‘ക്രിസ്റ്റ്യാനോ റൊണാൾഡോയാണ് ഇതെല്ലാം ആരംഭിച്ചത്, സൗദിയിലേക്ക് വന്നപ്പോൾ എല്ലാവരും അദ്ദേഹത്തെ പരിഹസിച്ചു’ : നെയ്മർ |Neymar

അൽ ഹിലാലിലേക്കുള്ള ട്രാൻസ്ഫറിന് ശേഷമുള്ള തന്റെ ആദ്യ അഭിമുഖത്തിൽ തന്നെ അൽ നാസർ സൂപ്പർ താരം ക്രിസ്റ്റ്യാനോ റൊണാൾഡോയെ പ്രശംസിച്ചിരിക്കുകയാണ് നെയ്മർ.സൗദി പ്രോ ലീഗിനെ മാറ്റിമറിച്ചത് റൊണാൾഡോയാണെന്നും ബ്രസീലിയൻ പറഞ്ഞു.റൊണാൾഡോയെ നേരിടാൻ കാത്തിരിക്കുകയാണെന്ന് 31 കാരനായ ബ്രസീൽ ഫോർവേഡ് പറഞ്ഞു.

ബെൻസെമ, ഫിർമിനോ തുടങ്ങിയ താരങ്ങൾക്കെതിരെ കളിയ്ക്കാൻ തനിക്ക് ആവേശമുണ്ടെന്നും നെയ്മർ പറഞ്ഞു.പാരീസ് സെന്റ് ജെർമെയ്‌നിൽ നിന്ന് മാറിയതിന് ശേഷം റിയാദ് ക്ലബ്ബുമായി നെയ്മർ രണ്ട് വർഷത്തെ കരാറിൽ ഒപ്പുവെച്ചത് ശ്രദ്ധേയമാണ്.”ക്രിസ്റ്റ്യാനോ റൊണാൾഡോയാണ് ഇതെല്ലാം ആരംഭിച്ചതെന്നും എല്ലാവരും അവനെ ‘ഭ്രാന്തൻ’ എന്ന് വിളിച്ചിരുന്നു.ഇന്ന് ലീഗ് കൂടുതൽ കൂടുതൽ വളരുന്നത് എല്ലാവരും കാണുന്നുണ്ട്.ഇത് ആവേശകരമാണ്, മറ്റ് ടീമുകളിലെ ഉയർന്ന നിലവാരമുള്ള കളിക്കാരെ കണ്ടുമുട്ടുന്നത് ആവേശഭരിതരാക്കുകയും കൂടുതൽ നന്നായി കളിക്കാൻ നിങ്ങളെ പ്രേരിപ്പിക്കുകയും ചെയ്യുന്നു. റൊണാൾഡോ, ബെൻസെമ, (റോബർട്ടോ) ഫിർമിനോ എന്നിവരെ നേരിടുമ്പോൾ ആവേശം ഇതിലും വലുതായിരിക്കുമെന്ന് ഉറപ്പാണ്,” അഭിമുഖത്തിനിടെ നെയ്മർ പറഞ്ഞു.

“സ്ക്വാഡിൽ ഗുണനിലവാരം ഉണ്ടായിരിക്കേണ്ടത് വളരെ പ്രധാനമാണെന്ന് ഞാൻ കരുതുന്നു. വ്യക്തമായും ഇത് കരിയറിൽ ഉടനീളം എടുക്കുന്ന ചില തീരുമാനങ്ങളിൽ സഹായിക്കുന്നു.കൂടുതൽ കൂടുതൽ ടൈറ്റിലുകൾ നേടുകയും ക്ലബ്ബിന്റെ അഭിലാഷം നിറവേറ്റുകയും ചെയ്യുന്ന എല്ലാ ലക്ഷ്യങ്ങളും പിന്തുടരുന്ന ഒരു പുതിയ കഥ എഴുതുന്നതിൽ ഞാൻ വളരെ ആവേശത്തിലാണ്, ”അദ്ദേഹം കൂട്ടിച്ചേർത്തു.

യൂറോപ്യൻ ക്ലബ്ബുകളിൽ നിന്നുള്ള മികച്ച കളിക്കാരെയും പരിശീലകരെയും ആകർഷിക്കുന്നതിനായി സൗദി പ്രോ ലീഗ് 600 ദശലക്ഷം യൂറോയിൽ കൂടുതൽ നിക്ഷേപിച്ചിട്ടുണ്ട്.