‘ലയണൽ മെസ്സിയും നെയ്‌മറും തന്നെക്കാൾ വലുതാണെന്ന് കൈലിയൻ എംബാപ്പെ മനസ്സിലാക്കണം’: ഡാനി ആൽവസ്

പാരീസ് സെന്റ് ജെർമെയ്‌ൻ ടീമംഗങ്ങളായ ലയണൽ മെസ്സി, നെയ്മർ എന്നിവർക്കൊപ്പം തന്റെ സമയം പരമാവധി പ്രയോജനപ്പെടുത്താൻ ഫ്രാൻസ് സ്‌ട്രൈക്കർ കൈലിയൻ എംബാപ്പെയോട് ബ്രസീൽ ഡിഫൻഡർ ഡാനി ആൽവസ് അഭ്യർത്ഥിച്ചു. തന്റെ പിഎസ്ജി ടീമംഗങ്ങളായ മെസ്സിയും നെയ്മറും തന്നേക്കാൾ വലിയ കളിക്കാരാണെന്ന് എംബാപ്പെക്ക് ഇതുവരെ മനസ്സിലായിട്ടില്ലെന്ന് ആൽവസ് പറഞ്ഞു.

2017 നും 2019 നും ഇടയിൽ നെയ്‌മറിനും എംബാപ്പെയ്‌ക്കുമൊപ്പം പി‌എസ്‌ജിയിൽ ഡ്രസ്സിംഗ് റൂം പങ്കിട്ട ആൽവ്സ് എട്ട് വര്ഷം ബാഴ്‌സലോണയിൽ മെസ്സിക്കൊപ്പം കളിച്ചു.ഒരു ചാമ്പ്യൻസ് ലീഗ് മത്സരത്തിനിടെ ടാപ്പ്-ഇന്നിനായി പന്ത് കൈമാറുന്നതിന് പകരം ഷൂട്ട് ചെയ്ത് ബ്രസീലുകാരനെ ഫ്രഞ്ച് താരം പ്രകോപിപ്പിച്ചതിന് ശേഷം സെപ്റ്റംബറിൽ എംബാപ്പെയും നെയ്മറും തമ്മിലുള്ള ഭിന്നത രൂക്ഷമായി മാറിയിരുന്നു. മെസ്സി, എംബാപ്പെ, നെയ്മർ എന്നിവരടങ്ങുന്ന തങ്ങളുടെ ആക്രമണ ത്രയങ്ങൾ എങ്ങനെ കൂടുതൽ ഫലപ്രദമായി പ്രവർത്തിക്കുമെന്ന് കഴിഞ്ഞ മാസം കാണാൻ സാധിച്ചിരുന്നു. പരിശീലകൻ ഗാൽറ്റിയ പിഎസ്ജി യുടെ സിസ്റ്റം തന്നെ മാറ്റായതോടെയാണ് ഇത് സാധിച്ചത്.

“മുന്നേറ്റനിരയിൽ തന്നോടൊപ്പം കളിക്കുന്നവർ തന്നേക്കാൾ ഒരു പ്രതിഭാസമാണെന്ന് ഇതുവരെ മനസ്സിലാക്കാത്ത ഒരു പ്രതിഭാസമാണ് എംബാപ്പെ,” ആൽവസ് ലാ ഗസറ്റ ഡെല്ലോ സ്‌പോർട്ടിനോട് പറഞ്ഞു.”നെയ്മറും മെസ്സിയും അതുല്യരാണ്: മറ്റാരും കാണാത്തതോ ചെയ്യാൻ കഴിയാത്തതോ ആയ കാര്യങ്ങൾ അവർ കാണുകയും ചെയ്യുന്നു. ഒരു മികച്ച കളിക്കാരൻ താൻ ആരുടെ കൂടെയാണ് കളിക്കുന്നതെന്ന് അറിയുകയും മനസ്സിലാക്കുകയും വേണം. നിങ്ങളുടെ ടീമംഗങ്ങൾ നിങ്ങളുടെ ഗുണങ്ങളെ സമ്പന്നമാക്കുന്നു.മെസ്സിക്കും നെയ്‌മറിനും ഒപ്പം കളിക്കുന്നത് എംബാപ്പെ പ്രയോജനപ്പെടുത്തണമെന്ന് ആൽവ്‌സ് പറഞ്ഞു.

“നിങ്ങൾ മിടുക്കനായിരിക്കണം… അവർ രണ്ട് പ്രതിഭകളാണ്… എംബാപ്പെ അവർക്ക് പന്ത് നൽകിയാൽ, അവൻ 150 ഗോളുകൾ നേടും,” റൈറ്റ് ബാക്ക് പറഞ്ഞു.ഖത്തറിൽ നടക്കുന്ന ലോകകപ്പിൽ ആറാം കിരീടം റെക്കോർഡ് നേട്ടം കൊയ്യാൻ ശ്രമിക്കുന്ന ബ്രസീൽ ടീമിന്റെ ഭാഗമാണ് ആൽവസ്. ഗ്രൂപ്പ് ജിയിൽ സെർബിയയ്‌ക്കെതിരെ വിജയത്തോടെ അവരുടെ ലോകകപ്പ് ക്യാമ്പയിൻ ആരംഭിക്കുകയും ചെയ്തു.