‘ലയണൽ മെസ്സി ലോകകപ്പ് നേടണമെന്ന് ഞാൻ ശരിക്കും ആഗ്രഹിച്ചിരുന്നു’ : ജൂലിയൻ അൽവാരസ് |Lionel Messi

അർജന്റീന യുവ സ്‌ട്രൈക്കർ ജൂലിയൻ അൽവാരസ് ഇംഗ്ലീഷ് പ്രീമിയർ ലീഗിലും തന്റെ കഴിവുകൾ തെളിയിച്ചിരിക്കുകയാണ്.യൂറോപ്പിലെ തന്റെ അരങ്ങേറ്റ സീസണിൽ പെപ് ഗാർഡിയോളയുടെ കീഴിൽ ‘ലാ അരാന’ തന്റെ നിലവാരം പ്രകടിപ്പിച്ചു.കൂടാതെ എർലിംഗ് ഹാലാൻഡിന് പിന്നിൽ മാഞ്ചസ്റ്റർ സിറ്റിയുടെ രണ്ടാമത്തെ ഗോൾ സ്‌കോററാണ്.

കഴിഞ്ഞ ഡിസംബറിൽ ഖത്തറിൽ നടന്ന ലോകകപ്പ് അർജന്റീനയെ സംബന്ധിച്ചിടത്തോളം അൽവാരസിന്റെ പ്രകടനം നിർണായകമായിരുന്നു.കഴിഞ്ഞ ദിവസം ഡയറക്‌ടിവി സ്‌പോർട്‌സ് നൽകിയ അഭിമുഖത്തിൽ ഫുട്‌ബോളിലെ ഏറ്റവും വലിയ ട്രോഫി നേടിയതിന്റെ അനുഭവം താരം പങ്കുവെച്ചു.“ലിയോയെ (മെസ്സി) വളരെ സന്തോഷത്തോടെ കാണുന്നത് അവിശ്വസനീയമായിരുന്നു. ഇത്രയധികം ആഗ്രഹിച്ചതിന് ശേഷം ദേശീയ ടീമിനൊപ്പം കപ്പ് നേടി.എന്നെക്കാളും മെസ്സി അത് നേടിയതിൽ എനിക്ക് സന്തോഷമുണ്ടെന്ന് ഞാൻ അദ്ദേഹത്തോട് പറഞ്ഞു.ഒരു അർജന്റീനക്കാരൻ എന്ന നിലയിൽ മെസ്സിയെ കണ്ടു വളർന്നതിനാൽ… അദ്ദേഹം അത് അർഹിക്കുന്നതിനാൽ അത് സംഭവിക്കണമെന്ന് ഞാൻ ശരിക്കും ആഗ്രഹിച്ചു”അൽവാരസ് പറഞ്ഞു.

“ലിയോയെ സംബന്ധിച്ചിടത്തോളം, ആദ്യ ഗെയിം എടുക്കാൻ ബുദ്ധിമുട്ടുള്ള കാര്യമായിരുന്നു. മെക്‌സിക്കോയിലെ കളി കഴിഞ്ഞപ്പോൾ അതൊരു ആശ്വാസവും ഒരു ഗ്രൂപ്പെന്ന നിലയിൽ ഞങ്ങൾക്ക് വളരെയധികം കരുത്ത് പകരുന്ന കാര്യവുമായിരുന്നു. പോളണ്ടിനെതിരെ ജയിക്കാം എന്ന വിശ്വാസമുണ്ടായി.മെസ്സിയുടെ ഏറ്റവും മികച്ചത് പുറത്തെടുക്കുകയും ചെയ്തു.ഒരു ഗ്രൂപ്പെന്ന നിലയിൽ ഞങ്ങൾ മികച്ചവരായിരുന്നു എന്നതാണ് സത്യം, അത് പിച്ചിൽ പ്രതിഫലിച്ചു” സ്‌ട്രൈക്കർ കൂട്ടിച്ചേർത്തു.

“ക്രൊയേഷ്യ എന്തൊരു മികച്ച ടീമാണെന്ന് ഞങ്ങൾക്കറിയാമായിരുന്നു. 2018ൽ അവർ ഫൈനലിലെത്തിയിരുന്നു ,മധ്യനിരയിലായിരുന്നു അവരുടെ പ്രധാന ശക്തി.സമ്മർദ്ദം എങ്ങനെ കൈകാര്യം ചെയ്യണമെന്ന് ഞങ്ങൾക്ക് അറിയാമായിരുന്നു. അവർ ഞങ്ങൾക്ക് വലിയ അപകടം സൃഷ്ടിച്ചില്ല. ഞങ്ങളിൽ നിന്ന് നല്ല കളിയായിരുന്നു ഉണ്ടായത്” അദ്ദേഹം പറഞ്ഞു.