വേൾഡ് കപ്പിൽ തിളങ്ങിയ ഫ്രഞ്ച് താരത്തെ സ്വന്തമാക്കാൻ മാഞ്ചസ്റ്റർ യുണൈറ്റഡ് |Manchester United

ഈ സീസണിലെ ബുണ്ടസ് ലീഗയുടെ സെൻസേഷണൽ താരമാണ് റാൻഡൽ കോലോ മുവാനി. ഐൻട്രാക്റ്റ് ഫ്രാങ്ക്ഫർട്ടിന്റെ ആക്രമണത്തിന് നേതൃത്വം നൽകുന്ന ഫ്രഞ്ച് താരം 22/23 കാമ്പെയ്‌നിൽ ഇതുവരെ 16 ഗോളുകളും 14 അസിസ്റ്റുകളും നേടിയിട്ടുണ്ട്. നാന്റസിൽ നിന്ന് ജർമ്മൻ മണ്ണിൽ എത്തിയതിന് ശേഷം ഫ്രഞ്ച് ഫോർവേഡ് പുലർത്തുന്ന സ്ഥിരതയും മിന്നുന്ന ഫോമും യൂറോപ്പിലെ ചില വലിയ ക്ലബ്ബുകളുടെ താൽപ്പര്യം പിടിച്ചുപറ്റി.

2022 ലോകകപ്പിൽ ഫ്രാൻസിനായി പുറത്തെടുത്ത മികച്ച പ്രകടനം താരത്തിന്റെ മൂല്യം കുത്തനെ ഉയർത്തുകയും ചെയ്തു.പുറത്ത് വരുന്ന റിപ്പോർട്ട് അനുസരിച്ച് മാഞ്ചസ്റ്റർ യുണൈറ്റഡ് 24-കാരന് വേണ്ടി ഒരു ഓഫർ തയ്യാറാക്കിയിട്ടുണ്ട്.ഏകദേശം 120 മില്യൺ യൂറോയുടെ ഓഫർ ആണ് താരത്തിന് മുന്നിൽ വെച്ചിരിക്കുന്നത്. സ്‌ട്രൈക്കർ തന്റെ നിലവിലെ ക്ലബ്ബുമായി 2027 വരെ കരാറിലാണുള്ളത് . എന്നാൽ 100 മില്യൺ യൂറോയ്ക്ക് മുകളിലുള്ള ഓഫർ വന്നാൽ ജർമൻ ക്ലബ് താരത്തെ വിട്ടയക്കും എന്നുറപ്പാണ്.കോലോ മുവാനിയെ സ്വന്തമാക്കാൻ താൽപര്യപ്പെടുന്ന ഒരേയൊരു ക്ലബ് മാഞ്ചസ്റ്റർ യുണൈറ്റഡ് മാത്രമല്ല.

ഫോർവേഡുകളുടെ സേവനങ്ങളിലും പിഎസ്ജിക്ക് താൽപ്പര്യമുണ്ട്.ഈ ട്രാൻസ്ഫർ നടക്കുകയാണെങ്കിൽ ബാഴ്‌സലോണ ഔസ്മാനെ ഡെംബെലെയ്‌ക്ക് നൽകിയ പണത്തെ മറികടക്കും, ഇത് ജർമ്മൻ ഫുട്‌ബോൾ ചരിത്രത്തിലെ ഏറ്റവും ചെലവേറിയ കൈമാറ്റമായി മാറും.2017-ൽ സ്പാനിഷ് ടീം ഡോർട്ട്മുണ്ടിന് 105 മില്യൺ യൂറോ നൽകിയാണ് വിങ്ങറെ ടീമിലെത്തിച്ചത്.ഒരു പുതിയ സെന്റർ ഫോർവേഡിനായുള്ള തങ്ങളുടെ തീവ്രമായ ആവശ്യത്തെക്കുറിച്ച് ഓരോ മാഞ്ചസ്റ്റർ യുണൈറ്റഡ് ആരാധകർക്കും നന്നായി അറിയാം.

ടോട്ടൻഹാം സ്‌ട്രൈക്കർ ഹാരി കെയ്ൻ ,നാപോളിയുടെ മിന്നും തരാം ഓസിമെൻ എന്നിവരും മാഞ്ചസ്റ്റർ യുണൈറ്റഡിന്റെ റഡാറിലുള്ള താരങ്ങളാണ്. റൊണാൾഡോ പോയതോടെ ഒരു സ്‌ട്രൈക്കറുടെ അഭാവം നേരിട്ടിരുന്ന മാഞ്ചസ്റ്റർ യുണൈറ്റഡ് വേഗോസ്റ്റിനെ ജനുവരിയിൽ ടീമിലെത്തിച്ചിരുന്നു.എന്നാൽ നെതർലൻഡ്‌സ്‌ താരം അടുത്ത സീസണിൽ ടീമിനൊപ്പം ഉണ്ടാകുമെന്ന കാര്യത്തിൽ യാതൊരു ഉറപ്പുമില്ല.

നിലവിൽ ലോൺ കരാറിലാണ് വേഗോസ്റ്റിനെ മാഞ്ചസ്റ്റർ യുണൈറ്റഡ് സ്വന്തമാക്കിയിരിക്കുന്നത്. തന്റെ പദ്ധതികൾക്ക് താരം പൂർണമായും അനുയോജ്യനല്ലെന്ന് തോന്നിയാൽ സ്ഥിരം കരാറിൽ വേഗോസ്റ്റിനെ മാഞ്ചസ്റ്റർ യുണൈറ്റഡ് സ്വന്തമാക്കാൻ സാധ്യത കുറവാണ്.ഈ കാരണം കൊണ്ട് തന്നെയാണ് പുതൊയൊരു സ്‌ട്രൈക്കർക്കായി യുണൈറ്റഡ് ശ്രമം നടത്തുന്നത്.