‘ആശാൻ @ 50’ : കേരള ബ്ലാസ്റ്റേഴ്സിനൊപ്പം 50 മത്സരങ്ങൾ പൂർത്തിയാക്കി ഇവാൻ വുകോമനോവിച്ച് | Ivan Vukomanović |Kerala Blasters

കളിക്കളത്തിൽ താരങ്ങളേക്കാൾ ആരാധക പ്രീതി കോച്ചിന് ലഭിക്കുകയെന്നത് അത്ര എളുപ്പമല്ല. പക്ഷേ കേരളാ ബ്ലാസ്റ്റേഴ്സിന്റെ കാര്യങ്ങൾ മറിച്ചാണ്. കേരള ബ്ലാസ്റ്റേഴ്സിൽ കളിക്കാരേക്കാൾ കൂടുതൽ ആരാധകർക്ക് പ്രിയം പരിശീലകൻ ഇവാൻ വുകോമനോവിചിനോടാണ് പറയേണ്ടി വരും.കേരള ബ്ലാസ്റ്റേഴ്സിനോടൊപ്പം 50 മത്സരങ്ങൾ പൂർത്തിയാക്കിയിരിക്കുകയാണ് ഇവാൻ.

കഴിഞ ദിവസം കൊച്ചിയിൽ ഹൈദരാബാദ് എഫ്സിയെ ഒരു ഗോളിന് പരാജയപ്പെടുത്തിയ മത്സരമായിരുന്നു ഇവാൻ വുകോമനോവിന്റെ ബ്ലാസ്റ്റേഴ്സിനായുള്ള അൻപതാം മത്സരം. 2021 -22 സീസണിലാണ് സെർബിയൻ ബ്ലാസ്റ്റേഴ്സിന്റെ പരിശീലകനായി എത്തുന്നത്. ആ സീസണിൽ കേരള ബ്ലാസ്റ്റേഴ്സിനെ ഫൈനലിൽ എത്തിക്കാൻ കഴിഞ്ഞെങ്കിലും ഫൈനലിൽ ഹൈദെരാബാദിനോട് പരാജയപെട്ടു. കഴിഞ്ഞ സീസണിൽ പ്ലെ ഓഫിലെത്തിയെങ്കിലും ബംഗളുരുവിനോട് വിവാദ ഗോളിൽ പരാജയപെട്ട് പുറത്ത് പോയി.

ആകെ 50 മത്സരങ്ങൾ കളിച്ചപ്പോൾ അതിൽ വിജയങ്ങൾ തന്നെയാണ് കൂടുതൽ.24 മത്സരങ്ങളിൽ വിജയിച്ചു, 9 സമനിലകൾ വഴങ്ങി, 17 തോൽവികളും ഏറ്റുവാങ്ങേണ്ടി വന്നു. ഇനിയുള്ള സീസണുകളിൽ കേരള ബ്ലാസ്റ്റേഴ്സിനൊപ്പം നിൽക്കാനാണ് താൻ ആഗ്രഹിക്കുന്നതെന്ന് ഇവാൻ വ്യക്തമാക്കിയിരുന്നു.തുടര്‍ന്നും ടീമിന്റെ കൂടെ തന്നെ നില്‍ക്കാൻ ആഗ്രിഹിക്കുന്നുവെന്നും മാനേജ്‌മെന്റും അതുതന്നെ ആഗ്രഹിക്കുന്നുവെന്നാണ് കരുതുന്നതെന്നും വുകോമനോവിച്ച്‌ വ്യക്തമാക്കി.

കേരള ബ്ലാസ്റ്റേഴ്‌സിൽ താൻ സംതൃപ്തനാണെന്നും എത്ര പണം ഓഫർ ചെയ്ത് മറ്റുക്ലബ്ബുകൾ വിളിച്ചാലും താൻ കേരള ബ്ലാസ്റ്റേഴ്‌സ് വിടില്ലെന്ന് വ്യക്തമാക്കിയിരുന്നു. ഈ സീസണിൽ 7 മത്സരങ്ങൾ കളിച്ചപ്പോൾ അതിൽ അഞ്ചു മത്സരങ്ങളിലും വിജയം സ്വന്തമാക്കാൻ കേരള ബ്ലാസ്റ്റേഴ്സിന് സാധിച്ചിട്ടുണ്ട്. 16 പോയിന്റുമായി ഒന്നാം സ്ഥാനത്താണ് കേരള ബ്ലാസ്റ്റേഴ്‌സ്.