ലോകത്തിലെ ഏറ്റവും മികച്ച താരമാണ് അദ്ദേഹം, അദ്ദേഹത്തെ കണ്ടാണ് നമ്മൾ പഠിക്കേണ്ടത് എന്ന് ബ്രസീലിയൻ സൂപ്പർ താരം..

ലോകത്തിലെ ഏറ്റവും മികച്ച ഫുട്ബോളർക്ക് നൽകുന്ന ബാലൻ ഡി ഓർ പുരസ്‌കാരം അഞ്ച് തവണ സ്വന്തമാക്കിയ പോർച്ചുഗീസ് നായകനായ സൗദി ക്ലബ്ബ് അൽ നസ്റിന്റെ താരം ക്രിസ്റ്റ്യാനോ റൊണാൾഡോയെ വാനോളം പുകഴ്ത്തിയിരിക്കുകയാണ് പ്രീമിയർ ലീഗ് ക്ലബ്ബായ ആഴ്‌സനലിന്റെ ബ്രസിലിയൻ താരം ഗബ്രിയേൽ മാർട്ടിനല്ലി.

ക്രിസ്റ്റ്യാനോ റൊണാൾഡോയാണ് എല്ലായിപ്പോഴും തന്റെ റോൾ മോഡൽ എന്ന് വ്യക്തമാക്കിയ ഗബ്രിയേൽ മാർട്ടിനല്ലി പോർച്ചുഗീസ് ക്യാപ്റ്റൻ ഏറ്റവും മികച്ച താരമാണ് എന്നും പറഞ്ഞു. മികച്ച കായിക മനോഭാവമുള്ള ക്രിസ്റ്റ്യാനോ റൊണാൾഡോയുടെ മെന്റാലിറ്റിയെ പോലെയാകാൻ നമ്മളെല്ലാവരും ശ്രമിക്കണമെന്നും യുവ താരം പറഞ്ഞു.

“എന്റെ റോൾ മോഡൽ എല്ലായിപ്പോഴും ക്രിസ്റ്റ്യാനോ റൊണാൾഡോയാണ്, അത് എന്നേക്കും നിലനിൽക്കും. ഫുട്ബോൾ ചരിത്രത്തിലെ ഏറ്റവും മികച്ച കളിക്കാരനാണ് അദ്ദേഹം. മികച്ച കായിക മനോഭാവമാണ് അദ്ദേഹത്തിന്റേത്. നാമെല്ലാവരും ക്രിസ്റ്റ്യാനോ റൊണാൾഡോയുടെ മാതൃക പിന്തുടരണം, എന്റെ കരിയറിൽ വിജയിക്കണമെന്ന് ഞാൻ അതിയായി ആഗ്രഹിക്കുന്നു, അതിനാൽ ഞാൻ ക്രിസ്റ്റ്യാനോ റൊണാൾഡോയുടെ മെന്റാലിറ്റിയിൽ എത്താൻ ശ്രമിക്കുകയാണ്.”

“മാഞ്ചസ്റ്റർ യുണൈറ്റഡിനെതിരെ ഓൾഡ് ട്രാഫോഡിൽ ഞാൻ കളിച്ചപ്പോൾ ക്രിസ്റ്റ്യാനോ റൊണാൾഡോ കളിച്ചിരുന്ന സ്റ്റേഡിയത്തിൽ കളിക്കുന്നത് എന്നെ സംബന്ധിച്ച് അവിശ്വസനീയമായിരുന്നു, എനിക്ക് അത് വിശ്വസിക്കാൻ കഴിഞ്ഞില്ല, എന്നെ സംബന്ധിച്ച് അതൊരു സ്വപ്നമായിരുന്നു.” – ക്രിസ്റ്റ്യാനോ റൊണാൾഡോയെ കുറിച്ച് ഗബ്രിയേൽ മാർട്ടിനല്ലി പറഞ്ഞു.

നിലവിൽ പോർച്ചുഗലിൽ പ്രീസീസൺ സൗഹൃദ മത്സരങ്ങൾ കളിക്കുകയും പരിശീലനം നടത്തുകയും ചെയ്യുകയാണ് ക്രിസ്റ്റ്യാനോ റൊണാൾഡോ കളിക്കുന്ന സൗദി അറേബ്യൻ ക്ലബ്ബായ അൽ നസ്ർ. ഇത്തവണ നിരവധി സൂപ്പർ താരങ്ങൾ സൗദി ലീഗിലേക്ക് വന്നതിനാൽ മത്സരങ്ങൾ കടുപ്പമേറിയതാകും എന്ന് ഉറപ്പാണ്.