർഷ്യൽ ആർട്സ് താരമായ ഇലിയ ടോപ്യൂറിയ ഈയിടെ നടന്ന ഒരു ഇന്റർവ്യൂവിൽ വെളിപ്പെടുത്തിയത്.