❝ജെറാർഡ് പിക്വെയുടെ പാത പിന്തുടരാൻ ബാഴ്‌സലോണയിലെ മൂന്ന് ക്യാപ്റ്റൻമാർ❞

നീണ്ട അനിശ്ചിതത്തിനൊടുവിൽ എഫ്‌സി ബാഴ്‌സലോണ പുതിയ സൈനിംഗുകളായ മെംഫിസ് ഡെപായ്, എറിക് ഗാർസിയ, റേ മനാജ് എന്നിവരെ രജിസ്റ്റർ ചെയ്തിരിക്കുകയാണ്. ലാ ലീഗയുടെ സാമ്പത്തിക നിയന്ത്രങ്ങൾ മൂലം ബാഴ്സക്ക് ഈ താരങ്ങളെ രജിസ്റ്റർ ചെയ്യാൻ സാധിച്ചിരുന്നില്ല. ബാഴ്സലോണയുടെ രണ്ടാമത്തെ ക്യാപ്റ്റനായ ജെറാർഡ് പിക്വെ ശമ്പളം ഗണ്യമായി കുറച്ചതു കൊണ്ടാണ് ക്ലബിന് പുതിയ താരങ്ങളെ രജിസ്റ്റർ ചെയ്യാൻ സാധിച്ചത്.ബാഴ്സലോണയുടെ ഇപ്പോഴത്തെ വേതന ശതമാനം ലാ ലിഗ നിയന്ത്രണങ്ങൾക്ക് അനുസൃതമായി 70 ശതമാനമായിരിക്കണം, ദി ഇൻഡിപെൻഡന്റ് അനുസരിച്ച്, എന്നാൽ ലാ ലിഗ ക്ലബ്ബിന്റെ വേതന ബിൽ 95 ശതമാനമായിരുന്നു. പല താരങ്ങളോടെയും ക്ലബ് വേതനം വെട്ടികുറക്കാൻ ആവശ്യപ്പെട്ടെങ്കിലും പലരും കുറക്കാൻ തയ്യാറായിരുന്നില്ല.

ബാഴ്സലോണ അവരുടെ വെബ്സൈറ്റിൽ ഔദ്യോഗിക പ്രസ്താവന പുറത്തിറക്കിയിരുന്നു, “എഫ് സി ബാഴ്സലോണയ്ക്ക് മെംഫിസ്, എറിക് ഗാർസിയ, റേ മനാജ് എന്നിവരെ സ്പാനിഷ് ലിഗ ഡി ഫുട്ട്ബോൾ പ്രൊഫഷണലിൽ കളിക്കാൻ രജിസ്റ്റർ ചെയ്യാൻ കഴിയും. ജെറാർഡ് പിക്വ ശമ്പളം ഗണ്യമായി കുറച്ചു കൊണ്ടാണ് ഇത് സാധ്യമായത് എന്നും ക്ലബ് പ്രസ്താവനയിൽ പറഞ്ഞു “.മറ്റ് ക്യാപ്റ്റൻമാരായ സെർജിയോ ബുസ്കെറ്റ്സ്, ജോർഡി ആൽബ,സെർജി റോബർട്ടോ പിക്വെയുടെ പാത പിന്തുടർന്ന് ശമ്പളം കുറക്കാൻ തയ്യാറാണെന്നും ബാഴ്സ പ്രസ്താവനയിൽ പറഞ്ഞു.

റിയൽ സോസിഡാഡിനെതിരായ ആദ്യ മത്സരത്തിൽ ബാഴ്സലോണ 4-2 ന് വിജയിച്ചതിന് ശേഷം പിക്വെ മോവിസ്റ്റാറുമായി സംസാരിച്ചു, മറ്റ് മൂന്ന് ക്യാപ്റ്റൻമാരായ ആൽബ, ബസ്ക്വെറ്റ്സ്, സെർജി റോബർട്ടോ എന്നിവരും അവരുടെ ശമ്പളം കുറയ്ക്കുന്നതിനുള്ള ചർച്ചകളെക്കുറിച്ചും താരം അഭിപ്രായം പറഞ്ഞു. ശമ്പള വെട്ടിക്കുറയ്ക്കുന്നതിനെക്കുറിച്ച് ഞങ്ങൾ മറ്റ് ക്യാപ്റ്റന്മാരുമായി ബന്ധപ്പെട്ടിരുന്നു ,അവർ ഉടൻ തന്നെ അത് ചെയ്യുമെന്നാണ് തോന്നുന്നത്. ജോർഡി ആൽബ ശമ്പളം വെട്ടിക്കുറയ്ക്കുന്നതിനെതിരെ രംഗത്ത് വന്നു എന്ന വാർത്തകൾക്കെതിരെ ആൽബ തന്നെ രംഗത്ത് വന്നിരുന്നു. “ചിലപ്പോൾ തെറ്റിദ്ധാരണകൾ ഉണ്ടാകും,”ഞാൻ സെർഗി, ബുസി, ജോർഡി എന്നിവരുമായി ബന്ധപ്പെട്ടിരുന്നു, ഒരു ഉടമ്പടിയിലെത്താൻ ഞങ്ങൾ എല്ലാവരും ഒത്തുചേർന്നു. ലീഗ് ആരംഭിക്കുന്നതിന് മണിക്കൂറുകൾ ശേഷിക്കെ പുതിയ കളിക്കാരെ രജിസ്റ്റർ ചെയ്യാൻ ഔദ്യോഗികമായി അവർക്ക് ആരെങ്കിലും ആവശ്യമായിരുന്നു പക്ഷേ മറ്റുള്ളവരും അത് ചെയ്യുമെന്ന് എനിക്കറിയാം. ” പിക്വെ പറഞ്ഞു.

ഈ സീസണിൽ സാമ്പത്തിക പ്രതിസന്ധി പരിഹരിക്കുന്നതിനായി നിരവധി താരങ്ങളെ വിൽക്കുകയും വായ്പയ്ക്ക് നൽകുകയും ചെയ്തു.ജീൻ-ക്ലെയർ ടോഡിബോ 8 മില്യൺ യൂറോയ്ക്ക് ഒജിസി നൈസിന് വിറ്റു, ജൂനിയർ ഫിർപോ ലീഡ്സ് യുണൈറ്റഡിന് 15 മില്യണും, ട്രിങ്കാവോ വോൾവർഹാംപ്ടൺ വാണ്ടറേഴ്സിന് 6 മില്യണും ലോണിൽ കൊടുത്തു.കാർലെസ് അലേയെ 5 മില്യൺ ഡോളറിനു ഗെറ്റാഫെക്ക് വിൽക്കുകയും ചെയ്തു.കോൺറാഡ് ഡി ലാ ഫ്യൂണ്ടെയെ 3.5 ദശലക്ഷത്തിന് മാഴ്‌സയിലേക്ക് പോയി. കൂടാതെ, മാത്യൂസ് ഫെർണാണ്ടസിന്റെ കരാർ അവസാനിപ്പിക്കുകയും ചെയ്തു.