❝ ലയണൽ മെസ്സിക്ക് എല്ലായ്പ്പോഴും എന്റെ ടീമിൽ ഒരു സ്ഥാനം ഉണ്ടാവും ❞ : സെർജിയോ റാമോസ്
യൂറോപ്യൻ ഫുട്ബോൾ ഏറ്റവും വലിയ രണ്ടു എതിരാളികളായിരുന്നു സ്പാനിഷ് ക്ലബ്ബുകളായ ബാഴ്സലോണയും റയൽ മാഡ്രിഡും. ഇവർ തന്നിലുള്ള പോരാട്ടങ്ങൾക്ക് ഒരു നൂറ്റാണ്ടോളം പ്രായമുണ്ട്. രണ്ടു ക്ലബ്ബുകളും നേർക്ക് നേർ വരുമ്പോൾ വെറും വാശിയും നിറഞ്ഞ കനത്ത പോരാട്ടത്തിന് ആരാധകർ സാക്ഷിയാവാറുണ്ട്.ബാഴ്സലോണയിലെയും റയൽ മാഡ്രിഡിലെയും മികച്ച രണ്ട് ടീമുകൾക്കായി കളിച്ച കഴിഞ്ഞ ദശകത്തിൽ ലാ ലിഗയിൽ നടന്ന ഏറ്റവും ശക്തമായ എതിരാളികളിൽ ഒരാളായിരുന്നു മെസ്സിയും റാമോസും. എന്നാൽ തനറെ കടുത്ത എതിരാളിയോടൊപ്പം കളിക്കാനുള്ള ആഗ്രഹം വെളിപ്പെടുത്തിയിരിക്കുകയാണ് സ്പാനിഷ് താരം.
റയൽ മാഡ്രിഡിനൊപ്പം ഒരു മഹത്തായ കരിയറിന് ശേഷം പാരീസ് സെന്റ് ജെർമെയ്നിൽ ചേർന്ന റാമോസ് മെസ്സി ഈ സീസണിൽ പിഎസ്ജി യിൽ ചേരണമെന്ന് ആഗ്രഹിച്ചിരുന്നു. എന്നാൽ പുറത്തു വരുന്ന റിപോർട്ടുകൾ പ്രകാരം മെസ്സി ബാഴ്സയുമായി പുതിയ കരാർ ഒപ്പിടാനുള്ള ഒരുക്കത്തിലാണ്. ലോകത്തിലെ ഏറ്റവും മികച്ച കളിക്കാരിൽ ഒരാളായതിനാൽ മെസ്സിക്ക് എല്ലായ്പ്പോഴും തന്റെ ടീമിൽ ഒരു റോൾ ഉണ്ടെന്നും റാമോസ് പറഞ്ഞു.“മികച്ച കളിക്കാരുമായി കളിക്കാൻ ഞാൻ ആഗ്രഹിക്കുന്നു, ലോകത്തിലെ ഏറ്റവും മികച്ച കളിക്കാരിൽ ഒരാളാണ് മെസ്സി,” റാമോസ് ടിഎൻ‌ടി സ്പോർട്സിനോട് പറഞ്ഞു. പിച്ചിൽ കടുത്ത പോരാട്ടം ആണെങ്കിലും പൊതുവേദികളിൽ മെസ്സിയെ എന്നും പുകഴ്ത്തുന്ന താരമാണ് റാമോസ്.
പിഎസ്ജിയിൽ സഹ താരമായ സൂപ്പർ താരം നെയ്മറെ കുറിച്ചും റാമോസ് സംസാരിച്ചു.“അദ്ദേഹം ബാഴ്‌സയിലാണെന്നും ഞാൻ റയൽ മാഡ്രിഡിലാണെങ്കിലും ഞങ്ങൾ നല്ല ബന്ധം പുലർത്തിയിരുന്നെനും റാമോസ് പറഞ്ഞു.നെയ്മറാണ് പി.എസ്.ജിയിൽ ചേരാൻ പ്രേരിപ്പിച്ചതെന്ന് റാമോസ് വെളിപ്പെടുത്തി. സ്പെയിനിൽ ഞങ്ങൾ ഒരുമിച്ചു കളിച്ച വര്ഷങ്ങളിലെ വൈരാഗ്യത്തിൽ ഞങ്ങൾ ഒരു ബന്ധം സ്ഥാപിച്ചു, പി‌എസ്‌ജിയിലേക്ക് വരാൻ എന്നെ പ്രോത്സാഹിപ്പിച്ചതിന് പിന്നിൽ നെയ്മർ ആയിരുന്നു. 2005ലാണ് സെവിയ്യയില്‍ നിന്നും റാമോസ് റയല്‍ മാഡ്രിഡിലേക്ക് എത്തുന്നത്. നാല് ചാമ്പ്യന്‍സ് ലീഗ് കിരീടങ്ങളും അഞ്ച് ലാലീഗ കിരീടങ്ങളും താരം റയല്‍ മാഡ്രിഡിനൊപ്പം ഉയര്‍ത്തിയിട്ടുണ്ട്.റയലില്‍ 671 മത്സരങ്ങളാണ് താരം കളിച്ചിട്ടുള്ളത്. പ്രതിരോധ താരമായിട്ടിരുന്നുകൂടി റയലിനായി 101 ഗോളുകള്‍ താരം നേടിയിട്ടുണ്ട്. 40 അസിസ്റ്റുകളുള്ള താരം റയലിനൊപ്പം 22 ട്രോഫികള്‍ സ്വന്തമാക്കി.
ലാ ലിഗയില്‍ ഏറ്റവും കൂടുതല്‍ ഗോള്‍ നേടിയ പ്രതിരോധ താരവും റാമോസാണ്. ഇക്കഴിഞ്ഞ സീസണില്‍ പരിക്കിനെ തുടര്‍ന്ന് മിക്ക മത്സരങ്ങളിലും താരത്തിന് കളിക്കാന്‍ കഴിഞ്ഞിരുന്നില്ല. അതിനിടെ കോവിഡ് ബാധിക്കുകയും ചെയ്തു. ഫിറ്റ്‌നസ് പ്രശ്‌നങ്ങള്‍ കാരണം യൂറോ കപ്പിനുള്ള സ്പെയിന്‍ ടീമിലേക്കും താരത്തെ പരിഗണിച്ചിരുന്നില്ല. സ്പാനിഷ് ദേശീയ ടീമിനൊപ്പം 2010 ൽ ഫിഫ ലോകകപ്പും 2008 ലും 2012 ലും രണ്ട് യുവേഫ യൂറോ എന്നിവ നേടി.