315 ദിവസത്തിന് ശേഷം കളിക്കളത്തിലേക്ക് മടങ്ങിയെത്തിയ പോൾ പോഗ്ബ |Paul Pogba

കഴിഞ്ഞ ദിവസം യുവന്റസും ടൊറിനോയും തമ്മിൽ നടന്ന മത്സരം ശ്രദ്ധേയമായത് ഏറെ നാളുകൾക്ക് ശേഷം യുവന്റസിന്റെ ഫ്രഞ്ച് മിഡ്ഫീൽഡർ പോൾ പോഗ്ബ കളത്തിലേക്ക് തിരിച്ചെത്തിയതോടെയാണ്. യുവന്റസിന്റെ 4-2 വിജയത്തിൽ, 69-ാം മിനിറ്റിൽ മാസിമിലിയാനോ അല്ലെഗ്രി പോഗ്ബയെ എൻസോ ബാരെനെച്ചിയയ്ക്ക് പകരക്കാരനായി ഇറക്കി. ഇതോടെ യുവന്റസിനായി പോൾ പോഗ്ബ തന്റെ രണ്ടാം അരങ്ങേറ്റം കുറിച്ചു.

2022 ജൂലൈയിൽ ഇംഗ്ലീഷ് ക്ലബ് മാഞ്ചസ്റ്റർ യുണൈറ്റഡിൽ നിന്ന് പോൾ പോഗ്ബ യുവന്റസിലേക്ക് ചേക്കേറി. നാല് വർഷത്തെ കരാറിലാണ് യുവന്റസ് പോഗ്ബയെ ഒപ്പുവെച്ചത്. എന്നാൽ പ്രീ സീസൺ പരിശീലനത്തിനിടെ പോഗ്ബയ്ക്ക് കാൽമുട്ടിന് പരിക്കേറ്റിരുന്നു. തുടർന്ന് രണ്ട് മാസം സൈഡ് ലൈനിൽ കഴിയേണ്ടി വരുമെന്ന മെഡിക്കൽ റിപ്പോർട്ട് പുറത്ത് വന്നു. എന്നിരുന്നാലും, പോഗ്ബ പിന്നീട് ശസ്ത്രക്രിയയ്ക്ക് വിധേയനായി, 2022 ഫിഫ ലോകകപ്പ് നഷ്ടപ്പെടുകയും ദീർഘകാലം കളിക്കളത്തിൽ നിന്ന് വിട്ടുനിൽക്കുകയും ചെയ്തു.

അതിന് ശേഷം 315 ദിവസത്തിന് ശേഷം പോൾ പോഗ്ബ വീണ്ടും കളത്തിലിറങ്ങുകയാണ്. കഴിഞ്ഞ ദിവസം ടൊറിനോയ്‌ക്കെതിരെ യുവന്റസിനായി 29 കാരനായ പോഗ്ബ തന്റെ കരിയറിലെ രണ്ടാം അരങ്ങേറ്റം കുറിച്ചു. 2012ൽ മാഞ്ചസ്റ്റർ യുണൈറ്റഡിൽ നിന്ന് യുവന്റസിലെത്തിയ പോഗ്ബ പിന്നീട് 2016ൽ മാഞ്ചസ്റ്റർ യുണൈറ്റഡിലേക്ക് ചേക്കേറി.അതിനു പിന്നാലെ ഫ്രഞ്ച് താരം ഇറ്റാലിയൻ ടീമിൽ തിരിച്ചെത്തിയിട്ടുണ്ട്.

പോഗ്ബ തിരിച്ചെത്തി മത്സരം ജയിച്ചതിന്റെ ഇരട്ടി സന്തോഷത്തിലായിരുന്നു യുവന്റസ് ആരാധകർ. യാൻ കറാമോയുടെയും അന്റോണിയോ സനാബ്രിയയുടെയും ഗോളിൽ ടോറിനോ രണ്ടുതവണ ലീഡ് നേടിയെങ്കിലും യുവന്റസ് ആദ്യ പകുതിയിൽ യുവാൻ ക്വഡ്രാഡോയുടെയും ഡാനിലോയുടെയും ഗോളിൽ സമനില പിടിച്ചു. പോഗ്ബ ഇറങ്ങിയതിന് പിന്നാലെ ഗ്ലീസൺ ബ്രെമറും അഡ്രിയൻ റാബിയോട്ടും നേടിയ ഗോളുകളാണ് യുവന്റസിന്റെ വിജയം ഉറപ്പിച്ചത്. പോഗ്ബയുടെ മികച്ച കഴിവുകളാണ് മത്സരം കണ്ടത്.