മെസ്സി ഏറ്റവും കൂടുതൽ അസിസ്റ്റുകൾ നൽകിയ താരങ്ങളുടെ കൂട്ടത്തിലേക്ക് ഇനി എംബപ്പേയും

കഴിഞ്ഞ ദിവസം ഫ്രഞ്ച് ലീഗിൽ നടന്ന മത്സരത്തിൽ വിജയം തുടരാൻ പിഎസ്ജിക്ക് സാധിച്ചിരുന്നു. ലയണൽ മെസ്സി-കിലിയൻ എംബപ്പേ എന്നീ കൂട്ടുകെട്ടിനോടാണ് പിഎസ്ജി ഈ വിജയത്തിന് ഏറ്റവും കൂടുതൽ നന്ദി പറയേണ്ടത്. മൂന്ന് ഗോളുകളും നേടിയത് ഈ കൂട്ടുകെട്ട് ആയിരുന്നു.

കിലിയൻ എംബപ്പേ രണ്ട് ഗോളുകളും ഒരു അസിസ്റ്റും നേടിയപ്പോൾ ലയണൽ മെസ്സി ഒരു ഗോളും രണ്ട് അസിസ്റ്റുകളും കരസ്ഥമാക്കി. നെയ്മർ ജൂനിയറുടെ അഭാവം ഈ മത്സരത്തിൽ പിഎസ്ജിയെ ബാധിച്ചില്ല എന്ന് വേണം പറയാൻ. ലയണൽ മെസ്സിയും കിലിയൻ എംബപ്പേയും വളരെ നല്ല രീതിയിലാണ് കണക്ഷൻ നടത്തിയിട്ടുള്ളത്.ഈ മൂന്ന് ഗോളുകളും അതിനുള്ള ഉദാഹരണങ്ങളാണ്.

ഇന്നലത്തെ മത്സരത്തിൽ മെസ്സി എംബപ്പേക്ക് രണ്ട് അസിസ്റ്റുകൾ നൽകിയതോടെ മെസ്സി തന്റെ കരിയറിൽ ഏറ്റവും കൂടുതൽ അസിസ്റ്റുകളും നൽകിയ താരങ്ങളുടെ പട്ടികയിൽ ഇടം നേടാൻ ഇപ്പോൾ എംബപ്പേക്ക് സാധിച്ചിട്ടുണ്ട്.14 അസിസ്റ്റുകളാണ് മെസ്സി തന്റെ സഹതാരമായ എംബപ്പേക്ക് നൽകിയിട്ടുള്ളത്. നിലവിൽ അഞ്ചാം സ്ഥാനത്താണ് എംബപ്പേ ഇടം കണ്ടെത്തിയിട്ടുള്ളത്.

ഒന്നാം സ്ഥാനത്ത് സൂപ്പർ താരം ലൂയിസ് സുവാരസ് വരുന്നു.39 അസിസ്റ്റുകളാണ് മെസ്സി സുവാരസിന് നൽകിയിട്ടുള്ളത്. രണ്ടാം സ്ഥാനത്ത് നെയ്മർ ജൂനിയറാണ് വരുന്നത്.24 അസിസ്റ്റുകൾ മെസ്സി നെയ്മർക്ക് നൽകി. മൂന്നാം സ്ഥാനത്ത് പെഡ്രോയും നാലാം സ്ഥാനത്ത് ഏറ്റുവും വരുന്നു.17 അസിസ്റ്റുകൾ മെസ്സി പെഡ്രോക്ക് നൽകിയപ്പോൾ 15 അസിസ്റ്റുകൾ മെസ്സി ഏറ്റുവിന് നൽകി.

അഞ്ചാം സ്ഥാനത്താണ് എംബപ്പേ വരുന്നത്.12 അസിസ്റ്റുകൾ മെസ്സി നൽകിയ ഡേവിഡ് വിയ്യയെയാണ് ഇപ്പോൾ എംബപ്പേ പിറകിലാക്കിയിട്ടുള്ളത്. ഏതായാലും ഇനി വരും ദിവസങ്ങളിൽ മെസ്സിയുടെ അസിസ്റ്റിൽ നിന്നും എംബപ്പേ ഏറെ ഗോളുകൾ നേടുമെന്ന് കാര്യത്തിൽ സംശയങ്ങൾ ഒന്നുമില്ല.അത്രയേറെ മികച്ച രൂപത്തിലാണ് ഈ രണ്ടു താരങ്ങളും ഇപ്പോൾ കളിച്ചുകൊണ്ടിരിക്കുന്നത്.