യുറുഗ്വായ് സൂപ്പർ താരം ലൂയിസ് സുവാരസ് ലയണൽ മെസിയുടെ ഇന്റർ മയാമിയിലേക്ക് അടുക്കുന്നു

അർജന്റീന നായകൻ ലിയോ മെസ്സിയുടെ ഇന്റർമിയാമിയിലേക്കുള്ള കൂടുമാറ്റത്തിന് പിന്നാലെ നിരവധി മുൻ ബാഴ്സലോണ താരങ്ങളാണ് വീണ്ടും സൂപ്പർ താരത്തിനൊപ്പം കളിക്കാൻ ഇന്റർമിയാമിയെ തേടിയെത്തുന്നത്.സെർജിയോ ബുസ്ക്കറ്റ്സിന്റെയും, ജോർഡി ആൽബയുടെയും പിന്നാലെ ഉറുഗ്വേൻ സ്‌ട്രൈക്കർ ലൂയി സുവാരസും ബാഴ്സയിലേക്കുള്ള പാതയിലാണ്.

വരും ആഴ്ചകളിൽ ടീമിൽ ചേരുന്ന നാലാമത്തെ മുൻ ക്യാമ്പ് നൗ താരമാകാൻ സുവാരസിന് താൽപ്പര്യമുണ്ടെങ്കിലും ബ്രസീലിയൻ ക്ലബായ ഗ്രെമിയോയിലെ സാഹചര്യങ്ങൾ അനുകൂലമാക്കേണ്ടതുണ്ട് . 2022-ൽ ഖത്തറിൽ നടന്ന ലോകകപ്പിന് ശേഷം 2023-ന്റെ തുടക്കത്തിൽ വെറ്ററൻ ഫോർവേഡ് ബ്രസീലിയൻ ക്ലബ്ബിൽ ചേരുന്നത്.ഡിയാരിയോ സ്‌പോർട്ടിൽ നിന്നുള്ള റിപ്പോർട്ടുകൾ പ്രകാരം ഗ്രെമിയോ വിടാനുള്ള തന്റെ ആഗ്രഹത്തെക്കുറിച്ച് ക്ലബ്ബിനെ അറിയിക്കുകയും ചെയ്തിട്ടുണ്ട്.

2023-ൽ ലഭിച്ച എല്ലാ വേതനവും തിരിച്ചടയ്ക്കുന്നതും പോർട്ടോ അലെഗ്രെയിലെ തന്റെ കരാർ ഔപചാരികമായി അവസാനിപ്പിക്കുന്നതിനുള്ള അധിക പേയ്‌മെന്റും ഉൾപ്പെടുന്ന ഒരു ഒത്തുതീർപ്പ് ചർച്ചകൾ നടത്താൻ സുവാരസ് ഇപ്പോൾ തയ്യാറാണ്. സുവാരസിനെ വാങ്ങുന്നതിന്റെ ഭാഗമായിഅഡീഷണൽ ഇന്റർനാഷണൽ സ്ലോട്ട് വാങ്ങിയിരിക്കുകയാണ് ഇന്റർ മിയാമി.

എംഎൽഎസ് ക്ലബ്ബായ സാൻജോസ് എർത്ത് ക്വെക്കിന്റെ ഇന്റർ നാഷണൽ സ്ലോട്ട് വാങ്ങിയതായി ഇന്റർ മയാമി ഔദ്യോഗികമായി അറിയിച്ചു. 150,000 ഡോളർ മുടക്കിയാണ് ഒരു അഡീഷണൽ ഇന്റർനാഷണൽ സ്ലോട്ട് ഇന്റർ മയാമി സ്വന്തമാക്കിയിരിക്കുന്നത്. ഇത് വഴി ഒരു വിദേശ താരത്തെ കൂടി സൈൻ ചെയ്യാൻ അമേരിക്കൻ ക്ലബ്ബിന് സാധിക്കും. എത്ര വിദേശ താരങ്ങളെ ഒരു സീസണിൽ കളിപ്പിക്കാമെന്നതിൽ എംഎൽഎസ് പരിധി വെച്ചിട്ടുണ്ട്. ഇന്റർ മയാമിയുടെ വിദേശ താരങ്ങളുടെ ക്വാട്ട പൂർത്തിയായതിനെ തുടർന്നാണ് ഒരു സ്ലോട്ട് അധികമായി ഇപ്പോൾ വാങ്ങിയിരിക്കുന്നത്.

Luis Suarez is willing to personally pay the remainder of his Gremio contract to join Lionel Messi, Sergio Busquets and Jordi Alba at Inter Miami (@sport) 🫂 🇺🇸 pic.twitter.com/1q1QgNO8HO

— Football España (@footballespana_) July 23, 2023

ആന്ദ്രെ ഇനിയേസ്റ്റയുമായി മിയാമിയും ശക്തമായി ബന്ധപ്പെട്ടിരിക്കുന്നു, എന്നാൽ അഞ്ചാമത്തെ ബാഴ്‌സലോണ ഇതിഹാസത്തെ അവരുടെ റാങ്കിലേക്ക് ചേർക്കുന്നതിന് മറ്റൊരു അന്താരാഷ്ട്ര സ്ലോട്ട് വാങ്ങേണ്ടിവരും.