❝ ലോകകപ്പിന് ശേഷവും നെയ്മർ കളി തുടരണം❞ : സൂപ്പർ താരത്തിന് പിന്തുണയുമായി സഹ താരങ്ങൾ

ഖത്തറിലെ ലോകകപ്പ് തന്റെ അവസാനത്തേതാണെന്ന് പറയുമ്പോഴും, അടുത്ത വർഷത്തെ ലോകകപ്പിന് ശേഷം 29 കാരനായ സ്ട്രൈക്കർ ദേശീയ ടീമിൽ തുടരുമെന്ന് നെയ്മറിന്റെ ബ്രസീൽ ടീമംഗങ്ങൾ ഇപ്പോഴും പ്രതീക്ഷിക്കുന്നു.2022 ലോകകപ്പിന് ശേഷം അന്താരാഷ്ട്ര ഫുട്ബോളിന് “മാനസികമായി സഹായിക്കാൻ ” കഴിയുമോ എന്ന് തനിക്കറിയില്ലെന്നും തന്റെ അവസാനത്തേത് പോലെയാണ് ടൂർണമെന്റിനെ സമീപിക്കുന്നതെന്നും ഈ ആഴ്ച സംപ്രേഷണം ചെയ്ത ഒരു അഭിമുഖത്തിൽ നെയ്മർ പറഞ്ഞു. ബ്രസീലിന്റെ ഏറ്റവും വലിയ താരമെന്ന നിലയിൽ നെയ്മർ നേരിടുന്ന സമ്മർദ്ദം മനസ്സിലായെന്ന് പറഞ്ഞ് സഹതാരങ്ങൾ പിന്തുണയുമായെത്തി.

“അവൻ വർഷങ്ങളോളം ഞങ്ങളോടൊപ്പം നിൽക്കണമെന്ന് ഞങ്ങൾ ആഗ്രഹിക്കുന്നു,” മിഡ്ഫീൽഡർ ഫ്രെഡ് പറഞ്ഞു. “എന്നാൽ മറ്റൊരാളുടെ ചിന്തയെ കുറിച്ച് സംസാരിക്കുന്നത് ബുദ്ധിമുട്ടാണ്. ചിലപ്പോൾ ആളുകൾ വലിയ സമ്മർദ്ദം നേരിടുന്നു. നെയ്മർ മാത്രമല്ല, (ലയണൽ) മെസി, ക്രിസ്റ്റ്യാനോ റൊണാൾഡോ എന്നിവരും സമ്മർദത്തിന് അടിമപ്പെടും. നെയ്മറിനുമേലുള്ള സമ്മർദ്ദം മറ്റ് കളിക്കാരുമായി താരതമ്യം ചെയ്യുമ്പോൾ ന്യായമല്ലെന്നും നെയ്മറിന്റെ അടുത്ത സുഹൃത്തായ ഡിഫൻഡർ തിയാഗോ സിൽവ വാർത്താസമ്മേളനത്തിൽ പറഞ്ഞു.

“അവൻ പിച്ചിൽ ചെയ്ത പലതും ഞങ്ങൾ മറക്കുകയും പ്രാധാന്യമില്ലാത്ത കാര്യങ്ങളിൽ ശ്രദ്ധ കേന്ദ്രീകരിക്കുകയും ചെയ്യുന്നു.അവൻ തന്നെത്തന്നെ വളരെയധികം സമ്മർദ്ദം ചെലുത്തുന്നു. ”വ്യാഴാഴ്ച ഉറുഗ്വേക്കെതിരായ ബ്രസീലിന്റെ ലോകകപ്പ് യോഗ്യതാ മത്സരത്തിന് മുമ്പ് സിൽവ പറഞ്ഞു.”അവന്റെ സന്തോഷം നഷ്ടപ്പെടില്ലെന്ന് ഞാൻ പ്രതീക്ഷിക്കുന്നു, അവൻ ഒരു സ്പെഷ്യൽ കുട്ടിയാണ്. അവൻ സന്തുഷ്ടനായിരിക്കുകയും അവൻ ഇഷ്ടപ്പെടുന്ന കാര്യങ്ങൾ ചെയ്യുകയും ചെയ്യുമ്പോൾ അവൻ നന്നയി കളിക്കുകയും ചെയ്യാറുണ്ട്, ഇത് ടീമിന് നല്ലതാണ്. ”കൊളംബിയയ്‌ക്കെതിരെ ബ്രസീലിനായി തന്റെ നൂറാം മത്സരം കളിച്ച സിൽവ, തന്റെ സുഹൃത്തിന്റെ ആത്മവീര്യം വർദ്ധിപ്പിക്കാനുള്ള ശ്രമത്തിലാണ്.

“നെയ്മർ, നിങ്ങൾ സ്വർഗത്തിൽ കളിച്ചിരുന്നെങ്കിൽ നിങ്ങളെ കാണാനായി ഞാൻ മരിക്കും.” ട്വീറ്റുമായി എവർട്ടൺ സ്ട്രൈക്കർ റിച്ചാർലിസൺ രംഗത്തെത്തി.ജൂലൈയിൽ ദേശീയ ടീമിനൊപ്പം തന്റെ ആദ്യ കോപ്പ അമേരിക്ക കിരീടം നേടാനുള്ള ശ്രമം പരാജയപ്പെട്ടതിന് ശേഷം ക്ലബ് സീസണിൽ നെയ്മറിന് നിരാശജനകമായ തുടക്കമാണ് ലഭിച്ചത്. കൊളംബിയയ്‌ക്കെതിരെ സ്ട്രൈക്കർ 17 പാസുകൾ നഷ്‌ടപ്പെടുത്തി, വേഗതയും കുറവായിരുന്നു. നവംബറിലെ അടുത്ത അന്താരാഷ്ട്ര ജാലകത്തിൽ അദ്ദേഹത്തിന് വിശ്രമം നൽകണമെന്ന് പ്രാദേശിക മാധ്യമങ്ങൾ നിർദ്ദേശിച്ചു.

നെയ്മറിന്റെ മുൻ രണ്ട് ലോകകപ്പുകളും വിസ്മരിക്കാവുന്നതായിരുന്നു. 2014 ൽ ബ്രസീലിൽ, കൊളംബിയയ്‌ക്കെതിരായ ക്വാർട്ടർ ഫൈനലിൽ നട്ടെല്ലിന് പരിക്കേറ്റ അദ്ദേഹം ജർമ്മനിയോടുള്ള 7-1 സെമിഫൈനൽ തോൽവി നഷ്ടപ്പെടുത്തി. 2018 ൽ റഷ്യയിൽ, ബെൽജിയത്തോടുള്ള ക്വാർട്ടർ തോൽവിയിൽ അദ്ദേഹം നിരാശപ്പെടുത്തി.