മുൻ ജർമൻ സൂപ്പർ താരം മെസ്യൂട്ട് ഓസിൽ ഫുട്ബോളിൽ നിന്നും വിരമിച്ചതിന് ശേഷം പുതിയൊരു മേഖലയിലേക്ക് കാൽ വെക്കാൻ ഒരുങ്ങുകയാണ്.തുർക്കി പാർലമെന്റ് തിരഞ്ഞെടുപ്പിൽ സ്ഥാനാർത്ഥിയായി പ്രഖ്യാപിച്ചതോടെ മെസ്യൂട്ട് ഓസിൽ തന്റെ ജീവിതത്തിന്റെ പുതിയ അധ്യായം ആരംഭിക്കാൻ ഒരുങ്ങുകയാണ്.
പ്രസിഡന്റ് റജബ് ത്വയ്യിബ് എർദോഗന്റെ നേതൃത്വത്തിലുള്ള ഭരണകക്ഷിയായ ജസ്റ്റിസ് ആൻഡ് ഡെവലപ്‌മെന്റ് പാർട്ടിയുടെ (എകെപി) പ്രതിനിധിയായാണ് ഓസിൽ നിൽക്കുകയെന്ന് തുർക്കി ന്യൂസ്പേപ്പർ റിപ്പോർട്ട് ചെയ്യുന്നു.ഓസിൽ എർദോഗനുമായി അടുത്ത ബന്ധം പങ്കിടുന്നു,2019 ലെ ഫുട്ബോൾ താരത്തിന്റെ വിവാഹത്തിൽ മുഖ്യാതിഥിയായിരുന്നു പ്രസിഡന്റ് .വരാനിരിക്കുന്ന തെരഞ്ഞെടുപ്പിൽ തന്റെ പാർട്ടി ചില പുതിയ സ്ഥാനാർത്ഥികളെ അവതരിപ്പിക്കുമെന്ന് പ്രസിഡന്റ് പ്രഖ്യാപിച്ചതിന് പിന്നാലെയാണ് ഓസിലിന്റെ രാഷ്ട്രീയ പ്രവേശനത്തെക്കുറിച്ചുള്ള വാർത്തകൾ പുറത്തുവന്നത്.
തന്റെ അന്താരാഷ്ട്ര കരിയറിൽ ഉടനീളം ജർമ്മൻ ജേഴ്സിയണിഞ്ഞിട്ടും തുർക്കിയുമായി നല്ല ബന്ധമാണ് ഓസിൽ കാത്തു സൂക്ഷിച്ചത്.തുർക്കി കുടിയേറ്റക്കാരായിരുന്ന ഓസിലിന്റെ മാതാപിതാക്കൾ വളരെക്കാലം മുമ്പ് ജർമ്മനിയിലേക്ക് മാറി. വേൾഡ് കപ്പിൽ നിന്നും ജർമനി പുറത്തായതിന് ശേഷം ഓസിലിനെതിരെ വംശീയ പരാമർശങ്ങൾ ഉയർന്നു വന്നിരുന്നു.”ജയിക്കുമ്പോൾ ജർമ്മനിയും തോൽക്കുമ്പോൾ തുർക്കിക്കാരനുമാണ്” എന്ന് ഓസിൽ തിരിച്ചടിച്ചു.2018 മെയ് മാസത്തിൽ ലണ്ടനിലെ ഒരു ഹോട്ടലിൽ എർദോഗനൊപ്പം നിൽക്കുന്ന ഫോട്ടോയ്‌ക്കെതിരെ വലിയ വിമര്ശനം ജർമനിയിൽ നിന്നും വന്നിരുന്നു.
2014-ൽ ബ്രസീലിൽ നടന്ന ഫിഫ ലോകകപ്പ് ജർമ്മനി ഉയർത്തിയതിൽ പ്രധാന പങ്ക് വഹിച്ച ഓസിൽ, തനിക്ക് “വംശീയത” അനുഭവപ്പെട്ടുവെന്ന് അവകാശപ്പെട്ട് ജർമ്മൻ ദേശീയ ടീം വിട്ടു. കുടിയേറ്റക്കാരുടെ കുത്തൊഴുക്കിനെക്കുറിച്ച് ജർമ്മനിയിൽ നടന്ന ഒരു രാഷ്ട്രീയ ചർച്ചയ്ക്കിടെയാണ് സംഭവം.ആഴ്സണലുമായുള്ള ബന്ധം വേർപെടുത്തിയ ശേഷം, മെസ്യൂട്ട് ഓസിൽ തന്റെ താവളം തുർക്കിയിലേക്ക് മാറ്റുകയും തന്റെ ക്ലബ് കരിയറിന്റെ ശേഷിക്കുന്നത് ടർക്കിഷ് സൂപ്പർ ലീഗിൽ ചെലവഴിക്കുകയും ചെയ്തു. ഒരു വർഷത്തിനുള്ളിൽ ഇസ്താംബുൾ ബസക്‌സെഹിറിലേക്ക് മാറുന്നതിന് മുമ്പ് അദ്ദേഹം 2021 ൽ ഇസ്താംബുൾ ക്ലബ്ബായ ഫെനർബാസെയിൽ ചേർന്നു.
🔔 | Former Arsenal star Mesut Ozil contender for shock Turkish parliament role after retirement https://t.co/XYRnRwJ9EF
— SPORTbible News (@SportBibleNews) April 17, 2023
എന്നിരുന്നാലും, മുൻ റയൽ മാഡ്രിഡ് താരത്തിന്, തുർക്കിയിലെ തന്റെ ഐതിഹാസിക ഫോമുമായി പൊരുത്തപ്പെടാൻ കഴിഞ്ഞില്ല, കാരണം അദ്ദേഹത്തിന്റെ കളി മിക്കവാറും പരിക്കുകൾ തടസ്സപ്പെട്ടു.അരക്കെട്ടിന് ഗുരുതരമായി പരിക്കേറ്റതിനാൽ, വെറും 7 ഗെയിമുകളിൽ ബസക്‌സെഹിറിനെ പ്രതിനിധീകരിക്കാൻ ഓസിലിന് കഴിഞ്ഞു.കഴിഞ്ഞ മാസം വിരമിക്കൽ പ്രഖ്യാപിക്കുമ്പോൾ, 17 വർഷം നീണ്ട ഫുട്ബോൾ കരിയർ അവസാനിപ്പിക്കാനുള്ള തന്റെ തീരുമാനത്തിന് പിന്നിലെ കാരണമായി ഓസിൽ തന്റെ പതിവ് പരിക്കിന്റെ പ്രശ്നങ്ങളും പരാമർശിച്ചു.