ലയണൽ മെസ്സി നാളെ വീണ്ടും കളത്തിൽ. ഇന്റർ മയാമിക് എതിരാളികൾ ന്യൂയോർക്ക് സിറ്റി |Lionel Messi

ആദ്യമായാണ് അമേരിക്കൻ ലീഗിലേക്ക് ഒരു ബാലൻഡിയോർ അവാർഡ് എത്തുന്നത്, അത് അവർ ആഘോഷിക്കാൻ തന്നെ തീരുമാനിച്ചിരിക്കുകയാണ്. ലയണൽ മെസ്സി ഈ വർഷം നേടിയ ബാലൻഡിയോർ പുരസ്‌കാര പ്രദർശന മത്സരം നാളെ പുലർച്ചെ ഇന്ത്യൻ സമയം 6 30നാണ്.

ലയണൽ മെസ്സിയുടെ വരവ് തന്നെ എംഎൽഎസ് ആരാധകർ ആഘോഷമാക്കിയിരുന്നു.മെസ്സിയുടെ വരവിന് ശേഷം അമേരിക്കൻ സോക്കർ ലീഗിൽ ഒരു ഉണർവ് നൽകിയിട്ടുണ്ട്, ആ ആവേശം നിലനിർത്താനാണ് ഇതുപോലൊരു മത്സരം സംഘടിപ്പിച്ചിരിക്കുന്നത്. നാളെ പുലർച്ചെ നടക്കുന്ന മത്സരം ആപ്പിൾ ടീവിയിലും ഓൺലൈൻ സ്ട്രീമിംഗ് ലിങ്കുകളിലും കാണാം.

ഇന്റർ മിയാമിക്കൊപ്പം 2023 ലീഗ്സ് കപ്പ് നേടിയ അദ്ദേഹം ക്ലബ്ബിനെ 2023 യുഎസ് ഓപ്പൺ കപ്പ് ഫൈനലിലേക്ക് നയിച്ചു. മിയാമിക്കൊപ്പം 14 മത്സരങ്ങളിൽ നിന്ന് 11 ഗോളുകളും എട്ട് അസിസ്റ്റുകളും അദ്ദേഹം നേടിയിട്ടുണ്ട്. ഇന്റർമയാമി ക്ലബ്ബ് നിലവിൽ വന്ന ശേഷം ആദ്യമായാണ് ഒരു കിരീടം നേടുന്നത്. അതിൽ ലയണൽ മെസ്സിയുടെ പങ്ക് വളരെ വലുതായിരുന്നു.