”പാരിസിനുവേണ്ടി ചാമ്പ്യൻസ് ലീഗ് നേടുക എന്നത് എൻ്റെ സ്വപ്നമാണ്” : കൈലിയൻ എംബാപ്പെ | Kylian Mbappe

യുവേഫ ചാമ്പ്യൻസ് ലീഗ് ക്വാർട്ടർ ഫൈനലിൽ ബാഴ്സലോണക്കെതിരെ തകർപ്പൻ ജയം നേടിയാണ് പിഎസ്ജി സെമി ഫൈനലിൽ ഇടം പിടിച്ചത്.ക്വാർട്ടർ ഫൈനൽ രണ്ടാംപാദ മത്സരത്തിൽ 4-1ന് തോൽവിയേറ്റുവാങ്ങിയാണ് അഞ്ച് തവണ ചാമ്പ്യന്മാരായ ബാഴ്സ പുറത്തായത്. ആദ്യ പാദത്തിൽ ബാഴ്സ 3-2ന് വിജയിച്ചിരുന്നു. ഇന്നലെ പി.എസ്.ജി വിജയിച്ചതോടെ 6 -4 എന്ന അഗ്രഗേറ്റ് സ്‌കോറിൽ പാരീസ് ക്ലബ് അവസാന നാലിലെത്തി.

മത്സരത്തിൽ സൂപ്പർ താരം എംബപ്പേ പിഎസ്ജി ക്കായി ഇരട്ട ഗോളുകൾ നേടി മിന്നുന്ന പ്രകടനം പുറത്തെടുത്തു.ആദ്യ ചാമ്പ്യൻസ് ലീഗ് കിരീടം നേടാൻ തൻ്റെ ജന്മനാടായ ക്ലബ്ബിനെ സഹായിക്കുന്നതിൽ തനിക്ക് അഭിമാനമുണ്ടെന്ന് കൈലിയൻ എംബാപ്പെ പറഞ്ഞു. ഭാവി തൻ്റെ മനസ്സിലില്ലെന്നും ഫ്രഞ്ച് തലസ്ഥാനത്തേക്ക് കിരീടം ഹത്വം കൊണ്ടുവരുന്നതിലാണ് തൻ്റെ ശ്രദ്ധയെന്നും ഈ സീസണിന് ശേഷം പിഎസ്ജി വിടാൻ ഒരുങ്ങുന്ന എംബാപ്പെ മാധ്യമപ്രവർത്തകരോട് പറഞ്ഞു.

“പാരിസിനുവേണ്ടി ചാമ്പ്യൻസ് ലീഗ് നേടുക എന്നത് എൻ്റെ സ്വപ്നമാണ്.ആദ്യ ദിനം മുതൽ പിഎസ്ജിയിൽ ആയതിൽ ഞാൻ അഭിമാനിക്കുന്നു. നല്ല സമയങ്ങളും മോശം സമയങ്ങളും ഉണ്ടാവുമെങ്കിലും ഈ ക്ലബ്ബിനായി കളിക്കുന്നതിൽ ഞാൻ അഭിമാനിക്കുന്നു. എൻ്റെ രാജ്യത്തിൻ്റെ തലസ്ഥാനമായ ക്ലബ്ബിനെ പ്രതിനിധീകരിക്കുന്നു, അവിടെ വളർന്ന എനിക്ക് അത് ഒരു പ്രത്യേകതയാണ്.ഒരു പാരീസിയൻ എന്ന നിലയിൽ ഇതുപോലൊരു സായാഹ്നം അനുഭവിക്കാൻ സാധിച്ചതിൽ അഭിമാനിക്കുന്നു” എംബപ്പേ പറഞ്ഞു.

“ഞങ്ങൾ ഒരു മികച്ച ടീമിനെ തോൽപിച്ചു, പക്ഷേ ഞങ്ങൾ തോറ്റിരുന്നെങ്കിൽപ്പോലും, ഞാൻ പാരീസിയൻ ആയതിൽ അഭിമാനിക്കും.ഞങ്ങൾക്ക് വളരെ സന്തോഷമുണ്ട്, ഞങ്ങൾ തോൽപ്പിക്കാൻ ആഗ്രഹിച്ച ഒരു ടീമിനെ ഞങ്ങൾ പരാജയപ്പെടുത്തി. ഇത് ഞങ്ങളെയും നാട്ടിലുള്ളവരെയും പിന്തുണയ്ക്കാൻ ഇവിടെയെത്തിയ ആരാധകർക്കുള്ളതാണ്” എംബപ്പേ കൂട്ടിച്ചേർത്തു.