‘കേരള ബ്ലാസ്റ്റേഴ്സിന്റെ കോട്ട’ : എതിരാളികൾക്ക് നരകമായി തീരുന്ന കലൂർ നെഹ്‌റു സ്റ്റേഡിയം | Kerala Blasters

‘ഞങ്ങൾ മറ്റൊരു കേരള ബ്ലാസ്റ്റേഴ്‌സ് ഹോം മത്സരത്തിനായി കൊച്ചിയിൽ തിരിച്ചെത്തിയിരിക്കുന്നു. 200 ദിവസത്തിലേറെയായി അവർ സ്വന്തം തട്ടകത്തിൽ വിജയം രുചിച്ചിട്ടില്ല. അവർക്ക് ഇന്ന് ഈ സ്ട്രീക്ക് തകർക്കാൻ കഴിയുമോ?’. വർഷങ്ങൾക്ക് മുൻപ് ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സിന്റെ മത്സരത്തിന് മുൻപ് കമന്റേറ്റർമാർ പറഞ്ഞ കാര്യമാണ് ഇപ്പൊ ആരാധകർക്ക് ഓർമ വരുന്നത്.

കേരള ബ്ലാസ്റ്റേഴ്സിൽ സ്റ്റീവ് കോപ്പലിന്റെ കാലത്തിനു മുമ്പും ശേഷവും എതിർ കളിക്കാരോട് അവരുടെ ഇഷ്ടപ്പെട്ട സ്റ്റേഡിയത്തെ കുറിച്ച് ചോദിച്ചപ്പോൾ കലൂർ ജവഹർലാൽ നെഹ്‌റു സ്റ്റേഡിയത്തെ സ്ഥിരമായി തിരഞ്ഞെടുത്തു.സ്റ്റീവ് കോപ്പൽ കൊച്ചിയുടെ വൻ ജനക്കൂട്ടത്തെ സമർത്ഥമായി മുതലെടുത്തു. കോപ്പലിന് ശേഷം സന്ദർശക ടീമുകൾക്ക് ഇഷ്ടപ്പെട്ട സ്ഥലമായി കൊച്ചി മാറി. അഞ്ച് വർഷത്തിന് ശേഷം ഒരു പുതിയ പരിശീലകനും നവീകരിച്ച ടീമും കൊച്ചിയെ എതിരാളികൾക്ക് ഇഷ്ടപ്പെട്ട ലക്ഷ്യസ്ഥാനത്ത് നിന്ന് വിജയകരമായി ബ്ലാസ്റ്റേഴ്സിന്റെ കോട്ടയാക്കി മാറ്റി.

2021-ൽ ഇവാൻ വുകോമാനോവിച്ച് നിയന്ത്രണം ഏറ്റെടുത്തതിന് ശേഷം ഹോം മൈതാനത്ത് ബ്ലാസ്റ്റേഴ്‌സ് ശക്തി കേന്ദ്രമായി മാറി.2022-23 സീസൺ ഓപ്പണറിൽ വുക്കോമാനോവിച്ച് കലൂരിൽ ഒരു വിജയ പരമ്പരയ്ക്ക് തുടക്കമിട്ടു.സാധ്യമായ 30-ൽ 21 പോയിന്റും സ്വന്തമാക്കി.മുൻ സീസണുകളെ അപേക്ഷിച്ച് കാര്യമായ പുരോഗതി രേഖപ്പെടുത്തി. ഈസ്റ്റ് ബംഗാളിനെതിരായ മികച്ച വിജയത്തോടെയാണ് കൊച്ചിയിലെ ആദ്യ സീസൺ ആരംഭിച്ചത്, എന്നാൽ തുടർന്നുള്ള മത്സരങ്ങളിൽ മുംബൈ സിറ്റി എഫ്‌സിക്കും എടികെ മോഹൻ ബഗാനുമെതിരെ ബ്ലാസ്റ്റേഴ്‌സിന് കനത്ത പരാജയം ഏറ്റുവാങ്ങി.

അതിനുശേഷം, ആറ് കളികളും ജയിച്ച അവർ ഹൈദരാബാദ് എഫ്‌സിയോട് മാത്രമാണ് ഹോം ഗ്രൗണ്ടിൽ തോറ്റത്. 2023-24 ഐ‌എസ്‌എൽ സീസണിലും ഹോം ഗ്രൗണ്ടിൽ ബ്ലാസ്റ്റേഴ്‌സ് മികച്ചു നിന്നു. ബ്ലാസ്റ്റേഴ്‌സ് ഇതിനകം അഞ്ച് ഹോം മത്സരങ്ങൾ പൂർത്തിയാക്കി, അതിൽ നാലെണ്ണം വിജയിക്കുകയും നോർത്ത് ഈസ്റ്റ് യുണൈറ്റഡ് എഫ്‌സിക്കെതിരെ ഒരു സമനില നേടുകയും ചെയ്തു.കലൂർ ജവഹർലാൽ നെഹ്‌റു സ്റ്റേഡിയത്തിൽ മഞ്ഞപ്പട എന്നും സാന്നിധ്യമായിരുന്നു.ആദ്യ സീസണുകളിൽ വലിയ കൂട്ടം ആരാധകർ എത്തിയങ്കിലും എതിർ ടീമിന് ഭീഷണിയാവുന്ന രീതിയിൽ അന്തരീക്ഷം സൃഷ്ടിക്കുന്നതിൽ പരാജയപ്പെട്ടു.

എതിരാളികളെ അഭിനന്ദിക്കുകയും ലീഡ് ചെയ്യുമ്പോൾ നിശബ്ദത പാലിക്കുകയും ചെയ്യുന്ന ഒരു ആരാധക കൂട്ടമായിരുന്നു അവർ.Eelco Schattorie ചുമതലയേറ്റ സീസൺ മുതൽ ആരാധകരുടെ മാനസികാവസ്ഥയിൽ മാറ്റങ്ങൾ കണ്ടുതുടങ്ങി.ഇവാൻ വുകൊമാനോവിച്ച് ചുമതലയേറ്റതോടെ ആരാധകന്റെ മാനസികാവസ്ഥ ആകെ മാറിയിരിക്കുകയാണ്. ഉദാഹരണത്തിന്, ഒഡീഷ എഫ്‌സിക്കെതിരായ അവസാന മത്സരത്തിൽ ഡീഗോ മൗറീഷ്യോ ഗോളടിച്ചതിന് ശേഷം കാണികൾ നിശബ്ദരായി എന്ന് കമന്റേറ്റർമാർ പറയുന്നുണ്ടെങ്കിലും, യാഥാർത്ഥ്യം അതിൽ നിന്ന് വളരെ അകലെയാണ്.

എതിർ ടീം ഒന്നോ രണ്ടോ ഗോളുകൾ നേടിയെങ്കിലും തിരിച്ചു വരാം എന്ന ആത്മവിശ്വാസം ആരാധകർ കളിക്കാർ നല്കുന്നുണ്ട്‌.”കേരള ബ്ലാസ്റ്റേഴ്സിനായി കളിക്കുമ്പോൾ, ഈ വലിയ ആരാധകവൃന്ദത്തിന് മുന്നിൽ കളിക്കാൻ കഴിഞ്ഞതിൽ സന്തോഷിക്കണം. അത് സന്തോഷം നൽകണം, സമ്മർദ്ദമല്ല” കൊച്ചിയിൽ കളിക്കുന്നതിനെക്കുറിച്ച് ഇവാൻ പറഞ്ഞ വാക്കുകളാണിത്.