“ഐ‌എസ്‌എല്ലിന്റെ വിർജിൽ വാൻ ഡൈക്ക് ” : കേരള ബ്ലാസ്റ്റേർസ് പ്രതിരോധത്തിലെ ശക്തി
ഇന്ന് തിലക് മൈതാൻ സ്റ്റേഡിയത്തിൽ മുംബൈ സിറ്റി നേരിടുന്ന കേരള ബ്ലാസ്റ്റേഴ്‌സ് മികച്ച ഫോമിലാണ്. 11 മത്സരങ്ങളിൽ അവസാന 10ലും തോൽവി അറിയാത്ത അവർ 11 മത്സരങ്ങളിൽ നിന്ന് 20 പോയിന്റുമായി ലീഗ് പട്ടികയിൽ ഒന്നാം സ്ഥാനത്താണ്.അഡ്രിയാൻ ലൂണ, അൽവാരോ വാസ്‌ക്വെസ്, ജോർജ് ഡയസ് നടത്തുന്ന മികച്ച പ്രകടനമാണ് ബ്ലാസ്റ്റേഴ്സിന്റെ കരുത്ത് .സഹൽ സമദ് ഗോളുകൾ കണ്ടെത്തിയതോടെ ഇവാൻ വുകോമാനോവിച്ചിന്റെ ടീം ഒരു മികച്ച യൂണിറ്റായി മാറുകയും ചെയ്തു.
ആറ് അസിസ്റ്റുകളോടെ കേരള ബ്ലാസ്റ്റേഴ്സിന്റെ ചരിത്രത്തിൽ ഏറ്റവും കൂടുതൽ അസിസ്റ്റുകൾ നേടിയ ജെസൽ കാർനെയ്‌റോയുടെയും ജോസു പ്രീറ്റോയുടെയും റെക്കോർഡിനൊപ്പമെത്തി നിൽക്കുന്ന ലൂണ തന്നെയാണ് ബ്ലാസ്റ്റേഴ്സിന്റെ പ്രകടനങ്ങളുടെ പിന്നിലെ യഥാർത്ഥ ശക്തി.പ്രതിരോധത്തിൽ, യുവതാരം റൂയിവ ഹോർമിപാമിനൊപ്പം മാർക്കോ ലെസ്കോവിച്ച് സ്ഥിരതയുള്ള സാന്നിധ്യമാണ്. വാസ്തവത്തിൽ, ഇതുവരെ ഒരു എതിരാളിയും ഡ്രിബിൾ ചെയ്യാത്ത ഒരേയൊരു കളിക്കാരൻ ലെസ്കോവിച്ച് മാത്രമാണ് – ലിവർപൂളിനായി കളിക്കാൻ തുടങ്ങിയപ്പോൾ ലിവർപൂളിന്റെ വിർജിൽ വാൻ ഡിക്ക് നേടിയ സമാനമായ റെക്കോർഡാണിത്.
മഞ്ഞപ്പടയുടെ പ്രതിരോധത്തിലെ നിര്‍ണായക സാന്നിധ്യം തന്നെയാണ് ക്രോയേഷ്യൻ.ബോളിനെ കൃത്യമായി റീഡ് ചെയ്യാൻ ഉള്ള കഴിവ് മറ്റുള്ളവരിൽ നിന്ന് ലെസ്കൊവിച്ചിനെ വേറിട്ട് നിറുത്തുന്നു.കൂടാതെ ഡിഫൻസ് ലൈൻ അതേ പടി നിലനിർത്താൻ ലെസ്കൊ എടുക്കുന്ന മുൻകരുതൽ പ്രശംസനീയം ആണ്. ഏത് പന്തും ക്ലീൻ ആയി ടാക്കിൽ ചെയ്യാൻ ഉള്ള കഴിവും, സ്ലൈഡിങ് ടേക്കിൽ ചെയ്യാൻ ഉള്ള മിടുക്കും താരത്തിൻ്റെ ശക്തിയാണ്.പന്ത് തിരികെ പിടിച്ചെടുക്കാനുള്ള കഴിവാണ് ലെസ്‌കോവിച്ചിനെ പ്രതിരോധത്തിലെ വിശ്വസ്തനാക്കുന്നത്.ഒരു സെന്റർ ബാക്ക് എന്നതിലുപരി ലെഫ്റ്റ് ബാക്ക്, റൈറ്റ് ബാക്ക്, ഡിഫെൻസീവ് മിഡ്‌, അറ്റാക്കിങ് മിഡ്‌ എന്നീ റോളുകളിലും ഒരേ പോലെ കളിക്കാൻ സാധിക്കുന്ന താരമാണ് മാർക്കോ.
മറുവശത്ത്, മുംബൈ സിറ്റി എഫ്‌സി തങ്ങളുടെ അവസാന അഞ്ച് മത്സരങ്ങളിൽ വിജയിക്കാത്തതിനാൽ തകർച്ചയിലൂടെയാണ് കടന്നുപോകുന്നത്. ബ്ലാസ്റ്റേഴ്സിനോട് 3-0ന് തോറ്റതിന് ശേഷമാണ് അവരുടെ ഫോം നഷ്ടപെട്ടുപോയത്.2015ൽ ഏഴ് മത്സരങ്ങൾ ജയിക്കാത്തതിന് ശേഷമുള്ള അവരുടെ ഏറ്റവും ദൈർഘ്യമേറിയ രണ്ടാമത്തെ വിജയിക്കാത്ത പരമ്പരയാണിത്.അതിനാൽ ഡെസ് ബക്കിംഗ്ഹാമിന്റെ സംഘം വിജയവഴിയിലേക്ക് മടങ്ങാനും മഞ്ഞപ്പടയിൽ നിന്ന് ഒന്നാം സ്ഥാനം വീണ്ടെടുക്കാനും തീവ്രശ്രമം നടത്തും.