ഐ എസ് എൽ ഉദ്ഘാടന മത്സരം കൊച്ചിയിൽ ,കേരള ബ്ലാസ്റ്റേഴ്സിന്റെ എതിരാളികൾ ബംഗളുരു |Kerala Blasters

ഇന്ത്യൻ സൂപ്പർ ലീ​ഗ് പത്താം സീസണിന്റെ ഉദ്​ഘാടനമത്സരം കൊച്ചിയിൽ നടക്കും. സെപ്റ്റംബർ 21 ന് നടക്കുന്ന മത്സരത്തിൽ ബംഗലുരുവാണ് കേരള ബ്ലാസ്റ്റേഴ്സിന്റെ എതിരാളികളായി വരുന്നത്. കഴിഞ്ഞ സീസണിലും ഐഎസ്എൽ ഉത്ഘാടന മത്സരം കൊച്ചിയിൽ തന്നെയായിരുന്നു.

ഈസ്റ്റ് ബംഗാൾ ആയിരുന്നു അന്ന് ബ്ലാസ്റ്റേഴ്സിന്റെ എതിരാളികളായി എത്തിയത്. കഴിഞ്ഞ സീസണിലെ വിവാദമായ പ്ലെ ഓഫിൽ ആയിരുന്നു ഐഎസ്എല്ലിൽ ബംഗളൂരുവും ബ്ലാസ്റ്റേഴ്സും ഏറ്റുമുട്ടിയത്.ഈയാഴ്ച തന്നെ ഇന്ത്യൻ സൂപ്പർ ലീഗിന്റെ ഫിക്സ്ചറുകൾ പ്രഖ്യാപിക്കും. സെപ്റ്റംബർ മാസം തുടങ്ങുന്ന ഇന്ത്യൻ സൂപ്പർ ലീഗ് സീസൺ 2024 മാർച്ച് വരെയാണ് നീണ്ടുനിൽക്കുന്നത്.

ട്രാൻസ്ഫർ വിൻഡോയിൽ മികച്ച വിദേശ താരങ്ങളെയും യുവ ഇന്ത്യൻ താരങ്ങളെയും ടീമിലെത്തിച്ച ബ്ലാസ്റ്റേഴ്‌സ് വലിയ പ്രതീക്ഷയോടെയാണ് പത്താം സീസണിൽ ഇറങ്ങുന്നത്.കഴിഞ്ഞ സീസണിലെ നിരാശ മറക്കാനുള്ള ശ്രമത്തിലാണ് ഇവാൻ വുകമനോവിച്ചും ബ്ലാസ്റ്റേഴ്സും ഇറങ്ങുക.