❝ഒരു സമ്പൂർണ്ണ കളിക്കാരനാണ്❞ ,എംബാപ്പെയെ കുറിച്ച് ലയണൽ മെസ്സി | Lionel Messi

പിഎസ്ജിയിലെ സഹ താരം കൈലിയൻ എംബാപ്പെയെ പ്രശംസിച്ച് ലയണൽ മെസ്സി.”വരാനിരിക്കുന്ന വർഷങ്ങളിൽ” സഹതാരം കൈലിയൻ എംബാപ്പെ ലോകത്തിലെ ഏറ്റവും മികച്ച കളിക്കാരിൽ ഒരാളായിരിക്കുമെന്ന് ലയണൽ മെസ്സി തറപ്പിച്ചുപറഞ്ഞു.

കഴിഞ്ഞയാഴ്ച ഓസ്ട്രിയയ്‌ക്കെതിരായ ഫ്രാൻസിന്റെ വിജയത്തിന് ശേഷമുള്ള എംബാപ്പെയുടെ അഭിപ്രായങ്ങൾ നെയ്‌മറിനെതിരായ വാക്കുകളായി പലരും വ്യാഖ്യാനിച്ചു.ക്ലബ്ബിനേക്കാൾ രാജ്യത്തിന് വേണ്ടി കൂടുതൽ സ്വാതന്ത്ര്യത്തോടെ കളിക്കാൻ തനിക്ക് കഴിയുമെന്ന് മുൻ മൊണാക്കോ താരം വിശദീകരിച്ചു. പാർക് ഡെസ് പ്രിൻസസിലെ പെനാൽറ്റി ഡ്യൂട്ടിയെച്ചൊല്ലി ഇരുവരുടെയും ബന്ധം കൂടുതൽ വഷളായിരുന്നു.ബ്രസീലിനൊപ്പം ഘാനക്കെതിരെയുള്ള മത്സരത്തിന് ശേഷം നെയ്‌മറോട് എംബാപ്പെയെക്കുറിച്ച് ചോദിച്ചപ്പോൾ അതിശയിപ്പിക്കുന്ന മറുപടിയാണ് നൽകിയത്.

എന്നാൽ ലോകകപ്പ് ജേതാവിനെക്കുറിച്ചുള്ള തന്റെ അഭിപ്രായത്തിൽ മെസ്സിക്ക് സംശയമില്ല.”കൈലിയൻ ഒരു വ്യത്യസ്ത കളിക്കാരനാണ്, വളരെ ശക്തനായ, വളരെ വേഗതയുള്ള, ധാരാളം ഗോളുകൾ നേടുന്ന ഒരു ബെസ്റ്റ്‌ ആണ്. എംബപ്പേ ഒരു സമ്പൂർണ്ണ കളിക്കാരനാണ്, വർഷങ്ങളായി അത് തെളിയിച്ചിട്ടുണ്ട്, വരും വർഷങ്ങളിൽ തീർച്ചയായും മികച്ചവരിൽ ഒരാളായിരിക്കും” ലയണൽ മെസ്സി പറഞ്ഞു.

വളരെ മികച്ച പ്രകടനമാണ് ഈ സീസണിൽ മെസ്സിയും എംബപ്പേയും പുറത്തെടുക്കുന്നത്. 6 ഗോളുകളും 8 അസിസ്റ്റുകളുമാണ് മെസ്സി പിഎസ്ജിക്ക് വേണ്ടി നേടിയിട്ടുള്ളത്. ഇതിൽ 5 അസിസ്റ്റുകളും എംബപ്പേക്കായിരുന്നു മെസ്സി നൽകിയിരുന്നത്.അതേസമയം കിലിയൻ എംബാപ്പെ ആകെ ഈ സീസണിൽ 10 ഗോളുകളാണ് നേടിയിട്ടുള്ളത്.അസിസ്റ്റുകൾ ഒന്നും നേടാൻ അദ്ദേഹത്തിന് കഴിഞ്ഞിട്ടില്ല.

വ്യാഴാഴ്ച രാത്രി നേഷൻസ് ലീഗിൽ ഓസ്ട്രിയയെ 2-0ന് തോൽപ്പിച്ചപ്പോൾ ഫ്രാൻസിനായി എംബാപ്പെ സ്കോർ ചെയ്തു. എന്നാൽ കോപ്പൻഹേഗനിൽ ലെസ് ബ്ലൂസിനെ ഡെന്മാർക്ക് തോൽപിച്ചപ്പോൾ ഫോർവേഡിന് ഗോളുകൾ ഒന്നും നേടാനായില്ല.എന്നാൽ യുവേഫ നേഷൻസ് ലീഗ് തരംതാഴ്ത്തലിൽ നിന്ന് ഫ്രാൻസ് കഷ്ടിച്ച് രക്ഷപ്പെട്ടു.അതേസമയം ലോകകപ്പിന് മുമ്പുള്ള അവസാന സന്നാഹ മത്സരത്തിൽ മെസ്സിയുടെ അർജന്റീന ഈ ആഴ്ച ജമൈക്കയുമായി കളിക്കും. ഹോണ്ടുറാസിനെതിരെയുള്ള മത്സരത്തിൽ മെസ്സിയുടെ ഇരട്ട ഗോളുകളിൽ അവർ ജയിച്ചിരുന്നു. 2018 ൽ ഫ്രാൻസിനോട് പരാജയപെട്ടാണ് അര്ജന്റീന വേൾഡ് കപ്പിൽ നിന്നും പുറത്തായത്.