ചെൽസിയെ വീഴ്ത്തി മാഞ്ചസ്റ്റർ സിറ്റി : ഒന്നാം സ്ഥാനം ഉറപ്പിച്ച ജയവുമായി ബാഴ്സലോണ : നാപോളിക്ക് ജയം എസി മിലാന് സമനില
എഫ്‌എ കപ്പിന്റെ മൂന്നാം റൗണ്ടിൽ മാഞ്ചസ്റ്റർ ചെൽസിക്കെതിരെ തകർപ്പൻ ജയവുമായി മാഞ്ചസ്റ്റർ സിറ്റി. സ്വന്തം തട്ടകത്തിൽ നടന്ന മത്സരത്തിൽ എതിരില്ലാത്ത നാല് ഗോളുകളുടെ വിജയമാണ് സിറ്റി നേടിയത്.രണ്ട് മാസത്തിനിടെ ഗ്രഹാം പോട്ടറുടെ ടീമിനെതിരെ സിറ്റിയുടെ തുടർച്ചയായ മൂന്നാം വിജയം കൂടിയാണിത്. 23 ആം മിനുട്ടിൽ റിയാദ് മഹ്രെസ് ഫ്രീകിക്കിൽ നിന്നും നേടിയ ഗോളിയോയുടെ സിറ്റിയെ മുന്നിലെത്തിച്ചു.
ലോകകപ്പ് ജേതാവ് ജൂലിയൻ അൽവാരസ് അരമണിക്കൂറിനുള്ളിൽ അവരുടെ ലീഡ് ഇരട്ടിയാക്കി, അർജന്റീന സ്‌ട്രൈക്കർ കൈ ഹാവെർട്‌സിന്റെ ഒരു ഹാൻഡ്‌ബോൾ VAR റിവ്യൂ കണ്ടതിന് ശേഷം ലഭിച്ച പെനാൽറ്റി ഗോളാക്കി മാറ്റി.ആദ്യ പകുതി അവസാനിക്കും മുമ്പ് ഫോഡനും സിറ്റിക്ക് ആയി ഗോൾ നേടി.രണ്ടാം പകുതിയുടെ അവസാനത്തിൽ ആതിഥേയർ മറ്റൊരു പെനാൽറ്റി നേടി. 85 ആം മിനുട്ടിൽ മഹ്‌റസാണ് ഗോൾ നേടിയത്.പ്രീമിയർ ലീഗ് ലീഡർ ആഴ്‌സണലോ ലീഗ് വൺ സൈഡ് ഓക്‌സ്‌ഫോർഡ് യുണൈറ്റഡിനോ എതിരെയാണ് സിറ്റി നാലാം റൗണ്ടിൽ സ്വന്തം തട്ടകത്തിൽ കളിക്കുക.
ലാ ലിഗയിൽ ഇന്നലെ രാത്രി നടന്ന സൂപ്പർ പോരാട്ടത്തിൽ അത്‌ലറ്റിക്കോ മാഡ്രിഡിനെ ബാഴ്സലോണ പരാജയപ്പെടുത്തി. മെട്രോപൊളിറ്റാനോ സ്റ്റേഡിയത്തിൽ നടന്ന മത്സരത്തിൽ ബാഴ്സലോണ 1-0ന് ജയിച്ചു. നാടകീയതയും സൂപ്പർ നീക്കങ്ങളും കണ്ട മത്സരത്തിൽ അത്‌ലറ്റിക്കോ മാഡ്രിഡ് ആക്രമണ ഫുട്‌ബോളിന് മുൻഗണന നൽകിയപ്പോൾ ബാഴ്സലോണ പൊസഷൻ ഗെയിം കളിച്ചു. അത്‌ലറ്റിക്കോ മാഡ്രിഡ് കൂടുതൽ അവസരങ്ങൾ സൃഷ്ടിച്ചെങ്കിലും അവസരം മുതലാക്കുന്നതിൽ ബാഴ്സലോണ വിജയിച്ചു.
മത്സരത്തിന്റെ 22-ാം മിനിറ്റിൽ ഉസ്മാൻ ഡെംബലെയാണ് ബാഴ്‌സയുടെ വിജയ ഗോൾ നേടിയത്.മത്സരത്തിന്റെ ഇഞ്ചുറി ടൈമിൽ പരസ്പരം ശാരീരികമായി ആക്രമിച്ചതിന് ബാഴ്‌സലോണയുടെ ഫെറാൻ ടോറസും സ്റ്റെഫാൻ സാവിക്കും ചുവപ്പ് കാർഡ് കണ്ട് പുറത്തായി.അത്‌ലറ്റിക്കോ മാഡ്രിഡിനെതിരായ വിജയത്തോടെ ലാലിഗ പോയിന്റ് പട്ടികയിൽ ഒന്നാം സ്ഥാനത്തുള്ള ബാഴ്സലോണ രണ്ടാം സ്ഥാനത്തുള്ള റയൽ മാഡ്രിഡിനേക്കാൾ മൂന്ന് പോയിന്റ് മുന്നിലെത്തി. ബാഴ്‌സലോണയ്ക്ക് 16 കളികളിൽ നിന്ന് 41 പോയിന്റും റയൽ മാഡ്രിഡിന് 16 കളികളിൽ നിന്ന് 38 പോയിന്റുമാണ്. അതേസമയം, ബാഴ്‌സലോണയ്‌ക്കെതിരെ പരാജയപ്പെട്ട അത്‌ലറ്റിക്കോ മാഡ്രിഡ് 16 കളികളിൽ നിന്ന് 27 പോയിന്റുമായി പോയിന്റ് പട്ടികയിൽ അഞ്ചാം സ്ഥാനത്താണ്.
സീരി എയിൽ എസി മിലാനും എഎസ് റോമയും തമ്മിലുള്ള സൂപ്പർ പോരാട്ടം സമനിലയിൽ അവസാനിച്ചു. പിയറി കലുലു, ടോമാസോ പൊബെഗ എന്നിവരുടെ ഗോളുകളിൽ 2-0ന് ലീഡ് നേടിയ എസി മിലാനെതിരെ 87-ാം മിനിറ്റിലും 90+3 മിനിറ്റിൽ റോജർ ഇബാനസിന്റെയും ടാമി എബ്രഹാമിന്റെയും ഗോളിൽ എഎസ് റോമ സമനില പിടിച്ചു. എസി മിലാൻ നിലവിൽ സീരി എ പോയിന്റ് പട്ടികയിൽ മൂന്നാമതാണ്, എഎസ് റോമ ആറാം സ്ഥാനത്താണ്.
മറ്റൊരു മത്സരത്തിൽ വിക്ടർ ഒസിംഹെൻ, എൽജിഫ് എൽമാസ് എന്നിവരുടെ ഗോളുകൾക്ക് സാംപ്‌ഡോറിയയെ 2-0ന് തോൽപ്പിച്ച് നാപോളി ഖൊണ്ണം സ്ഥാനത്തെ ലീഡ് ഉയർത്തി.17 മത്സരങ്ങളിൽ നിന്ന് 44 പോയിന്റുമായി നാപ്പോളി പട്ടികയിൽ ഒന്നാമതാണ്, യുവന്റസിനേക്കാൾ ഏഴ് പോയിന്റും മുന്നിലാണ് അവർ.