അടുത്ത ദിവസങ്ങളിൽ ലയണൽ മെസ്സി തന്റെ ഭാവിയെക്കുറിച്ചുള്ള തീരുമാനം എടുക്കും |Lionel Messi

ഈ സീസണിൽ പിഎസ്ജിക്ക് ഇനി കേവലം ഒരേയൊരു മത്സരം മാത്രമാണ് അവശേഷിക്കുന്നത്.സൂപ്പർ താരം ലയണൽ മെസ്സിയുടെ പിഎസ്ജി ജേഴ്സിയിലെ അവസാന മത്സരമായിരിക്കും അത്.ആ മത്സരത്തിനുശേഷം ലയണൽ മെസ്സി പിഎസ്ജിയോട് വിടപറയും എന്നത് ഉറപ്പുള്ള കാര്യമാണ് .

മെസ്സി എങ്ങോട്ട് എന്നത് മാത്രമാണ് ആരാധകർക്ക് അറിയേണ്ട കാര്യം.മെസ്സി ബാഴ്സയിലേക്ക് എത്താനുള്ള സാധ്യതകൾ തന്നെയാണ് ഇപ്പോഴും തെളിഞ്ഞു കാണുന്നത്.പ്രീമിയർ ലീഗ് ക്ലബ്ബുകളിൽ നിന്നും ഓഫറുകൾ ഉള്ളതിനാൽ വരും ദിവസങ്ങളിൽ തന്റെ ഭാവിയെക്കുറിച്ച് തീരുമാനമെടുക്കുമെന്ന് റിപ്പോർട്ട്.മെസ്സി പി‌എസ്‌ജിയുമായി കരാർ പുതുക്കില്ല എന്നത് ഉറപ്പുള്ള കാര്യമാണ്.ബാഴ്‌സലോണ കോച്ച് സാവി മെസ്സിയെ ക്ലബ്ബിലേക്ക് തിരികെ കൊണ്ടുവരാൻ വളരെ ആഗ്രഹിക്കുന്നുണ്ട്.

മെസ്സിയും തന്റെ ബാല്യകാല ക്ലബ്ബിൾക്കുള്ള തിരിച്ചുവരവ് വളരെയധികം ആഗ്രഹിക്കുന്നുണ്ട്.അടുത്ത കുറച്ച് ദിവസങ്ങളിൽ മെസ്സി ഒരു തീരുമാനമെടുക്കും എന്നാണ് ഗാസ്റ്റൺ എഡൽ റിപ്പോർട്ട് ചെയ്തത്.ബാഴ്‌സലോണ ഇതുവരെയായിട്ടും മെസ്സിക്ക് മുന്നിൽ ഒരു ഓഫർ വെച്ചിട്ടില്ല. ബാഴ്‌സലോണയുടെ ഓഫർ കളിക്കാരെ വിൽക്കുന്നതും ലഭ്യമായ ഫണ്ടുകളെ ആശ്രയിച്ചിരിക്കുന്നു. ബാഴ്‌സലോണയിലേക്കുള്ള മെസ്സിയുടെ വരവ് സങ്കീർണ്ണമാണ്.ലയണൽ മെസ്സി ബാഴ്സയിലേക്ക് മടങ്ങിയെത്താൻ തന്നെയാണ് ആഗ്രഹിക്കുന്നത് എന്നാണ് അറിയാൻ സാധിക്കുന്നത്.

നിലവിൽ കാര്യങ്ങളെല്ലാം ബാഴ്സയെ ആശ്രയിച്ചാണ് ഇരിക്കുന്നത്.നിലവിലെ പ്രതിസന്ധികൾ മറികടക്കാനായാൽ മെസ്സിയെ സ്വന്തമാക്കാൻ ബാഴ്സക്ക് സാധിക്കും.അല്ല എന്നുണ്ടെങ്കിൽ മറ്റുള്ള ക്ലബ്ബുകളെ ലയണൽ മെസ്സി പരിഗണിച്ചേക്കും.സൗദി അറേബ്യയിലെ അൽ-ഹിലാലിൽ നിന്നും ഇന്റർ മിയാമിയിൽ നിന്നും പ്രീമിയർ ലീഗിൽ നിന്നും ഓഫറുകൾ മെസ്സിക്കുണ്ട്.