ലയണൽ മെസ്സിക്കും എർലിംഗ് ഹാലണ്ടിനും ഒപ്പം കളിച്ചതിന്റെ അനുഭവം തുറന്നു പറഞ്ഞ് ജൂലിയൻ അൽവാരസ് | Julian Alvarez

ലയണൽ മെസ്സി, എർലിംഗ് ഹാലാൻഡ് എന്നിവരോടൊപ്പം കളിക്കുന്നത് തന്നെ മെച്ചപ്പെടുത്താൻ സഹായിക്കുന്നുവെന്ന് മാഞ്ചസ്റ്റർ സിറ്റി സ്‌ട്രൈക്കർ ജൂലിയൻ അൽവാരസ്.അർജന്റീനയ്‌ക്കായി അന്താരാഷ്ട്ര തലത്തിൽ മെസ്സിക്കൊപ്പം കളിക്കുന്ന താരം മാഞ്ചസ്റ്റർ സിറ്റിയിൽ ഹാലാൻഡുമായി ഡ്രസ്സിംഗ് റൂം പങ്കിടുന്നു.

2023 ലെ ബാലൺ ഡി ഓർ സ്റ്റാൻഡിംഗിൽ മെസ്സിയും ഹാലൻഡും ഒന്നും രണ്ടും സ്ഥാനങ്ങൾ നേടി.അത്തരം അത്ഭുതകരമായ ടീമംഗങ്ങൾ ഉള്ളത് എങ്ങനെ തന്നെ വളരാൻ സഹായിക്കുന്നുവെന്ന് അൽവാരസ് ഇപ്പോൾ വെളിപ്പെടുത്തിയിരിക്കുകയാണ്. “ഹാലൻഡിനോടും മെസ്സിയോടും ഒപ്പം കളിക്കുന്നതും പരിശീലിക്കുന്നതും എന്നെ മികച്ചതാക്കുന്നു.ഒരുപാട് കാര്യങ്ങൾ പഠിക്കുന്നു. അവരുടെ ഇടയിലായിരിക്കുക എന്നത് ഒരു സ്വപ്നമാണ്, ഞാൻ ഒരു കളിക്കാരനെന്ന നിലയിലും ഒരു വ്യക്തിയെന്ന നിലയിലും വളരുകയാണ്”അൽവാരസ് പറഞ്ഞു.

“കഴിഞ്ഞ സീസൺ ദൈർഘ്യമേറിയതും തീവ്രവുമായിരുന്നു, എനിക്ക് ആത്മവിശ്വാസമുണ്ട്, എനിക്ക് ധാരാളം മിനിറ്റ് കളിക്കാൻ ലഭിച്ചു.എനിക്ക് എന്റെ ടീമംഗങ്ങളിൽ നിന്ന് ഒരുപാട് കാര്യങ്ങൾ പഠിക്കാൻ കഴിയും” അൽവാരസ് കൂട്ടിച്ചേർത്തു.2022 ഫിഫ ലോകകപ്പ് നേടിയ അർജന്റീനയുടെ പ്രധാന കളിക്കാരനായിരുന്നു ജൂലിയൻ അൽവാരസ്. ഏഴ് മത്സരങ്ങളിൽ നിന്ന് നാല് ഗോളുകളും ഒരു അസിസ്റ്റും അദ്ദേഹം നേടി. ലയണൽ മെസ്സിക്കൊപ്പം 22 തവണ അൽവാരസ് പിച്ച് പങ്കിട്ടു, മൂന്ന് ഗോളുകൾ നേടുകയും ചെയ്തു.

എർലിംഗ് ഹാലൻഡിനൊപ്പം കഴിഞ്ഞ തവണ മാഞ്ചസ്റ്റർ സിറ്റിയ്‌ക്കൊപ്പം അർജന്റീനിയൻ യൂറോപ്യൻ ട്രെബിൾ നേടിയിരുന്നു. ഇതുവരെ 45 തവണ നോർവീജിയൻ സ്‌ട്രൈക്കറിനൊപ്പം കളിച്ചിട്ടുണ്ട്, ആറ് ഗോളുകൾ കൂടി.ഈ സീസണിൽ ഇതുവരെ മാഞ്ചസ്റ്റർ സിറ്റിക്കായി 17 മത്സരങ്ങൾ കളിച്ച അൽവാരസ് ഏഴ് ഗോളുകളും മത്സരങ്ങളിലുടനീളം അഞ്ച് അസിസ്റ്റുകളും നേടിയിട്ടുണ്ട്.