❝നെയ്മർ ഇംഗ്ലീഷ് പ്രീമിയർ ലീഗിലേക്ക് അടുക്കുമ്പോൾ❞ |Neymar

ബ്രസീലിയൻ സൂപ്പർ താരം ക്ലബ്ബിൽ അസന്തുഷ്ടനാണെന്ന റിപ്പോർട്ടുകൾ പുറത്തുവന്നതുമുതൽ നെയ്മർ പാരീസ് സെന്റ് ജെർമെയ്‌നിൽ നിന്നും പുറത്തു പോവുമെന്ന അഭ്യൂഹങ്ങൾ വർധിച്ചു.കഴിഞ്ഞ സീസണിൽ ടീമിന്റെ പ്രകടനങ്ങളെ അപലപിച്ച ക്ലബ് പ്രസിഡന്റ് നാസർ അൽ-ഖെലൈഫി തന്നെ ലക്ഷ്യമിടുന്നതായി 30 കാരന് തോന്നി തുടങ്ങി.മുൻ ബാഴ്‌സലോണ കളിക്കാരന്റെ പ്രൊഫഷണലിസത്തെക്കുറിച്ച് പിഎസ്‌ജിയിൽ നിന്ന് തന്നെ ചോദ്യങ്ങൾ ഉയർന്നു തുടങ്ങുകയും ചെയ്തു.

ഏതായാലും അടുത്ത സീസണിൽ നെയ്മർ പാരിസിൽ തുടരില്ല എന്ന് ഏകദേശം തീരുമാനമായിട്ടുണ്ട്.ബ്രസീലിയൻ സ്റ്റാർ സ്‌ട്രൈക്കറെ താങ്ങാൻ കഴിവുള്ള കുറച്ച് ക്ലബ്ബുകൾ മാത്രമാണുള്ളത്. ക്യാമ്പ് നൗവിലേക്ക് മടങ്ങാൻ നെയ്മർ ഇഷ്ടപ്പെടുന്നതായി തോന്നുമെങ്കിലും, ബാഴ്‌സലോണയുടെ സാമ്പത്തിക സ്ഥിതി അതിനൊരു വലിയ തടസ്സമായി തീരും. 30 കാരന്റെ കരിയറിലെ അടുത്ത സ്റ്റോപ്പായി ഇംഗ്ലീഷ് പ്രീമിയർ ലീഗിനെയാണ് പലരും കാണുന്നത്. നെയ്മറെ പോലെ വേതനം വാങ്ങിക്കുന്ന താരങ്ങളെ വഹിക്കാനുള്ള കഴിവ് ഇംഗ്ലീഷ് ക്ലബ്ബുകൾക്ക് മാത്രമാണുളളത്.

ബ്രസീലിയൻ താരത്തിന്റെ ഒപ്പിനായി മൂന്നു ഇംഗ്ലീഷ് ക്ലബ്ബുകളാണ് മത്സരത്തിലുള്ളത്.ചെൽസി, മാഞ്ചസ്റ്റർ യുണൈറ്റഡ്, ന്യൂകാസിൽ യുണൈറ്റഡ് എന്നിവരാണ്. നെയ്മറിന്റെ ഏജന്റ് ഇതിനകം തന്നെ ലണ്ടൻ ക്ലബ്ബിന്റെ പുതിയ ഉടമ ടോഡ് ബോഹ്‌ലിയുമായി ചർച്ചയിൽ ഏർപ്പെട്ടിട്ടുണ്ട്.സ്റ്റാംഫോർഡ് ബ്രിഡ്ജിൽ വലിയിലൊരു ട്രാൻസ്ഫാറോടെ ആരംഭിക്കാൻ ബോഹ്ലി ആഗ്രഹിക്കുന്നു. പിഎസ്‌ജിയിലും ബ്രസീലിയൻ ടീമിലും നെയ്‌മറുടെ ഡ്രസ്സിംഗ് റൂം പങ്കിട്ടിരുന്ന തിയാഗോ സിൽവ താരത്തെ ക്ലബ്ബിലേക്ക് സ്വാഗതം ചെയ്യുകയും ചെയ്തു. ക്രിസ്റ്റ്യാനോ റൊണാൾഡോ ഓൾഡ്‌ട്രാഫൊഡ് വിടുകയാണെങ്കിൽ നെയ്മർ മാഞ്ചസ്റ്റർ യുണൈറ്റഡിൽ എത്താനുള്ള സാധ്യതയുണ്ട് . ലോകത്തിലെ ഏറ്റവും സമ്പന്നമായ ക്ലബ്ബുകളിൽ ഒന്നായ ന്യൂ കാസിൽ യുണൈറ്റഡും നെയ്മറിനായി താല്പര്യം പ്രകടിപ്പിച്ചിട്ടുണ്ട്.

വരുന്ന സീസണിൽ ലീഡ്സ് യുണൈറ്റഡിൽ നിന്നും മറ്റൊരു ബ്രസീലിയൻ താരമായ റാഫിഞ്ഞയെ സ്വന്തമാക്കാൻ ചെൽസി വലിയ ശ്രമങ്ങൾ നടത്തുന്നത്. എന്നാൽ റാഫിഞ്ഞ ബാഴ്സയിൽ പോകുന്നതിനാണ് മുൻഗണന കൊടുക്കുന്നത്. ഇങ്ങനെ ഒരു സാഹചര്യത്തിൽ നെയ്മറിലേക്ക് ചെൽസി ശ്രദ്ധ കേന്ദ്രീകരിച്ചിരിക്കുകയാണ്.പി‌എസ്‌ജി ബോസായിരിക്കെ രണ്ട് വർഷത്തിലേറെയായി നെയ്മറെ പരിശീലിപ്പിച്ച തോമസ് ടുച്ചലിന് നെയ്മറെ കുറിച്ച് എല്ലാം അറിയാം.ചെൽസിയുടെ ഗോൾ സ്‌കോറിംഗ് പ്രശ്‌നങ്ങൾക്ക് അദ്ദേഹം ഒരു തൽക്ഷണ പരിഹാരമായി തോന്നുന്നു.നെയ്മറിന് സ്റ്റാംഫോർഡ് ബ്രിഡ്ജിലേക്ക് മാറണമെങ്കിൽ, പിഎസ്ജിയിൽ അദ്ദേഹം ഇപ്പോൾ സമ്പാദിക്കുന്ന തുകയിൽ ഗണ്യമായ ശമ്പളം വെട്ടിക്കുറയ്ക്കേണ്ടതുണ്ട്.