അവസാനം ഒരു പോർച്ചുഗീസ് താരം ക്രിസ്റ്റ്യാനോ റൊണാൾഡോക്ക് മുന്നിലെത്തി |Cristiano Ronaldo

ഫുട്ബോളിലെ ഏറ്റവും ഉയർന്ന വ്യക്തിഗത പുരസ്കാരമായാണ് ബാലൺ ഡി ഓർ കണക്കാക്കപ്പെടുന്നത്. അർജന്റീനയുടെ ലയണൽ മെസ്സി ചരിത്രത്തിലെ ഏറ്റവും കൂടുതൽ ബാലൺ ഡി ഓർ പുരസ്‌കാരങ്ങൾ നേടിയിട്ടുണ്ടെങ്കിലും, ചരിത്രത്തിലെ ഏറ്റവും കൂടുതൽ തവണ ബാലൺ ഡി ഓർ പുരസ്‌കാരത്തിന് നോമിനേറ്റ് ചെയ്യപ്പെട്ടത് പോർച്ചുഗീസ് സൂപ്പർ താരം ക്രിസ്റ്റ്യാനോ റൊണാൾഡോയാണ്. 23 വർഷത്തെ കരിയറിൽ 18 തവണയാണ് റൊണാൾഡോ ബാലൺ ഡി ഓറിനായി നാമനിർദ്ദേശം ചെയ്യപ്പെട്ടത്.

ക്രിസ്റ്റ്യാനോ റൊണാൾഡോ തന്റെ കരിയറിൽ അഞ്ച് തവണ ബാലൺ ഡി ഓർ നേടിയിട്ടുണ്ട്, കൂടാതെ ഏറ്റവും കൂടുതൽ ബാലൺ ഡി ഓർ നേടുന്ന രണ്ടാമത്തെ വ്യക്തിയുമാണ്. 2008, 2013, 2014, 2016, 2017 വർഷങ്ങളിൽ ക്രിസ്റ്റ്യാനോ റൊണാൾഡോ ബാലൺ ഡി ഓർ നേടിയിരുന്നു.2007, 2009, 2011, 2012, 2015 ,2018-ലും ബാലൺ ഡി ഓർ റാങ്കിംഗിൽ ക്രിസ്റ്റ്യാനോ റൊണാൾഡോ രണ്ടാം സ്ഥാനത്തായിരുന്നു.2019 ൽ മൂന്നാമതായാണ് ഫിനിഷ് ചെയ്തത്.

2000-ൽ ഫിഗോ ബാലൺ ഡി ഓർ നേടിയതിന് ശേഷം ആ പുരസ്‌കാരം വീണ്ടും നേടിയ ഏക പോർച്ചുഗീസ് ഫുട്ബോൾ താരമാണ് ക്രിസ്റ്റ്യാനോ റൊണാൾഡോ.എന്നാൽ 16 വർഷത്തിനു ശേഷം ആദ്യമായി 2022 ലെ ബാലൺ ഡി ഓറിൽ, ബാലൺ ഡി ഓർ റാങ്കിംഗിലെ ആദ്യ പത്തിൽ നിന്ന് ക്രിസ്റ്റ്യാനോ റൊണാൾഡോ പുറത്തായി.മാഞ്ചസ്റ്റർ യുണൈറ്റഡ് സ്‌ട്രൈക്കർ 2022 ലെ ബാലൺ ഡി ഓറിൽ 20-ാം സ്ഥാനത്താണ് ഫിനിഷ് ചെയ്തത്. 2006-ലാണ് റൊണാൾഡോ അവസാനമായി ബാലൺ ഡി ഓർ റാങ്കിംഗിൽ ആദ്യ 10-ൽ നിന്ന് പുറത്തായത്.

മാത്രമല്ല, 2006ന് ശേഷം ആദ്യമായി ഒരു പോർച്ചുഗീസ് ഫുട്ബോൾ താരം ക്രിസ്റ്റ്യാനോ റൊണാൾഡോയെ പിന്തള്ളി ബാലൺ ഡി ഓർ റാങ്കിംഗിൽ ഒന്നാമതെത്തി. എസി മിലാന്റെ യുവ സെൻസേഷൻ പോർച്ചുഗീസ് വിങ്ങർ റാഫേൽ ലിയോ ബാലൺ ഡി ഓർ 2022ൽ 14-ാം റാങ്കിലെത്തി.ഭാവിയിൽ ക്രിസ്റ്റ്യാനോ റൊണാൾഡോയ്ക്ക് ശേഷം ബാലൺ ഡി ഓർ നേടുന്ന പോർച്ചുഗീസ് ഫുട്ബോൾ താരമായി എസി മിലാൻ സ്‌ട്രൈക്കർ മാറിയേക്കാം.