‘നിരാശകൾ എന്നെ വളരാൻ സഹായിച്ചു’ : മാർക്ക അമേരിക്ക അവാർഡ് സ്വന്തമാക്കി ലയണൽ മെസ്സി | Lionel Messi

തൻ്റെ ശ്രദ്ധേയമായ കരിയറിലെ മിക്കവാറും എല്ലാ ടൈറ്റിലുകളും ഉള്ള ലയണൽ മെസ്സിയെ ഫുട്ബോൾ ചരിത്രത്തിലെ ഏറ്റവും മികച്ച താരങ്ങളിൽ ഒരാളായാണ് കണക്കാക്കുന്നത്. അദ്ദേഹത്തിൻ്റെ ശ്രദ്ധേയമായ കഴിവുകൾ, സ്ഥിരത, നിരവധി ബഹുമതികൾ എന്നിവ അദ്ദേഹത്തിന്റെ സ്ഥാനമുറപ്പിക്കുന്നു.

സ്‌പെയിൻ ആസ്ഥാനമായുള്ള മീഡിയ കമ്പനി നൽകുന്ന മാർക അമേരിക്ക അവാർഡിൻ്റെ ആദ്യ സ്വീകർത്താവായി മെസ്സി മാറി. കഴിഞ്ഞ ദിവസം മിയാമിയിലെ ചേസ് സ്റ്റേഡിയത്തിൽ വെച്ച് അർജൻ്റീനിയൻ അവർഡ് സ്വീകരിച്ചു.ക്ലബ്ബിലും അന്താരാഷ്‌ട്ര തലത്തിലും അദ്ദേഹം 46 ട്രോഫികൾ നേടിയിട്ടുണ്ട്, എട്ട് ബാലൺ ഡി ഓർ ബഹുമതികളും അദ്ദേഹത്തിനുണ്ട്. അദ്ദേഹത്തിൻ്റെ വ്യക്തിഗത ബഹുമതികളിൽ മൂന്ന് ഫിഫ ദി ബെസ്റ്റ് ബഹുമതികൾ, രണ്ട് ഫിഫ ലോകകപ്പ് ഗോൾഡൻ ബോളുകൾ, റെക്കോർഡ് ആറ് യൂറോപ്യൻ ഗോൾഡൻ ഷൂസ് എന്നിവ ഉൾപ്പെടുന്നു.2021 ലും 2024 ലും അർജൻ്റീനയ്‌ക്കൊപ്പം കോപ്പ അമേരിക്ക ചാമ്പ്യൻഷിപ്പുകൾ 2022 ഫിഫ ലോകകപ്പ് എന്നിവ അദ്ദേഹത്തെ സ്വന്തമാക്കി.

“ഇത് നീണ്ട യാത്രയായിരുന്നു,ഒരുപാട് മനോഹരമായ കാര്യങ്ങൾ അനുഭവിച്ചിട്ടുണ്ട്, മാത്രമല്ല സങ്കീർണ്ണമായ നിമിഷങ്ങളും ഞങ്ങൾ അനുഭവിച്ചിട്ടുണ്ട്. 20 വർഷത്തിനുള്ളിൽ എല്ലാം മനോഹരമല്ല. എല്ലാ സമയത്തും ജയിക്കാൻ കഴിയില്ല” മെസ്സി പറഞ്ഞു.“ദൈവത്തിന് നന്ദി, ഞാൻ എൻ്റെ എല്ലാ സ്വപ്നങ്ങളും നിറവേറ്റി. ചെറുപ്പത്തിൽ എനിക്കുണ്ടായിരുന്നതിനേക്കാൾ കൂടുതൽ. ലോകകപ്പ് നേടുക എന്ന ഏറ്റവും വലിയ സ്വപ്നം സാക്ഷാത്കരിക്കാൻ എനിക്ക് കഴിഞ്ഞു. എൻ്റെ ജീവിതത്തിലെ ക്ലബ്ബായ ബാഴ്‌സലോണയിലും പാരീസിലും ഇൻ്ററിലും ഞാൻ ഒരുപാട് വിജയിച്ചു. ഞങ്ങൾ പോരാട്ടം തുടരും” മെസ്സി കൂട്ടിച്ചേർത്തു.

“എനിക്ക് ഏറ്റവും വലിയ സമ്മാനം നേടാൻ കഴിഞ്ഞു, അത് ലോകകപ്പാണ്,” മെസ്സി പറഞ്ഞു. “ഞങ്ങൾ കളിക്കാൻ തുടങ്ങുമ്പോൾ നാമെല്ലാവരും ആഗ്രഹിക്കുന്ന ട്രോഫിയാണിത്, എൻ്റെ സ്വപ്നം നിറവേറ്റാൻ എനിക്ക് കഴിഞ്ഞു.ബാഴ്‌സലോണയിൽ ഞങ്ങൾ നിരവധി കിരീടങ്ങൾ നേടിയിട്ടുണ്ട്,മറ്റൊരു കിരീടത്തിനായി കഠിനമായി പോരാടുക എന്ന ലക്ഷ്യത്തോടെ ഞങ്ങൾ ഇപ്പോൾ ഇവിടെയുണ്ട് “മെസ്സി പറഞ്ഞു.“ഞാൻ ട്രോഫികൾ കണക്കാക്കുന്നില്ല ,എല്ലാത്തിനുമുപരി, വ്യക്തിഗതമായവ. (…) ഞങ്ങൾക്കും ബുദ്ധിമുട്ടുള്ള സമയങ്ങളുണ്ട്. എല്ലാം മനോഹരമല്ല. നിരാശകൾ എന്നെ വളരാൻ സഹായിച്ചു” മെസ്സി കൂട്ടിച്ചേർത്തു.