കേരള ബ്ലാസ്റ്റേഴ്സിന്റെ പ്രീ സീസൺ യുഎഇയിൽ, തീയതികൾ തീരുമാനമായി |Kerala Blasters

കേരള ബ്ലാസ്റ്റേഴ്‌സ് ഇന്ത്യൻ സൂപ്പർ ലീഗിന്റെ പത്താം പതിപ്പിന് മുന്നോടിയായുള്ള പ്രീ-സീസൺ തയ്യാറെടുപ്പിന്റെ ഭാഗമായി യുഎഇയിലേക്ക് പറക്കാൻ ഒരുങ്ങുകയാണ്. ഡ്യൂറൻഡ് കപ്പ് കളിച്ചതിന് ശേഷം കേരള ബ്ലാസ്റ്റേഴ്‌സ് യുഎഇയിലേക്ക് പോകും. സെപ്റ്റംബർ ആദ്യവാരം ബ്ലാസ്റ്റേഴ്സ് യുഎഇയിലേക്ക് പുറപ്പെടും.

സെപ്തംബര് 9,12,15 തീയതികളിലായി മൂന്നു മത്സരങ്ങളാണ് ബ്ലാസ്റ്റേഴ്‌സ് യുഎഎയിൽ കളിക്കുക.യുഎഇ പ്രോ ഡിവിഷൻ ക്ലബ്ബുകളുമായിട്ടാവും കേരള ബ്ലാസ്റ്റേഴ്‌സ് കളിക്കുക.കഴിഞ്ഞ സീസണിലും കേരള ബ്ലാസ്റ്റേഴ്‌സ് പ്രീ സീസണിനായി യുഎഇയിലേക്ക് പോയിരുന്നു.

കഴിഞ്ഞ സീസണിൽ AIFF-ൽ ഫിഫയുടെ വിലക്ക് കാരണം മുൻകൂട്ടി ആസൂത്രണം ചെയ്ത മൂന്ന് പ്രീ-സീസൺ സൗഹൃദ മത്സരങ്ങൽ റദ്ദാക്കിയിരുന്നു.അൽ-നാസർ SC ഗ്രൗണ്ടിലെ പരിശീലനത്തിന് ശേഷം നാട്ടിലേക്ക് മടങ്ങി. നിരവധി താരങ്ങൾ ക്ലബ് വിട്ടു പോയെങ്കിലും ശക്തമായ സ്ക്വാഡുമായാണ് ബ്ലാസ്റ്റേഴ്‌സ് അടുത്ത സീസണിൽ ഇറങ്ങുന്നത്.

ഡ്യൂറൻഡ് കപ്പിൽ നിലവിലെ ചാമ്പ്യന്മാരായ ബെംഗളൂരു എഫ്‌സി, പ്രാദേശിക എതിരാളികളായ ഗോകുലം കേരള എഫ്‌സി, ഇന്ത്യൻ എയർഫോഴ്‌സ് എഫ്‌ടി എന്നിവയ്‌ക്കൊപ്പം ഗ്രൂപ്പ് സിയിലാണ് ബ്ലാസ്റ്റേഴ്സിന്റെ സ്ഥാനം.കഴിഞ്ഞ സീസണിൽ ക്വാർട്ടർ ഫൈനലിൽ നിന്ന് പുറത്തായ ബ്ലാസ്റ്റേഴ്‌സ് ഇത്തവണ അവസാന ഘട്ടത്തിലെത്തുമെന്നാണ് പ്രതീക്ഷ.വരാനിരിക്കുന്ന ഐ‌എസ്‌എൽ സീസണിന് മുമ്പ് യുവ താരങ്ങൾക്ക് അവരുടെ കഴിവ് തെളിയിക്കാനുള്ള മികച്ച അവസരമായാണ് ഡ്യൂറൻഡ് കപ്പിനെ കാണുന്നത്.