ക്രിസ്റ്റ്യാനോ റൊണാൾഡോയുടെ പകരക്കാരനെ കണ്ടെത്താൻ മാഞ്ചസ്റ്റർ യുണൈറ്റഡിന് ഇതുവരെ കഴിഞ്ഞിട്ടില്ല. പിയേഴ്‌സ് മോർഗനുമായുള്ള പോർച്ചുഗീസ് താരത്തിന്റെ അഭിമുഖത്തെ തുടർന്ന് ക്ലബ് മാനേജ്‌മെന്റ് റൊണാൾഡോയുടെ കരാർ അവസാനിപ്പികയായിരുന്നു.ഒരു പുതിയ സ്‌ട്രൈക്കറെ തിരഞ്ഞെടുക്കാനുള്ള ശ്രമത്തിൽ റെഡ് ഡെവിൾസ് ഇപ്പോൾ ആറ് സാധ്യതയുള്ള ഓപ്ഷനുകൾ കണ്ടെത്തിയതായി റിപ്പോർട്ടുണ്ട്.
ജനുവരി ട്രാൻസ്ഫർ വിൻഡോയിൽ മാഞ്ചസ്റ്റർ യുണൈറ്റഡിന്റെ സാധ്യതയുള്ള ലക്ഷ്യമായി അയാക്സ് അറ്റാക്കിംഗ് മിഡ്ഫീൽഡർ മുഹമ്മദ് കുഡൂസ് ഉയർന്നു വന്നിരിക്കുകയാണ്. ലോകകപ്പിൽ മികവ് പുലർത്തിയ ഘാന താരത്തെ സൈൻ ചെയ്യാൻ മാഞ്ചസ്റ്റർ യുണൈറ്റഡ് താൽപര്യം പ്രകടിപ്പിച്ചതായി റിപോർട്ടുകൾ പുറത്ത് വന്നു.22 കാരനായ മിഡ്ഫീൽഡർക്കായി പ്രീമിയർ ലീഗ് ക്ലബ് ഇതുവരെ ഒരു ഓഫർ നൽകിയിട്ടില്ലെങ്കിലും യുണൈറ്റഡിന് ഏറ്റവും ചേർന്ന താരമായാണ് കുഡൂസിനെ കണക്കാക്കുന്നത്.മെംഫിസ് ഡിപേ, എറിക് മാക്സിം ചൗപോ-മോട്ടിംഗ്, ഒലിവിയർ ജിറൂഡ് എന്നിവരും മാഞ്ചസ്റ്റർ യുണൈറ്റഡിന്റെ റഡാറിൽ ഉണ്ടെന്നും റിപ്പോർട്ട് കൂട്ടിച്ചേർക്കുന്നു.
എന്നിരുന്നാലും, ജിറൂദിനെ നിലനിർത്തുന്നതിൽ ഇറ്റാലിയൻ ടീമായ എസി മിലാൻ ആത്മവിശ്വാസത്തിലാണ്.മാഞ്ചസ്റ്റർ യുണൈറ്റഡ് മാനേജർ എറിക് ടെൻ ഹാഗ് ജനുവരി ട്രാൻസ്ഫർ വിൻഡോയിൽ ഒരു സ്‌ട്രൈക്കറെ സൈൻ ചെയ്യേണ്ടതിന്റെ ആവശ്യകത അടുത്തിടെ ഊന്നിപ്പറഞ്ഞിരുന്നു. എന്നിരുന്നാലും, സ്ട്രൈക്കർമാർ വളരെ ചെലവേറിയതായി തോന്നുന്നതിനാൽ ഒരു പുതിയ ആക്രമണ ഓപ്ഷൻ കണ്ടെത്തുന്നത് എളുപ്പമുള്ള കാര്യമല്ലെന്ന് ഡച്ച്മാൻ സമ്മതിച്ചു.2020 ജൂലൈയിൽ മുഹമ്മദ് കുഡൂസ് ഡച്ച് ക്ലബ് അയാക്‌സിൽ ചേർന്നു. അയാക്‌സിനായി 63 മത്സരങ്ങൾ കളിച്ചതിന് ശേഷം ഇതുവരെ 15 തവണ ഗോൾ കണ്ടെത്തി.
How good of a signing would Mohammed Kudus be for Manchester United? 👀
— 90min (@90min_Football) January 5, 2023
ഇംഗ്ലീഷ് മണ്ണിൽ കുഡൂസ് ഇതിനകം ഗോൾ നേടിയിട്ടുണ്ട്. ചാമ്പ്യൻസ് ലീഗിൽ ഈ സീസണിന്റെ തുടക്കത്തിൽ ആൻഫീൽഡിൽ ലിവർപൂളിനെതിരെ ഘാന താരം ഗോൾ നേടിയിരുന്നു.2019 നവംബറിൽ മുഹമ്മദ് കുഡൂസിന്റെ ഘാനക്കായുള്ള അരങ്ങേറ്റം. കുഡൂസിന് നിലവിൽ ഏഴ് അന്താരാഷ്ട്ര ഗോളുകൾ ഉണ്ട്.ലോകകപ്പിൽ തന്റെ ടീമിനെ 2-3 ന് ആവേശകരമായ വിജയത്തിലേക്ക് നയിക്കാൻ അദ്ദേഹം ദക്ഷിണ കൊറിയയ്‌ക്കെതിരെ ഇരട്ട ഗോളുകൾ നേടി. ഘാന മുൻനിരയിൽ വൈവിധ്യം വാഗ്ദാനം ചെയ്യുന്നു, ഇത് തീർച്ചയായും സീസണിന്റെ ശേഷിക്കുന്ന മത്സരങ്ങളിൽ യുണൈറ്റഡിന് ഗുണം ചെയ്യും.