‘ഞങ്ങൾക്ക് ആഴ്സണലിനെ തോൽപ്പിക്കണം, പക്ഷെ ഇങ്ങനെ കളിച്ചാൽ അവർ തകർത്ത് കളയും’:പെപ് ഗാർഡിയോള

ഇംഗ്ലീഷ് പ്രീമിയർ ലീഗിൽ ഇന്നലെ നടന്ന മത്സരത്തിൽ ടോട്ടൻഹാമിനെ 4-2ന് തോൽപ്പിച്ച് മാഞ്ചസ്റ്റർ സിറ്റി ഒന്നാം സ്ഥനത്തുള്ള ആഴ്‌സണലുമായുള്ള പോയിന്റ് വ്യത്യസം അഞ്ചാക്കി കുറച്ചിരുന്നു. ടോട്ടൻഹാമിനെതിരെ രണ്ടാം പകുതിയിൽ ആവേശകരമായ പോരാട്ടം നടത്തിയിട്ടും മെച്ചപ്പെടാത്തപക്ഷം പ്രീമിയർ ലീഗ് കിരീടപ്പോരാട്ടത്തിൽ ആഴ്സണൽ മാഞ്ചസ്റ്റർ സിറ്റിയെ തകർക്കുമെന്ന് പെപ് ഗാർഡിയോള പറഞ്ഞു.

ഹാഫ് ടൈമിന് തൊട്ടുമുമ്പ് മൂന്ന് മിനിറ്റിനുള്ളിൽ ഡെജൻ കുലുസെവ്‌സ്‌കിയുടെയും എമേഴ്‌സൺ റയലിന്റെയും രണ്ട് ഗോളുകൾ സിറ്റി തുടർച്ചയായ രണ്ടാം തോൽവിയുടെ അടുത്തെത്തിയിരുന്നു. എന്നാൽ രണ്ടാം പകുതിയുടെ തുടക്കത്തിൽ ജൂലിയൻ അൽവാരസ്, എർലിംഗ് ഹാലൻഡ്, റിയാദ് മഹ്‌റസ് എന്നിവർ നേടിയ ഗോളുകളിൽ സിറ്റി വിജയം നേടിയെടുത്തിരിക്കുകയാണ്.സിറ്റിയും ആഴ്സണലും ഈ സീസണിൽ ലീഗിൽ രണ്ടുതവണ ഏറ്റുമുട്ടാനുണ്ട്. കിരീട പോരാട്ടം നിർണയിക്കുന്ന മത്സരമായാണ് ഇതിനെ കാണുന്നത്.

“ഞങ്ങൾ എത്ര സന്തോഷവാനാണെന്ന് ഞങ്ങൾക്ക് നിഷേധിക്കാനാവില്ല, പക്ഷേ ഞങ്ങൾ ഉണ്ടായിരുന്ന ടീമിൽ നിന്ന് ഞങ്ങൾ വളരെ അകലെയാണ്.ആഴ്സണലിനെ തോൽപ്പിക്കാൻ ഞാൻ ആഗ്രഹിക്കുന്നു. ഞങ്ങൾ അങ്ങനെ കളിച്ചാൽ ആഴ്സണൽ ഞങ്ങളെ നശിപ്പിക്കും.” ഗാർഡിയോള പറഞ്ഞു.“ആദ്യ നിമിഷം മുതൽ വിജയിക്കണമെന്ന ആഗ്രഹവും ഫയറും നഷ്ടപ്പെട്ടു ഞങ്ങളുടെ ആരാധകർ 45 മിനിറ്റ് നിശബ്ദരായി. ഞങ്ങൾ ഉണ്ടായിരുന്ന ടീമിൽ നിന്ന് വളരെ അകലെയാണ് ”ഗ്വാർഡിയോള പറഞ്ഞു.മാഞ്ചസ്റ്റർ സിറ്റി ആരാധകരോട് ടീമിനെ പിന്തുണയ്‌ക്കാനും ഗെയിമുകൾക്കിടയിൽ ആര്‍പ്പുവിളിക്കാനും സിറ്റി മാനേജർ ആഹ്വാനം ചെയ്തു.

വിജയത്തോടെ ആഴ്സണലിന്റെ ലീഡ് അഞ്ച് പോയിന്റായി കുറയ്ക്കാൻ സിറ്റിക്ക് സാധിച്ചിട്ടുണ്ട് .സിറ്റി 42 പോയിന്റുമായി ലീഗിൽ രണ്ടാം സ്ഥാനത്ത് നിൽക്കുകയാണ്. 47 പോയിന്റാണ് ആഴ്സനലിനുള്ളത്.