ലോകകപ്പ് യോഗ്യത മത്സരങ്ങൾക്കുള്ള ഇന്ത്യൻ ടീമിനെ പ്രഖ്യാപിച്ചു , രണ്ടു മലയാളികൾ ടീമിൽ |Indian Football

ഫിഫ വേൾഡ് കപ്പ് 2026, എഎഫ്‌സി ഏഷ്യൻ കപ്പ് സൗദി അറേബ്യ 2027 പ്രിലിമിനറി ജോയിന്റ് യോഗ്യതാ റൗണ്ട് 2 ന്റെ ആദ്യ രണ്ട് മത്സരങ്ങൾക്കുള്ള 28 സാധ്യതാ പട്ടിക ഇന്ത്യൻ ഹെഡ് കോച്ച് ഇഗോർ സ്റ്റിമാക് പ്രഖ്യാപിച്ചു.നവംബർ 16 ന് കുവൈത്ത് സിറ്റിയിലെ ജാബർ അൽ അഹമ്മദ് ഇന്റർനാഷണൽ സ്റ്റേഡിയത്തിൽ നടക്കുന്ന ആദ്യ ഗ്രൂപ്പ് എ മത്സരത്തിൽ ഇന്ത്യ കുവൈത്തിനെ നേരിടും.

നവംബർ 21 ന് ഭുവനേശ്വറിലെ കലിംഗ സ്റ്റേഡിയത്തിൽ ഖത്തറിനെ നേരിടും.യോഗ്യതാ മത്സരങ്ങൾക്ക് മുമ്പുള്ള തയ്യാറെടുപ്പ് ക്യാമ്പിനായി നവംബർ എട്ടിന് ഇന്ത്യ ദുബായിലേക്ക് പോകും.ഖത്തർ, കുവൈറ്റ്, അഫ്ഗാനിസ്ഥാൻ എന്നിവർക്കൊപ്പം ഏഷ്യൻ യോഗ്യതാ ടൂർണമെന്റിന്റെ ഗ്രൂപ്പ് എയിലാണ് ഇന്ത്യ.അൻവർ അലിയും ജീക്‌സൺ സിംഗും ഇന്ത്യൻ ഫുട്‌ബോൾ ടീമിൽ നിന്ന് വിട്ടുനിൽക്കും. യുവ ജോഡികൾക്ക് പരിക്കേറ്റതിനാലാണ് പുറത്തായത്.അൻവർ അലിക്ക് കണങ്കാലിനും ജീക്സണിന് തോളിനും പരിക്കേറ്റു.

ഈ വർഷമാദ്യം എസിഎല്ലിൽ പരിക്കേറ്റ ആഷിഖ് കുരുണിയനും ഇന്ത്യയ്ക്ക് ലഭ്യമല്ല.മുംബൈ സിറ്റി എഫ്‌സിയുടെ അപ്പൂയയെയും വിക്രം പ്രതാപ് സിംഗിനെയും സാധ്യതാ ടീമിൽ ഉൾപ്പെടുത്തിയിട്ടുണ്ട്. വിക്രം ഇതുവരെ അരങ്ങേറ്റം കുറിച്ചിട്ടില്ലെങ്കിലും, ഇന്റർകോണ്ടിനെന്റൽ കപ്പിന് ശേഷം അപ്പൂയ ആദ്യമായാണ് എത്തുന്നത്. രണ്ടു മലയാളി താരങ്ങൾ ടീമിൽ ഇടം പിടിച്ചു. മോഹൻ ബഗാന്റെ സഹലും കേരള ബ്ലാസ്റ്റേഴ്സിന്റെ രാഹുലുമാണ് ഇടം നേടിയത്.

ഗോൾകീപ്പർമാർ: അമരീന്ദർ സിങ്, ഗുർപ്രീത് സിങ് സന്ധു, വിശാൽ കൈത്.
ഡിഫൻഡർമാർ: ആകാശ് മിശ്ര, ലാൽചുങ്‌നുംഗ, മെഹ്താബ് സിംഗ്, നിഖിൽ പൂജാരി, രാഹുൽ ഭേക്കെ, റോഷൻ സിംഗ് നൗറെം, സന്ദേശ് ജിംഗൻ, സുഭാശിഷ് ബോസ്.

മിഡ്ഫീൽഡർമാർ: അനിരുദ്ധ് ഥാപ്പ, ബ്രാൻഡൻ ഫെർണാണ്ടസ്, ഗ്ലാൻ പീറ്റർ മാർട്ടിൻസ്, ലാലെങ്മാവിയ റാൾട്ടെ, ലിസ്റ്റൺ കൊളാക്കോ, മഹേഷ് സിംഗ് നൗറെം, നന്ദകുമാർ സെക്കർ, രോഹിത് കുമാർ, സഹൽ അബ്ദുൾ സമദ്, സുരേഷ് സിംഗ് വാങ്ജാം, ഉദാന്ത സിങ് കുമം.
ഫോർവേഡുകൾ: ഇഷാൻ പണ്ഡിത, ലാലിയൻസുവാല ചാങ്‌തെ, മൻവീർ സിംഗ്, രാഹുൽ കണ്ണോലി പ്രവീൺ, സുനിൽ ഛേത്രി, വിക്രം പർതാപ് സിംഗ്.