‘ഇത് അവസാനിച്ചിട്ടില്ല’ : മാഞ്ചസ്റ്റർ സിറ്റിയുമായുള്ള കിരീടപ്പോരാട്ടം അവസാനിച്ചിട്ടില്ലെന്ന് ആഴ്‌സണൽ മാനേജർ മൈക്കൽ അർട്ടെറ്റ

കഴിഞ്ഞയാഴ്ച മാഞ്ചസ്റ്റർ സിറ്റിയോട് ആഴ്സണലിന്റെ 4-1 തോൽവിക്ക് ശേഷം ട്രോഫിയുടെ വിധി “ഞങ്ങളുടെ കൈകളിലല്ല” എന്ന് ആഴ്സണൽ മാനേജർ മൈക്കൽ അർട്ടെറ്റ തറപ്പിച്ചുപറഞ്ഞു.പ്രീമിയർ ലീഗ് കിരീട പ്രതീക്ഷകൾ സജീവമാക്കണമെങ്കിൽ തന്റെ ടീം വ്യക്തമായി മെച്ചപ്പെടേണ്ടതുണ്ടെന്നും അർട്ടെറ്റ കൂട്ടിച്ചേർത്തു.

ലിവർപൂൾ, വെസ്റ്റ് ഹാം, സതാംപ്ടൺ എന്നിവരോടൊപ്പമുള്ള സമനിലകൾ ഉൾപ്പടെ നാല് ഗെയിമുകൾ ആഴ്‌സണൽ വിജയിക്കാതെ കടന്നു പോയിരുന്നു.ഇതോടെ സിറ്റി ആഴ്‌സനലിനെ മറികടന്ന് പോയിന്റ് ടേബിളിൽ ഒന്നാമത് എത്തുകയും ചെയ്തു.മിഡ് വീക്കിൽ എത്തിഹാദിൽ ആഴ്സണലിനെതിരെ 4-1 ന് ജയിച്ചതിന് ശേഷം ഞായറാഴ്ച ക്രാവൻ കോട്ടേജിൽ സിറ്റി ഫുൾഹാമിനെ 2-1 ന് പരാജയപ്പെടുത്തി. നിലവിലെ ചാമ്പ്യന്മാർ ഇപ്പോൾ തുടർച്ചയായി എട്ട് ലീഗ് ഗെയിമുകൾ വിജയിച്ചു, അതേസമയം ആഴ്സണൽ നാല് ഗെയിമുകൾ ജയിക്കാതെ (മൂന്ന് സമനിലയും ഒരു തോൽവിയും) – സാധ്യമായ 12 ൽ നിന്ന് മൂന്ന് പോയിന്റ് മാത്രമാണ് നേടിയത്.

“ഇനിയും ചെയ്യാൻ ജോലിയുണ്ടെന്ന് തിരിച്ചറിയണം, എളിമയുള്ളവരായിരിക്കണം, നമ്മുടെ ബലഹീനതകൾ എന്താണെന്ന് തിരിച്ചറിഞ്ഞ് മികച്ചവരാകാൻ പ്രവർത്തിക്കണം. എന്നാൽ ഞങ്ങൾക്ക് നിരവധി ശക്തികളുണ്ട്, കഴിഞ്ഞ 10 മാസം ഞങ്ങൾ നന്നായി ചെയ്ത ഒരുപാട് കാര്യങ്ങളുണ്ട്”ചെൽസിക്കെതിരായ മത്സരത്തിന് മുന്നോടിയായി സംസാരിച്ച അർട്ടെറ്റ മാധ്യമപ്രവർത്തകരോട് പറഞ്ഞു.”ഇപ്പോൾ, [ടൈറ്റിൽ റേസ്] ഞങ്ങളുടെ കൈകളിൽ ഇല്ല,” അർറ്റെറ്റ സമ്മതിച്ചു. ‘ഞങ്ങൾ അവശേഷിക്കുന്ന ഗെയിമുകൾ ജയിക്കാൻ ശ്രമിക്കുകയാണ്.ഞങ്ങൾ ചെയ്യേണ്ടത് കഴിഞ്ഞ ആഴ്‌ച എന്താണ് സംഭവിച്ചതെന്ന് മറക്കുക, അതിൽ നിന്ന് പഠിക്കുക എന്നതാണ് ” അദ്ദേഹം കൂട്ടിച്ചേർത്തു.

“ഞങ്ങൾ എന്താണ് ചെയ്യാൻ ശ്രമിച്ചതെന്ന് എനിക്കറിയാം, ലക്ഷ്യം എന്തായിരുന്നു എന്നറിയാം ഒന്നും അവസാനിച്ചിട്ടില്ല”.ആഴ്‌സണൽ ഇതിനകം തന്നെ ഒരു ടോപ്പ്-ഫോർ ഫിനിഷും ചാമ്പ്യൻസ് ലീഗിലേക്കുള്ള തിരിച്ചുവരവും നേടിയിട്ടുണ്ട്, “അവിശ്വസനീയമാംവിധം അഭിമാനവും സംഭാവന നൽകിയ എല്ലാവരോടും നന്ദിയുള്ളവയുമാണ്… ഒരു ദശാബ്ദത്തിലേറെയായി ഈ ഫുട്ബോൾ ക്ലബ്ബിൽ ഇത് സംഭവിക്കാത്ത കാര്യമാണ് ” പരിശീലകൻ പറഞ്ഞു.