തന്റെ കരിയറിലെ അവസാനത്തെ വേൾഡ് കപ്പ് ആയിരിക്കും ഖത്തറിൽ നടക്കുക എന്നുള്ളത് വേൾഡ് കപ്പിന് മുന്നേ തന്നെ ലയണൽ മെസ്സി ഉറപ്പിച്ചു പറഞ്ഞതാണ്. ഫ്രാൻസിനെതിരെയുള്ള ഫൈനൽ മത്സരത്തിനു മുന്നേയും ഇക്കാര്യം മെസ്സി ആവർത്തിച്ചിരുന്നു.കാലത്തിന്റെ കാവ്യനീതിയെന്നോണം അർജന്റീനക്കൊപ്പം ലോക കിരീടം നേടാൻ ലിയോ മെസ്സിക്ക് സാധിക്കുകയും ചെയ്തിരുന്നു.
മാത്രമല്ല 2026 വേൾഡ് കപ്പിൽ ലയണൽ മെസ്സി ഉണ്ടാവും എന്നുള്ള പ്രതീക്ഷകൾ ഇപ്പോൾ ആരാധകർക്ക് മുളച്ചു തുടങ്ങിയിട്ടുണ്ട്.2026 വേൾഡ് കപ്പിൽ മെസ്സി ഉണ്ടാവണം എന്നുള്ള ആഗ്രഹം അർജന്റീനയുടെ പരിശീലകനായ സ്കലോണി പ്രകടിപ്പിച്ചിരുന്നു. മാത്രമല്ല അർജന്റീനയുടെ ഒട്ടുമിക്ക സൂപ്പർതാരങ്ങളും ലയണൽ മെസ്സി അടുത്ത വേൾഡ് കപ്പിൽ കളിക്കാനുള്ള ആഗ്രഹം അറിയിച്ചവരാണ്. ആരാധകരും മെസ്സിയുടെ തീരുമാനത്തിന് വേണ്ടി ആകാംക്ഷയോടെ കാത്തിരിക്കുകയാണ്.
ഡയാരിയോ ഒലെക്ക് നൽകിയ ഇന്റർവ്യൂവിൽ ഇതേക്കുറിച്ച് ലയണൽ മെസ്സിയോട് ചോദിക്കപ്പെട്ടിരുന്നു.2026 വേൾഡ് കപ്പിൽ കളിക്കും എന്നുള്ള കാര്യത്തിൽ മെസ്സി യാതൊരുവിധ ഉറപ്പുകളും നൽകിയിട്ടില്ല.മറിച്ച് ആ പ്രായത്തിൽ തന്റെ പ്രകടനം എങ്ങനെയാവും എന്നുള്ളത് പരിശോധിച്ചതിന് മാത്രമേ താനൊരു ഫൈനൽ ഡിസിഷൻ എടുക്കുകയുള്ളൂ എന്ന നിലപാടിലാണ് മെസ്സിയുള്ളത്.ആ സമയത്ത് മാത്രമായിരിക്കും മെസ്സി ഇതേക്കുറിച്ച് ഒരു തീരുമാനമെടുക്കുക.
‘2026 വേൾഡ് കപ്പിൽ എനിക്ക് കളിക്കാൻ ആവുമോ എന്നുള്ള കാര്യം എനിക്ക് തന്നെ അറിയില്ല.ഞാനെപ്പോഴും പറയാറുണ്ട് ആ പ്രായത്തിൽ കളിക്കുക എന്നുള്ളത് എന്നെ സംബന്ധിച്ചിടത്തോളം ബുദ്ധിമുട്ടുള്ളതായിരിക്കും.ഫുട്ബോൾ കളിക്കുന്നതിനെ ഞാൻ വളരെയധികം ഇഷ്ടപ്പെടുന്നുണ്ട്.ഫുട്ബോൾ തുടരാൻ തന്നെയാണ് ഞാൻ ഇഷ്ടപ്പെടുന്നത്.പക്ഷേ പ്രായം വളരെ പ്രധാനപ്പെട്ട ഒരു ഘടകമാണ്.എന്റെ ശാരീരിക ക്ഷമത നല്ല രൂപത്തിൽ ഉള്ളടത്തോളം കാലം ഞാൻ ഇത് തുടരുകയും ആസ്വദിക്കുകയും ചെയ്യും.വേൾഡ് കപ്പിൽ കളിക്കുക എന്നുള്ളതിൽ ഇപ്പോൾ ഞാൻ ഒരു ബുദ്ധിമുട്ട് കാണുന്നുണ്ട്.എന്നിരുന്നാലും എന്റെ കരിയർ എങ്ങനെ മുന്നോട്ടുപോകുന്നു എന്നുള്ളതിന് ആശ്രയിച്ച് ആയിരിക്കും അത് നിലകൊള്ളുന്നത് ‘ഇതാണ് മെസ്സി പറഞ്ഞിട്ടുള്ളത്.
🚨 Messi on World Cup 2026: “I don't know, I always said because of age it seems to me that it is very difficult. I love playing football, I love what I do and as long as I am well and feel in physical condition and continue to enjoy this, I will do it. But it seems difficult.” pic.twitter.com/IHvcLHwN7U
— All About Argentina 🛎🇦🇷 (@AlbicelesteTalk) February 2, 2023
ലയണൽ മെസ്സിക്ക് 2026 വേൾഡ് കപ്പ് ആവുമ്പോഴേക്കും 39 വയസ്സ് ഉണ്ടാവും.എല്ലാ മത്സരങ്ങളും കളിക്കാനുള്ള ഒരു ശാരീരിക ക്ഷമത അപ്പോൾ ഉണ്ടാവുമോ എന്നുള്ളത് സംശയകരമാണ്.എന്നിരുന്നാലും അർജന്റീന ടീമിന്റെ ഭാഗമായി കൊണ്ട് ലയണൽ മെസ്സി ഉണ്ടാവാനാണ് ആരാധകർ ആഗ്രഹിക്കുന്നത്.