” ഞാൻ മെസ്സിയെക്കാൾ മുകളിൽ റൊണാൾഡീഞ്ഞോയെ തെരഞ്ഞെടുക്കും”

2000 ൽ ബാഴ്‌സലോണയിൽ നിന്നും ബാലൺ ഡി ഓർ നേടിയ രണ്ട് കളിക്കാർ റൊണാൾഡീഞ്ഞോയും മെസ്സിയും മാത്രമാണ്. ഇവർ തമ്മിലുള്ള താരതമ്യം പലപ്പോഴും അസാധാരണമായി തോന്നിയേക്കാം. ബാഴ്‌സലോണയിൽ കളിച്ച നാളുകളിൽ താൻ ഒപ്പം കളിച്ച ഏറ്റവും മികച്ച കളിക്കാരനെ തിരഞ്ഞെടുക്കുമ്പോൾ ലയണൽ മെസ്സിയെക്കാൾ മുകളിൽ മുൻ മെക്‌സിക്കോ ഡിഫൻഡർ റാഫ മാർക്വേസ് റൊണാൾഡീഞ്ഞോയെ തിരഞ്ഞെടുത്തു. ഡീഞ്ഞോയോടൊപ്പം അഞ്ചു വര്ഷം നൗ ക്യാമ്പിൽ ചിലവഴിച്ച താരമാണ് മാർക്വേസ്. ലിയോയുടെ അസാമാന്യമായ കഴിവ് മാർക്വേസ് തിരിച്ചറിയുന്നുണ്ടെങ്കിലും, റോണി തന്റെ അസാമാന്യമായ കഴിവുകൾ കാരണം വേറിട്ടുനിൽക്കുന്നുവെന്ന് മാർക്വേസ് പറഞ്ഞു.

രണ്ട് സൗത്ത് അമേരിക്കൻ പ്ലേ മേക്കർമാരിൽ നിന്നും ഒരാളെ തിരഞ്ഞെടുക്കാൻ ആവശ്യപ്പെട്ടപ്പോൾ “റൊണാൾഡീഞ്ഞോ,” മുൻ ബാഴ്‌സലോണ സെന്റർ ബാക്ക് പ്രതികരിച്ചു.
“റൊണാൾഡീഞ്ഞോയ്ക്ക് വ്യത്യസ്ത കഴിവുകൾ ഉണ്ടെന്ന് ഞാൻ കണ്ടു, വ്യക്തമായും മെസ്സി ഒരു അവിശ്വസനീയമായ കളിക്കാരനാണ്, പക്ഷേ റൊണാൾഡീഞ്ഞോയ്ക്ക് ആ മാന്ത്രികത, ആ പാർട്ടി, ആ സന്തോഷം ഉണ്ടായിരുന്നു. അവൻ എന്തെങ്കിലും ചെയ്യാൻ പോകുന്നുവെന്ന് നിങ്ങൾ വിചാരിക്കുമ്പോഴെല്ലാം, അവൻ മറ്റെന്തെങ്കിലും കൊണ്ട് പുറത്തുവരുന്നു, അത് അവനെ വ്യത്യസ്തനാക്കുന്നു” മെക്സിക്കൻ അഭിപ്രായപ്പെട്ടു.

ലയണൽ മെസ്സിയുമായുള്ള തന്റെ ബന്ധത്തെക്കുറിച്ച് റാഫ മാർക്വേസും തുറന്നു പറഞ്ഞു.”ഞങ്ങളുടെ ബന്ധം വളരെ മികച്ചതായിരുന്നു, ഞങ്ങൾ പറയുന്നത് പോലെ അത്ര നല്ല സുഹൃത്തുക്കളായിരുന്നില്ല, പക്ഷേ ഡ്രസ്സിംഗ് റൂമിനുള്ളിൽ, അത് എല്ലായ്പ്പോഴും സൗഹാർദ്ദപരമായ ബന്ധമായിരുന്നു. ഞങ്ങൾ ഏതാണ്ട് ഒരേ ശൈലിയിലുള്ള സ്വഭാവക്കാരായിരുന്നു, അവൻ നിശബ്ദനായിരുന്നു, ഞാനും നിശബ്ദനായിരുന്നു. പക്ഷെ ഗ്രൗണ്ടിൽ അങ്ങനെയായിരുന്നില്ല ഞാൻ എപ്പോഴും ലിയോയുമായി ഇണങ്ങിച്ചേർന്നു”.

ചരിത്രത്തിലെ ഏറ്റവും മികച്ച രണ്ട് താരങ്ങൾക്കൊപ്പം ബാഴ്‌സലോണയിൽ അദ്ദേഹത്തിന് കളിയ്ക്കാൻ സാധിച്ചിട്ടുണ്ട്.2003-ൽ റൊണാൾഡീഞ്ഞോയ്‌ക്കൊപ്പം ക്യാമ്പ് നൗവിൽ എത്തിയ മെക്‌സിക്കൻ താരം കറ്റാലൻ തലസ്ഥാനത്ത് 2010 വരെ തുടർന്നു.2003-ൽ ഡേവിഡ് ബെക്കാമിനെ നഷ്ടമായതിന് ശേഷം റൊണാൾഡീഞ്ഞോയെ സൈൻ ചെയ്യുമ്പോൾ ബാഴ്‌സലോണയ്ക്ക് വലിയ പ്രതീക്ഷ ഉണ്ടായിരുന്നില്ല. എന്നിരുന്നാലും, ബ്രസീലിയൻ താരം ക്യാമ്പ് നൗവിൽ വൻ വിജയമായി, 2000-കളുടെ മധ്യത്തിൽ ലോക ഫുട്‌ബോളിന്റെ രാജാവായി അദ്ദേഹം മാറി.