കൂമാനെ തള്ളിക്കളഞ്ഞ് അർജന്റീന പരിശീലകൻ, ദേശീയ ടീമിൽ മെസി ഒരിക്കലും നമ്പർ 9 പൊസിഷനിൽ കളിക്കില്ലെന്ന് സ്കലോണി
ബാഴ്സലോണയിൽ കൂമാൻ ഉപയോഗിക്കുന്നതു പോലെ ഒരിക്കലും മെസിയെ നമ്പർ 9 പൊസിഷനിൽ അർജൻറീന ടീമിൽ കളിപ്പിക്കില്ലെന്ന് പരിശീലകൻ സ്കലോണി. സുവാരസ് ടീം വിട്ടതോടെ മികച്ചൊരു സ്ട്രൈക്കറില്ലാത്ത ബാഴ്സ കഴിഞ്ഞ മത്സരത്തിൽ മെസിയെ ഫാൾസ് 9 പൊസിഷനിൽ കളിപ്പിച്ചിരുന്നു. ഇതിനു പിന്നാലെയാണ് അർജൻറീന പരിശീലകൻ തന്റെ നിലപാടു വ്യക്തമാക്കിയത്.
“അർജന്റീന ടീമിന്റെ കയ്യിൽ പന്തുള്ളപ്പോൾ മെസിക്കു മുന്നിൽ താരങ്ങളെ അണി നിരത്തി കളിപ്പിക്കാനാണ് തീരുമാനം. കഴിഞ്ഞ കോപ അമേരിക്കയിൽ ഈ തന്ത്രം ഫലം കണ്ടിരുന്നു. മെസിക്കു മുന്നിൽ കളിക്കാരുണ്ടെങ്കിൽ അദ്ദേഹത്തിന് ഡീപിലേക്ക് ഇറങ്ങാനും അസിസ്റ്റുകൾ നൽകാനും എളുപ്പമാണ്.” ലിബറയോടു സംസാരിക്കുമ്പോൾ സ്കലോനി വ്യക്തമാക്കി.
Barcelona: Scaloni disagrees with Koeman: Messi won't play as false No.9 for Argentinahttps://t.co/sHfswmXWOj#MarcaEnglish #MarcaEnglish #Sports
— Flying Eze (@flyingeze) September 28, 2020
അടുത്ത മാസം ഇക്വഡോർ, ബൊളീവിയ എന്നിവർക്കെതിരെയുള്ള ലോകകപ്പ് യോഗ്യത മത്സരങ്ങളിൽ മെസി പങ്കെടുത്ത് മികച്ച പ്രകടനം നടത്തുമെന്ന പ്രതീക്ഷയും സ്കലോനി പങ്കു വെച്ചു. അതേ സമയം മികച്ച സ്ട്രൈക്കർ ടീമിലില്ലാത്ത പ്രശ്നം പരിഹരിക്കാൻ ബാഴ്സലോണ ശ്രമങ്ങൾ തുടരുന്നുണ്ട്.