രാജാക്കന്മാർ ഒരുമ്പെട്ടാൽ മറ്റുള്ളവർ മാറി കൊടുത്തിരിക്കണം,എമ്പപ്പെ റയലിനു മാത്രം.

ലോകഫുട്ബോളിലെ സൂപ്പർ താരമായ കിലിയൻ എംബാപ്പയുടെ ട്രാൻസ്ഫർ വാർത്തകൾ തന്നെയാണ് നിലവിലും ഫുട്ബോൾ ലോകത്ത് ചർച്ചയാവുന്നത്. സമ്മർ ട്രാൻസ്ഫർ വിൻഡോ തുറക്കുവാൻ ഒരുപാട് സമയം മുന്നിൽ നിൽക്കവേ എംബാപ്പയുടെ ട്രാൻസ്ഫർ സംബന്ധിച്ചുള്ള അപ്ഡേറ്റുകളും വാർത്തകളുമാണ് ഫുട്ബോൾ ലോകത്തെ ചൂടുപിടിച്ച ചർച്ചകൾ. നിലവിൽ ലോകഫുട്ബോളിലെ ഏറ്റവും മികച്ച താരങ്ങളിൽ ഒരാളായി കണക്കാക്കപ്പെടുന്നതിനാലാണ് എംബാപ്പേ വാർത്തകൾക്ക് പ്രാധാന്യം.

ഈ സീസൺ അവസാനിക്കാൻ ഒരുങ്ങവെ ഫ്രഞ്ച് ക്ലബ്ബായ പി എസ് ജിയുമായി കരാർ അവസാനിക്കുന്ന കിലിയൻ എംബാപ്പ കരാർ പുതുക്കുന്നില്ല എന്ന് ക്ലബ്ബിനെ അറിയിച്ചതോടെ ഈ വർഷം ടീം വിടുമെന്ന് കാര്യത്തിൽ ഉറപ്പായിട്ടുണ്ട്. ഏറെ വർഷങ്ങളായി ഫ്രഞ്ച് സൂപ്പർ താരത്തിനെ സ്വന്തമാക്കാൻ അവസരം കാത്തുനിൽക്കുന്ന റയൽമാരുടെ ജനുവരി ട്രാൻസ്ഫർ വിൻഡോ മുതൽ തന്നെ എംബാപ്പെക്ക് വേണ്ടി ഓഫറുകൾ നൽകിയിട്ടുണ്ട്. കരാർ അവസാനിച്ചതിനുശേഷമാണ് എംബാപ്പേയുടെ ട്രാൻസ്ഫർ നടക്കുക എന്നതിനാൽ ഫ്രീ ട്രാൻസ്ഫറിലൂടെ ആയിരിക്കും താരം ചേക്കേറുക.

ജനുവരി മുതൽ റയൽ മാഡ്രിഡ്‌ നൽകിയ ഓഫറുകൾ അല്ലാതെ എംബാപ്പേകൾ വേണ്ടി മറ്റൊരു ക്ലബും നിലവിൽ രംഗത്തില്ല എന്നാണ് ഫാബ്രിസിയോ പറയുന്നത്. നിലവിൽ ട്രാൻസ്ഫർ കാര്യത്തിൽ മുഴുവൻ ശ്രദ്ധയും റയൽ മാഡ്രിഡിന്റെ കാര്യത്തിലാണ് എംബാപ്പേ നൽകിയിരിക്കുന്നത്. റയൽ മാഡ്രിഡിൽ സൈൻ ചെയ്യുന്നതിന്റെ ഭാഗമായി എംബാപ്പെക്ക് വലിയൊരു സംഖ്യ സൈനിങ് ഫീയായി നൽകാമെന്നും റയൽ മാഡ്രിഡ്‌ പറഞ്ഞിട്ടുണ്ട്.

എന്നാൽ റയൽ മാഡ്രിഡിലെ എബാപ്പേയുടെ സാലറി സൂപ്പർ താരങ്ങളായ വിനീഷ്യസ് ജൂനിയർ, ജൂഡ് ബെലിങ്ഹാം എന്നിവർക്ക് സമാനമായിട്ടുള്ളതാണ്. നിലവിൽ റയൽ മാഡ്രിഡ് നൽകിയ ഓഫർ സംബന്ധിച്ച് വിശദാംശങ്ങൾ അവസാനഘട്ട പരിശോധനകൾ നടത്തുന്ന എംബാപ്പേ ശെരിയായ സമയത്തു റയൽ മാഡ്രിഡിൽ സൈൻ ചെയ്യാൻ ഒരുങ്ങുകയാണ്. റയൽ മാഡ്രിഡിന് വേണ്ടി എംബാപ്പേ സൈൻ ചെയ്തതിനുശേഷം ഉടനെ തന്നെ ഫ്രഞ്ച് ക്ലബ്ബായ പി എസ് ജി എംബാപ്പേയുടെ വിടവാങ്ങൽ സംബന്ധിച്ചുള്ള ഔദ്യോഗികപരമായ കാര്യങ്ങളിൽ നീക്കങ്ങൾ വേഗത്തിൽ നടത്തും. എന്തായാലും വരുന്ന സമ്മർ ട്രാൻസ്ഫർ വിൻഡോയിൽ എംബാപെയെ കാത്തിരിക്കുകയാണ് റയൽ മാഡ്രിഡ്‌ ആരാധകർ.