മാഞ്ചസ്റ്റർ യുണൈറ്റഡ് ആരാധകരെ ഞെട്ടിക്കാൻ ഒരുങ്ങുന്നു, എതിരാളികളുടെ തട്ടകത്തിൽ നിന്നും മിഡ്ഫീൽഡറെ സ്വന്തമാക്കുന്നു..

ആരാധകരെ ഞെട്ടിക്കുന്ന നീക്കവുമായി പ്രീമിയർ ലീഗ് ക്ലബ് മാഞ്ചസ്റ്റർ യുണൈറ്റഡ്. ടോട്ടൻ ഹാം ഹോട്സ്പറിന്റെ ഡാനിഷ് മിഡ്ഫീൽഡർ പിയറി ഹൊയ്ബെർഗിനെ സ്വന്തമാക്കാൻ നിർണായക നീക്കങ്ങൾ നടത്തുകയാണ് യുണൈറ്റഡ്. ട്രാൻസ്ഫർ അടയ്ക്കാൻ മണിക്കൂറുകൾ മാത്രം ബാക്കി നിൽക്കെയാണ് യുണൈറ്റഡ് ഈ നീക്കങ്ങൾ.

മധ്യനിരയിലേക്ക് ഒരു പുതിയ താരത്തെ കൊണ്ടുവരാൻ മാഞ്ചസ്റ്റർ നേരത്തെ ശ്രമങ്ങൾ നടത്തിയിരുന്നു. ഇറ്റാലിയൻ ക്ലബ് ഫ്ലോറന്റിനയുടെ മൊറോക്കോൻ മിഡ്ഫീൽഡർ സോഫിയൻ അംബ്രാത്ത്‌ ആയിരുന്നു യുണൈറ്റഡിന്റെ റഡാറിൽ ഉണ്ടായിരുന്ന പ്രധാന താരം. എന്നാൽ അംബ്രാത്ത്‌ വരില്ലെന്ന് ഉറപ്പായത്തോടെയാണ് യുണൈറ്റഡ് കണ്ണുകൾ ടോട്ടനിലേക്ക് പതിഞ്ഞത്.

2020 മുതൽ ടോട്ടൻഹാമിന്റെ ഭാഗമായ ഹൊയ്ബെർഗ് 111 മത്സരങ്ങൾ കളിച്ചിട്ടുണ്ട്. ടോട്ടൻ ഹാമിന്റെ മധ്യനിരയിൽ ചില നിർണായക പ്രകടനങ്ങളും ഈ 28 കാരൻ കാഴ്ചവെച്ചിട്ടുണ്ട്. അതിനാൽ താരത്തെ ടീമിൽ എത്തിക്കുന്നത് യുണൈറ്റഡ് മധ്യനിരക്ക് കരുത്ത് പകരും.ബയേൺ മ്യൂണിക്കിന്റെ അക്കാദമിയിലൂടെ വളർന്നുവന്ന താരം ബയേണിന്റെ സീനിയർ ടീമിനായും പ്രീമിയർ ലീഗ് ക്ലബ്ബ് സതാംപ്റ്റണായും കളിച്ചിട്ടുണ്ട്.

യുണൈറ്റഡ് റഡാറിൽ ഒരിക്കൽ പോലും ഇല്ലാതിരുന്ന ഈ താരത്തെ അവസാനം നിമിഷത്തിൽ യുണൈറ്റഡ് സ്വന്തമാക്കാൻ ശ്രമിച്ചത് ആരാധകരെ സംബന്ധിച്ചും ഞെട്ടിക്കുന്ന നീക്കം ആയിരുന്നു.