ലയണൽ മെസ്സിയുടെ യൂറോപ്പിലെ ഫുട്ബോൾ ജീവിതം അവസാനിച്ചിരിക്കുകയാണ്. പാരീസ് സെന്റ് ജെർമെയ്‌നിലെ രണ്ടു വർഷത്തെ ജീവിതം അവസാനിപ്പിച്ച മെസ്സി ചേക്കേറിയത് മേജർ ലീഗ് സോക്കർ ക്ലബായ ഇന്റർ മയമിലേക്കാണ്.ഫ്രഞ്ച് ക്ലബ് വിടുകയല്ലാതെ മറ്റൊരു മാർഗവും മെസ്സിക്ക് മുന്നിൽ ഉണ്ടായിരുന്നില്ല.7 തവണ ബാലൺ ഡി ഓർ ജേതാവിന് അമേരിക്കയിലെ ജീവിതത്തിന് വളരെ നല്ല തുടക്കമാണ് ലഭിച്ചത്.
മുൻ ടീമംഗങ്ങളായ സെർജിയോ ബുസ്‌ക്വെറ്റ്‌സ്, ജോർഡി ആൽബ, മുൻ പരിശീലകനും നാട്ടുകാരനുമായ ടാറ്റ മാർട്ടിനോ എന്നിവരുമായി വീണ്ടും ഒന്നിച്ച മെസ്സി തന്റെ ആദ്യ 3 മത്സരങ്ങളിൽ നിന്ന് 5 ഗോളുകളും കൂടാതെ രണ്ട് അസിസ്റ്റുകളും നേടി. അദ്ദേഹത്തിന്റെ സ്വാധീനം മിയാമിയിൽ ഉടനടി ഉണ്ടായിരുന്നു.മുൻ പത്ത് മത്സരങ്ങളിൽ വിജയിക്കാത്ത ഒരു ടീം മെസ്സിയോടൊപ്പം അവരുടെ ആദ്യ മൂന്ന് മത്സരങ്ങളിൽ ഓരോന്നും വിജയിച്ചു.
തീർച്ചയായും യൂറോപ്പിന്റെ നിലവാരവുമായി പൊരുത്തപ്പെടുന്ന ഒരു ലീഗല്ലെങ്കിലും, മെസ്സിയുടെ പെരുമാറ്റത്തിലെ മാറ്റവും നിലവാരം വീണ്ടെടുക്കുന്നതും നല്ല മാനസികമായ മാറ്റത്തെ സൂചിപ്പിക്കുന്നതായി ആൽബ അഭിപ്രായപ്പെട്ടു. ബാഴ്‌സലോണയിൽ ഉണ്ടായിരുന്ന സമയത്ത് ലെഫ്റ്റ്-ബാക്കും മെസ്സിയും മികച്ച ബന്ധം പുലർത്തിയിരുന്നു, ബുധനാഴ്ചത്തെ ലീഗ് കപ്പ് നോക്കൗട്ട് മത്സരത്തിൽ ഒർലാൻഡോ സിറ്റിക്കെതിരായ മയാമിയുടെ 3-1 വിജയത്തിൽ അരങ്ങേറ്റം കുറിക്കാൻ ആൽബക്ക് സാധിച്ചു.”അദ്ദേഹത്തിന് പിന്തുണയും സ്നേഹവും ലഭിക്കുന്നു അതാണ് ഏറ്റവും പ്രധാനപ്പെട്ട കാര്യം,” സ്പാനിഷ് ഫുൾബാക്ക് പറഞ്ഞു.
Lionel Messi and Jordi Alba are all smiles in Inter Miami training ❤️
— ESPN FC (@ESPNFC) August 1, 2023
Just like old times 🥲 pic.twitter.com/b6Yg1E3umI
“പിഎസ്ജിയിൽ അദ്ദേഹത്തിന് നല്ല സമയം ഉണ്ടായിരുന്നില്ല, പക്ഷേ ഇവിടെ മെസ്സി തന്റെ സന്തോഷം വീണ്ടെടുത്തു.ഇവിടെ വ്യക്തിപരമായി അദ്ദേഹത്തിൽ വളരെയധികം മാറ്റങ്ങൾ വരുത്തിയിട്ടുണ്ട്. മെസ്സിയെ ഞാൻ വളരെ സന്തോഷത്തോടെ കാണുന്നു” ആൽബ പറഞ്ഞു.