മഷെരനോക്ക് കീഴിൽ ആദ്യ ട്രോഫിയുമായി അർജന്റീന |Javier Mascherano |Argentina
ബാഴ്സലോണക്കൊപ്പവും അര്ജന്റീനക്കൊപ്പവും നിരവധി കിരീടങ്ങൾ സ്വന്തമാക്കിയ അർജന്റീനിയൻ ഇതിഹാസ താരം ഹാവിയർ മഷറാനോ പരിശീലകനായുള്ള ആദ്യ വിജയം നേടിയിരിക്കുകയാണ്.കഴിഞ്ഞ വർഷം ഡിസംബർ മുതൽ അർജന്റീനയുടെ അണ്ടർ 20 ദേശീയ ടീമിന്റെ ചുമതല വഹിക്കുന്ന മഷെറാനോ, വലൻസിയയിലെ എൽ അൽകുഡിയയിൽ നടക്കുന്ന COTIF യൂത്ത് ഫുട്ബോൾ ടൂർണമെന്റിൽ വിജയിച്ചു.
ടൂർണമെന്റിൽ യുക്രെയ്ൻ, ബ്രസീൽ, ഉറുഗ്വേ, സ്പെയിൻ എന്നിവിടങ്ങളിൽ നിന്നുള്ള അണ്ടർ 20 ക്ലബ്ബുകളും ദേശീയ ടീമുകളും ഉൾപ്പെടുന്നു. യു.ഡി അൽസിറ, വലൻസിയ, ലെവാന്റെ എന്നിവരെ തോൽപ്പിച്ചാണ് അർജന്റീന ഫൈനലിൽ എത്തിയത്.അവിടെ ഉറുഗ്വേയെ 4-0ന് പരാജയപ്പെടുത്തിയാണ് കിരീടം നേടിയത്.ഉറുഗ്വാക്കെതിരെ അർജന്റീന യുവതാരങ്ങളായ അഗസ്റ്റിൻ ഗിയായ്,ഇഗ്നസിയോ മാസ്ട്രോ,ബ്രയാൻ അഗ്യൂറോ,ലോറ്റാരോ ഒവാണ്ടോ എന്നിവരാണ് ലക്ഷ്യം കണ്ടത്.
ലൗട്ടാരോ മാർട്ടിനെസ്, ഇസ്കോ, മൗറോ ഇക്കാർഡി തുടങ്ങിയ താരങ്ങൾ സമീപ വർഷങ്ങളിൽ ഈ ടൂർണമെന്റിൽ മികവ് തെളിയിച്ചിട്ടുണ്ട്.തന്റെ കരിയറിൽ പെപ് ഗാർഡിയോള, റാഫ ബെനിറ്റെസ്, ലൂയിസ് എൻറിക് എന്നിവരുടെ കീഴിൽ കളിച്ചിട്ടുള്ള മഷറാനോയ്ക്ക് പരിശീലകൻ എന്ന നിലയിൽ ശ്രദ്ധേയമായ കളിജീവിതം പിന്തുടരാനാകുമെന്ന് പലർക്കും വലിയ പ്രതീക്ഷയുണ്ട്.
പ്രതിരോധത്തിലും മധ്യനിരയിലും ദേശീയ ടീമിനായി 100-ലധികം മത്സരങ്ങൾ കളിച്ച മഷറാനോയുടെ ആദ്യ പരിശീലക ജോലിയാണിത്.റിവർ പ്ലേറ്റ്, കൊരിന്ത്യൻസ്, വെസ്റ്റ് ഹാം, എസ്റ്റുഡിയൻറ്സ് എന്നിവിടങ്ങളിൽ നീണ്ട കരിയറിന് ശേഷം, മഷറാനോ 2020 നവംബറിൽ വിരമിച്ചു.