ഈ പ്രായത്തിലും അവിശ്വസനീയമായ പ്രകടനം നടത്തുന്നതുകൊണ്ടാണ് മെസ്സി ഫുട്ബോളിലെ ഏറ്റവും മികച്ച താരമായി മാറുന്നത് : എതിർതാരം

ലയണൽ മെസ്സിയുടെ മറ്റൊരു മാസ്മരിക പ്രകടനം കൂടി കഴിഞ്ഞ രാത്രി പിറന്നിരുന്നു.അജാക്സിയോക്കെതിരെ എതിരില്ലാത്ത മൂന്ന് ഗോളുകൾക്ക് പിഎസ്ജി വിജയിക്കുമ്പോൾ ആ മൂന്ന് ഗോളുകളിലും ലയണൽ മെസ്സിയുടെ സാന്നിധ്യം ഉണ്ടായിരുന്നു. ഈ സീസണിൽ മിന്നും ഫോമിലാണ് ഇപ്പോൾ മെസ്സി കളിച്ചു കൊണ്ടിരിക്കുന്നത്.

24ആം മിനുട്ടിൽ എംബപ്പേ നേടിയ ഗോളിന് അസിസ്റ്റ് നൽകിയത് മെസ്സിയായിരുന്നു.79ആം മിനുട്ടിൽ മെസ്സിയുടെ ഗോൾ പിറന്നു.എംബപ്പേയുടെ ബാക്ക് ഹീൽ പാസ് സ്വീകരിച്ച മെസ്സി ഗോൾ കീപ്പറെ ഡ്രിബിൾ ചെയ്തുകൊണ്ടാണ് ഗോൾ നേടിയത്.82ആം മിനുട്ടിൽ എംബപ്പേ സ്കോർ കാർഡ് പൂർത്തിയാക്കിയപ്പോൾ അതിനും അസിസ്റ്റ് നൽകിയത് മെസ്സി തന്നെയായിരുന്നു.

മെസ്സിയുടെ ഈയൊരു പ്രകടനത്തെ എതിർ താരമായ തോമസ് മാങ്കനി വാഴ്ത്തിയിട്ടുണ്ട്.ഈ പ്രായത്തിലും ഇത്തരത്തിലുള്ള പ്രകടനം നടത്തുന്നതുകൊണ്ടാണ് ഫുട്ബോൾ ചരിത്രത്തിലെ ഏറ്റവും മികച്ച താരമായി കൊണ്ട് മെസ്സി മാറുന്നത് എന്നാണ് ഈ അജാക്സിയോ താരം പറഞ്ഞിട്ടുള്ളത്.

‘ മെസ്സി ഒരു അവിശ്വസനീയമായ താരമാണ് എന്നുള്ളതിനാണ് ഞങ്ങൾ ഇന്ന് സാക്ഷ്യം വഹിച്ചത്. നിങ്ങൾ അദ്ദേഹത്തിന്റെ പ്രകടനം കാണുമ്പോൾ തന്നെ നിങ്ങൾക്ക് മനസ്സിലാവും മെസ്സിയാണ് ലോകത്തിലെ ഏറ്റവും മികച്ച താരമാണ്. സത്യമെന്തെന്നാൽ ഈ പ്രായത്തിലും അദ്ദേഹം ഈ മികച്ച പ്രകടനം നടത്തുന്നതുകൊണ്ടാണ് ഫുട്ബോൾ ചരിത്രത്തിലെ ഏറ്റവും മികച്ച താരമായി കൊണ്ട് അദ്ദേഹം മാറുന്നത് ‘ തോമസ് പറഞ്ഞു.

മെസ്സിയുടെ ഇപ്പോഴത്തെ മാസ്മരിക പ്രകടനം ഏവർക്കും സന്തോഷം നൽകുന്ന കാര്യമാണ്. കഴിഞ്ഞ സീസണിലെ വിമർശനങ്ങളെയെല്ലാം കാറ്റിൽ പറത്താൻ മെസ്സിക്ക് ഇതോടുകൂടി സാധിച്ചു. ഈ സീസണിൽ ഇപ്പോൾതന്നെ 23 ഗോളുകളിൽ കോണ്ട്രിബൂട്ട് ചെയ്യാൻ മെസ്സിക്ക് സാധിച്ചിട്ടുണ്ട്.