‘വ്യക്തിഗത പിഴവുകൾ വരുത്തിയാൽ കളികൾ ജയിക്കുക ബുദ്ധിമുട്ടാണ്’: കേരള ബ്ലാസ്റ്റേഴ്സ് എഫ്സിയുടെ ഫ്രാങ്ക് ഡോവൻ |Kerala Blasters
മുംബൈ ഫുട്ബോൾ അരീനയിൽ മുംബൈ സിറ്റി എഫ്സിക്കെതിരെ ഇന്ത്യൻ സൂപ്പർ ലീഗ് സീസണിലെ ആദ്യ തോൽവി ഏറ്റുവാങ്ങിയിരിക്കുകയാണ്. ബ്ലാസ്റ്റേഴ്സിന്റെ തോൽവിയിൽ വലിയ നിരാശ പ്രകടിപ്പിച്ചിരിക്കുകയാണ് അസിസ്റ്റന്റ് കോച്ച് ഫ്രാങ്ക് ഡോവൻ.ആദ്യ പകുതിയുടെ അവസാന മിനിറ്റുകളിൽ ജോർജ് പെരേര ഡയസ് നേടിയ ഗോളിൽ മുംബൈ ലീഡ് നേടി.
രണ്ടാം പകുതിയിൽ ഡാനിഷ് ഫാറൂഖിന്റെ തകർപ്പൻ ഹെഡറിലൂടെ ബ്ലാസ്റ്റേഴ്സിന് സമനില പിടിച്ചു. എന്നാൽ മുംബൈ 10 മിനിറ്റിനുള്ളിൽ ലീഡ് തിരിച്ചുപിടിച്ചു, ലാലെങ്മാവിയ റാൾട്ടെ സീസണിലെ തന്റെ ആദ്യ ഗോൾ നേടി മുംബൈയെ വിജയത്തിലെത്തിച്ചു.ഡയസിന്റെ ഗോൾ മുംബൈ സിറ്റി എഫ്സിക്ക് കാര്യങ്ങൾ അനുകൂലമാക്കിയെന്നും ഗോളവസരങ്ങൾ സൃഷ്ടിക്കുന്നതിലും ഹോം ടീമിൽ സമ്മർദ്ദം ചെലുത്തുന്നതിലും തന്റെ ടീമിന് ബുദ്ധിമുട്ടുകൾ നേരിടേണ്ടി വന്നതായും ഡോവൻ പറഞ്ഞു.”ഡയസിന്റെ ഓപ്പണിംഗ് ഗോൾ ഞങ്ങളുടെ മൊമെന്റം നഷ്ടപ്പെടുത്തി.കളി വളരെ നന്നായി ആരംഭിചെങ്കിലും ഒരു ഗോൾ വഴങ്ങിയത് തിരിച്ചടിയായി” അദ്ദേഹം പറഞ്ഞു.
മുംബൈയിൽ ഒരു പോയിന്റ് നേടാൻ തന്റെ ടീം അർഹരാണെന്ന് ഡൗവൻ പറഞ്ഞു.തന്റെ ടീമിന്റെ വ്യക്തിഗത പിഴവുകളിൽ അദ്ദേഹം നിരാശ പ്രകടിപ്പിച്ചു. അതാണ് ടീമിന്റെ വിജയം നഷ്ടപ്പെടുത്തിയതെന്നും അദ്ദേഹം കൂട്ടിച്ചേർത്തു.ഈ പിഴവുകളിൽ നിന്ന് പാഠം ഉൾക്കൊണ്ട് അടുത്ത മത്സരത്തിന് തയ്യാറെടുക്കേണ്ടതിന്റെ പ്രാധാന്യതേക്കുറിച്ച് സഹ പരിശീലകൻ ഊന്നിപ്പറഞ്ഞു.”എനിക്ക് തോന്നുന്നു ഒരു പോയിന്റ് അർഹിക്കുന്നു, കാരണം രണ്ടാം പകുതി ഞങ്ങൾക്ക് നല്ലതായിരുന്നു. പക്ഷേ ഫുട്ബോളിൽ, അത് സംഭവിക്കുന്നു. വ്യക്തിഗത പിഴവിലൂടെ നിങ്ങൾക്ക് ഒരു ഗോൾ വഴങ്ങാം, ഇന്ന് ഞങ്ങൾ അത് ചെയ്തു. എന്നിട്ട് ഗെയിമുകൾ ജയിക്കുക ബുദ്ധിമുട്ടാണ്.ഞങ്ങൾക്ക് രണ്ട് വ്യക്തിഗത തെറ്റുകൾ വരുത്തി അതിനാൽ ഞങ്ങൾക്ക് പോയിന്റുകൾ ഇല്ല,” അദ്ദേഹം കൂട്ടിച്ചേർത്തു.
"Yes (we deserved a point) because the second half was good for us."@KeralaBlasters assistant coach Frank Dauwen reacts to his side's narrow defeat to @MumbaiCityFC. #MCFCKBFC #ISL #ISL10 #LetsFootball #ISLonJioCinema #ISLonSports18 #KeralaBlastershttps://t.co/XhGcUmhFZz
— Indian Super League (@IndSuperLeague) October 8, 2023
കേരള ബ്ലാസ്റ്റേഴ്സ് എഫ്സി ഇപ്പോൾ പോയിന്റ് പട്ടികയിൽ നാലാം സ്ഥാനത്തേക്ക് പിന്തള്ളപ്പെട്ടു. അന്താരാഷ്ട്ര ഇടവേളയ്ക്ക് ശേഷം ഒക്ടോബർ 21 ന് നോർത്ത് ഈസ്റ്റ് യുണൈറ്റഡ് എഫ്സിയെ ബ്ലാസ്റ്റേഴ്സ് നേരിടും.