ബ്രസീൽ ദേശീയ ടീമിനൊപ്പം പെലെയുടെ ഔദ്യോഗിക ഗോളുകളുടെ റെക്കോർഡ് തകർത്തതിന് ശേഷം അൽ ഹിലാലിനായി അരങ്ങേറ്റം കുറിക്കാൻ ഒരുങ്ങുകയാണ് സൂപ്പർ താരം നെയ്മർ.
ഏകദേശം ഒരു മാസം മുമ്പ് പാരീസ് സെന്റ് ജെർമെയ്‌നിൽ നിന്ന് സൗദി ക്ലബിലേക്ക് മാറിയത് മുതൽ ബ്രസീലിയൻ തന്റെ പുതിയ ടീമിനായി കളിക്കുന്നത് കാണാൻ ലോകമെമ്പാടുമുള്ള ആരാധകർ ആകാംക്ഷയോടെ കാത്തിരിക്കുകയാണ്. ഏറെ പ്രതീക്ഷയോടെ കാത്തിരുന്ന അൽ ഇത്തിഹാദിനെതിരായ സുപ്രധാന മത്സരത്തിലായിരുന്നു നെയ്മർ അരങ്ങേറ്റം കുറിക്കേണ്ടിയിരുന്നത്. എന്നിരുന്നാലും, പരിശീലനത്തിനിടെയുണ്ടായ ചെറിയ പരിക്ക് കാരണം, കോച്ച് ജോർജ്ജ് ജീസസ് അദ്ദേഹത്തിന് വിശ്രമം അനുവദിച്ചു.ബ്രസീലിയൻ ദേശീയ ടീമിലേക്ക് നെയ്മറെ തെരഞ്ഞെടുത്തതിൽ പരിശീലകൻ അതൃപ്തി അറിയിക്കുകയും ചെയ്തു.
2026 ലോകകപ്പ് യോഗ്യതാ മത്സരങ്ങളിൽ നെയ്മർ അതിശയിപ്പിക്കുന്ന പ്രകടനമാണ് കാഴ്ചവെച്ചത്. ബൊളീവിയയ്‌ക്കെതിരെ രണ്ട് ഗോളുകൾ നേടുക മാത്രമല്ല, ഫിഫ റാങ്കിങ്ങിൽ പെലെയെ മറികടന്ന് ബ്രസീലിയൻ ചരിത്രത്തിലെ ടോപ് സ്‌കോറർ എന്ന റെക്കോർഡും അദ്ദേഹം സ്വന്തമാക്കി. പെറുവിനെതിരായ 1-0 വിജയത്തിൽ അദ്ദേഹം മാർക്വിഞ്ഞോസിന് ഒരു അസിസ്റ്റും നൽകി.ആദ്യ ഗെയിമിൽ 90 മിനിറ്റ് മുഴുവൻ കളിച്ച അദ്ദേഹം രണ്ടാം ഗെയിമിൽ അധികസമയത്ത് മാത്രമാണ് പുറത്തായത്.നെയ്മർ അൽ ഹിലാലിനായി ഇന്ന് അരങ്ങേറ്റം കുറിക്കുമെന്നാണ് റിപ്പോർട്ട്.
ഇന്ന് രാത്രി ഇന്ത്യൻ സമയം 11.30ന് അൽ-റിയാദ് ആണ് അൽ ഹിലാലിന് എതിരാളികൾ. പി എസ് ജിയിലെയും ബ്രസീലിന്റെയും പത്താം നമ്പർ തന്നെയാണ് അൽ ഹിലാലിലും നെയ്മറിന് ലഭിച്ചിട്ടുള്ളത്. ഹിലാലിന്റെ മാർക്വിതാരത്തിന്റെ അരങ്ങേറ്റം കാണുവാൻ കാത്തിരിക്കുകയാണ് ആരാധകർ.5 മത്സരങ്ങളിൽ നിന്ന് 13 പോയിന്റുമായി അൽ ഇത്തിഹാദിന്‌ പിന്നിൽ രണ്ടാം സ്ഥാനത്താണ് അൽ ഹിലാൽ.