ചെൽസി താരങ്ങളിൽ ഭൂരിഭാഗവും റൊണാൾഡോയേക്കാൾ ഇഷ്ടപ്പെടുന്നത് ലയണൽ മെസ്സിയെ!

ഫുട്ബോൾ താരങ്ങൾക്ക് എപ്പോഴും നേരിടേണ്ടി വരുന്ന ഒരു ചോദ്യമാണ് ലയണൽ മെസ്സിയെയാണോ അതോ ക്രിസ്റ്റ്യാനോ റൊണാൾഡോയെയാണോ ഏറ്റവും കൂടുതൽ ഇഷ്ടപ്പെടുന്നതെന്ന്. ഓരോരുത്തർക്കും അവരുടേതായ വ്യക്തിപരമായ അഭിപ്രായങ്ങളും ഇഷ്ടങ്ങളും ഉണ്ടായിരിക്കും. ഈ ചോദ്യത്തിന് എല്ലാ കാലത്തും പ്രസക്തിയുണ്ട് എന്നുള്ളതാണ്.

കഴിഞ്ഞ ദിവസം ഒരു വീഡിയോ പുറത്തുവന്നിട്ടുണ്ട്. അതായത് ഒരു കുഞ്ഞു ആരാധകൻ ചെൽസി താരങ്ങൾക്കൊപ്പം ഓട്ടോഗ്രാഫ് വാങ്ങുന്നതും ഫോട്ടോ എടുക്കുന്നതുമാണ്. ഇതിനെല്ലാം ശേഷം ആരാധകൻ ഓരോ ചെൽസി താരങ്ങളോടും ഇതേ ചോദ്യം ചോദിക്കുന്നുണ്ട്.

മെസ്സിയാണോ റൊണാൾഡോയാണോ ഇഷ്ടപ്പെട്ട താരമെന്നാണ് ചെൽസി താരങ്ങളോട് ചോദിക്കുന്നത്. ഇതിൽ ഭൂരിഭാഗം താരങ്ങളും ലയണൽ മെസ്സിക്കൊപ്പമാണ് നിന്നിട്ടുള്ളത്.ആദ്യം പ്രതിരോധനിരതാരമായ ബെൻ ചിൽവെല്ലിനോടാണ് ചോദിച്ചത്. അദ്ദേഹം മെസ്സിക്കൊപ്പമാണ് നിന്നത്.

പിന്നീട് വന്ന കോണർ ഗല്ലഗറും ലയണൽ മെസ്സിയെ തന്നെയാണ് തിരഞ്ഞെടുത്തത് അതേസമയം അർമാന്റോ ബ്രോജ ക്രിസ്റ്റ്യാനോ റൊണാൾഡോയെയാണ് ഇഷ്ടപ്പെടുന്നത്. അതിന് ശേഷം വന്ന വെസ്ലി ഫോഫാനയുടെ ഇഷ്ടതാരവും ലയണൽ മെസ്സിയാണ്. ബ്രസീലിയൻ സൂപ്പർതാരമായ തിയാഗോ സിൽവയോടും ഈ ചോദ്യം ചോദിക്കപ്പെടുന്നുണ്ട്.അദ്ദേഹത്തിന്റെ ഉത്തരവും ലയണൽ മെസ്സി എന്ന് തന്നെയാണ്.

അടുത്ത താരം മാർക്ക് കുകുറെല്ലയാണ്.അദ്ദേഹത്തിന്റെ ഇഷ്ടപ്പെട്ട താരവും ലയണൽ മെസ്സി തന്നെയാണ്. ചുരുക്കത്തിൽ ഭൂരിഭാഗം ചെൽസി താരങ്ങളും ലയണൽ മെസ്സിയെ ഇഷ്ടപ്പെടുന്നു എന്നുള്ളതാണ് ഈ വീഡിയോയിൽ നിന്നും നമുക്ക് വ്യക്തമാവുന്നത്. തീർച്ചയായും ഫുട്ബോൾ താരങ്ങൾക്കിടയിൽ തന്നെ ഏറ്റവും കൂടുതൽ ആരാധകരെ അവകാശപ്പെടാൻ കഴിയുന്ന താരം കൂടിയാണ് ലയണൽ മെസ്സി.