വലിയ തീരുമാനവുമായി ലയണൽ മെസ്സി ,ഖത്തറിലേത് അവസാനത്തെ വേൾഡ് കപ്പ് |Lionel Messi

കഴിഞ്ഞ കുറച്ച് മാസങ്ങളായി അർജന്റീന താരം ലയണൽ മെസ്സിയുടെ ഭാവിയെ കുറിച്ചാണ് ഫുട്ബോൾ ലോകം ചർച്ച ചെയ്യുന്നത്. 2022 ലോകകപ്പ് നവംബറിൽ ആരംഭിക്കാനിരിക്കെ, ഈ ലോകകപ്പ് മെസ്സിയുടെ അവസാനത്തേതായിരിക്കുമോ എന്നതിനെക്കുറിച്ച് ഫുട്ബോൾ ആരാധകർക്കിടയിൽ സജീവമായ ചർച്ചയുണ്ട്.

എന്നാൽ ഇപ്പോൾ എല്ലാ ഊഹാപോഹങ്ങൾക്കും വിരാമമിട്ട് ലയണൽ മെസ്സി തന്നെ തന്റെ ഭാവിയെക്കുറിച്ച് വ്യക്തമായ സൂചന നൽകിയിരിക്കുകയാണ്. സെബാസ്റ്റ്യൻ വിഗ്‌നോലോയുമായി നടത്തിയ ഒരു സംഭാഷണത്തിനിടെയാണ് മെസി അമേരിക്കയിൽ വെച്ചു നടക്കുന്ന 2026 ലോകകപ്പിൽ അർജന്റീന ടീമിന്റെ ഭാഗമായി ഉണ്ടാകില്ലെന്നു വ്യക്തമാക്കിയത്. ഇതു സംബന്ധിച്ച് താൻ തീരുമാനം എടുത്തു കഴിഞ്ഞുവെന്നും മെസി അറിയിച്ചു.

“ഇതെന്റെ അവസാനത്തെ ലോകകപ്പാണ്, തീർച്ചയായും. ആ തീരുമാനം എടുത്തു കഴിഞ്ഞു.ലോകകപ്പ് വരേക്കുമുള്ള ദിവസങ്ങൾ എണ്ണിയിരിക്കുകയാണ് ഞാൻ. സത്യം പറഞ്ഞാൽ ചെറിയൊരു ഉത്കണ്ടയുണ്ട്. എന്താണ് സംഭവിക്കാൻ പോകുക, ഇതെന്റെ അവസാനത്തേതാണ്, അതെങ്ങിനെയായിരിക്കും കടന്നു പോവുക. അതാരംഭിക്കുന്നതിന് ഇനിയും കാത്തിരിക്കാൻ കഴിയില്ല. അത് മികച്ച രീതിയിലാവണമെന്നും ആഗ്രഹിക്കുന്നു.” മെസി പറഞ്ഞു.“ഞങ്ങൾ കരുത്തരായൊരു ഗ്രൂപ്പിനൊപ്പം മികച്ചൊരു അവസ്ഥയിലാണ് ഇപ്പോൾ നിൽക്കുന്നത്. പക്ഷെ ലോകകപ്പിൽ എന്തും സംഭവിക്കാം. എല്ലാ മത്സരങ്ങളും ബുദ്ധിമുട്ടേറിയതാണ്. അതാണ് ലോകകപ്പിനെ പ്രത്യേകതയുള്ളതാക്കുന്നത്. അതിൽ നമ്മൾ പ്രതീക്ഷിക്കുന്നതു പോലെ ഏറ്റവുമധികം സാധ്യത കൽപ്പിക്കുന്ന ടീമുകളാവില്ല വിജയം നേടുന്നതും മികച്ച പ്രകടനം നടത്തുന്നതും.” മെസി കൂട്ടിച്ചേർത്തു.

ലോകകപ്പിനുള്ള അർജന്റീന ടീമിന്റെ തയ്യാറെടുപ്പുകളെക്കുറിച്ചും പ്രതീക്ഷകളെക്കുറിച്ചും മെസ്സി സംസാരിച്ചു. “ഞങ്ങൾ വളരെ നല്ല നിമിഷത്തിലാണ്. വളരെ ശക്തമായ ഒരു ഗ്രൂപ്പിനൊപ്പം. എന്നാൽ ലോകകപ്പിൽ എന്തും സംഭവിക്കാം. എല്ലാ മത്സരങ്ങളും ബുദ്ധിമുട്ടുള്ളതാണ്, അതാണ് ലോകകപ്പിനെ സവിശേഷമാക്കുന്നത്. കാരണം ഫേവറിറ്റുകൾ എല്ലായ്‌പ്പോഴും വിജയിക്കുന്നവരോ നിങ്ങൾ പ്രതീക്ഷിക്കുന്നത് പോലെ മികച്ച പ്രകടനം നടത്തുന്നവരോ അല്ല,” മെസ്സി തുടർന്നു.

“ വേൾഡ് കപ്പിൽ ഞങ്ങൾ പ്രിയപ്പെട്ടവരാണോ എന്ന് എനിക്കറിയില്ല. എന്നാൽ അർജന്റീന തന്നെ എപ്പോഴും ചരിത്രത്തിന്റെ സ്ഥാനാർത്ഥിയാണ്.ഞങ്ങൾ പ്രിയപ്പെട്ടവരല്ല, ഞങ്ങൾക്ക് മുകളിൽ മറ്റ് ടീമുകളുണ്ടെന്ന് ഞാൻ കരുതുന്നു, ”മെസ്സി പറഞ്ഞു. ഈ ലോകകപ്പ് മെസ്സിയുടെ അവസാന ലോകകപ്പായിരിക്കുമെന്ന് ഏറെക്കുറെ ഉറപ്പായിരുന്നുവെങ്കിലും 2026 ലോകകപ്പിലും മെസ്സി ഉണ്ടാകണമെന്ന് ആഗ്രഹിച്ച ലയണൽ മെസിയുടെ ആരാധകർ നിരാശാജനകമായ പ്രസ്താവനയാണ് ഇപ്പോൾ നടത്തിയിരിക്കുന്നത്.