തുടർച്ചയായ നാലാം വർഷവും മാഞ്ചസ്റ്റർ സിറ്റി തന്നെ പ്രീമിയർ ലീഗ് നേടുമെന്ന് പെപ് ഗാർഡിയോള |Pep Guardiola

ഇംഗ്ലീഷ് പ്രീമിയർ ലീഗിൽ നിലവിലെ ചാമ്പ്യന്മാരായ മാഞ്ചസ്റ്റർ സിറ്റിക്ക് അത്ര നല്ല സമയമല്ല. തുടർച്ചയായ മൂന്നു സമനിലകൾ വഴങ്ങിയ അവർ പോയിന്റ് ടേബിളിൽ ആഴ്സണലിനും ലിവര്പൂളിനും പിന്നിൽ മൂന്നാം സ്ഥാനത്താണ്. എന്നാൽ മാഞ്ചസ്റ്റർ സിറ്റി മാനേജർ പെപ് ഗാർഡിയോള തന്റെ ടീം തുടർച്ചയായ നാലാം വർഷവും പ്രീമിയർ ലീഗ് കിരീടം നേടുമെന്ന ഉറച്ച വിശ്വാസത്തിലാണ്.

തന്റെ ടീം എതിരാളികളുടെ നിലവാരത്തിൽ പ്രകടനം നടത്തിയാൽ ഒരിക്കൽ കൂടി ചാമ്പ്യൻഷിപ്പ് ഉറപ്പിക്കുമെന്ന് ഗാർഡിയോള ഉറച്ചു വിശ്വസിക്കുന്നു.“ഇന്നത്തെ എന്റെ തോന്നൽ ഞങ്ങൾ പ്രീമിയർ ലീഗ് നേടുമെന്നാണ്. ലിവർപൂളിന്റെയോ ടോട്ടൻഹാമിന്റെയോ തലത്തിൽ ഞങ്ങൾ കളിക്കുകയാണെങ്കിൽ ഞങ്ങൾ അത് വീണ്ടും നേടും.മൂന്ന് സമനിലകൾക്ക് ശേഷം ആളുകൾ ഇത് വിശ്വസിക്കുന്നില്ല, പക്ഷേ ഞങ്ങൾ അത് വീണ്ടും ചെയ്യാൻ പോകുന്നു. ഇത് എളുപ്പമല്ലെന്ന് ഞങ്ങൾക്കറിയാം, ഇതുവരെ ഒരു ടീമും ഇത് ചെയ്തിട്ടില്ല (തുടർച്ചയായി നാല് പ്രീമിയർ ലീഗ് കിരീടങ്ങൾ) അതുകൊണ്ടാണ് ബുദ്ധിമുട്ട് എന്ന് പറയുന്നത് ”ഗ്വാർഡിയോള പറഞ്ഞു.

ടോട്ടൻഹാം ഹോട്‌സ്‌പറിനെതിരെ ഹോം ഗ്രൗണ്ടിൽ 3-3ന് സമനില, ലിവർപൂൾ, ചെൽസി എന്നിവരുമായും സിറ്റി സമനിലയിൽ പിരിഞ്ഞിരുന്നു.വഴങ്ങിയ ഗോളുകളുടെ എണ്ണത്തിൽ ഗാർഡിയോള ആശങ്ക പ്രകടിപ്പിച്ചു, എന്നാൽ സിറ്റി പ്രീമിയർ ലീഗ്, ചാമ്പ്യൻസ് ലീഗ്, എഫ്എ കപ്പ് എന്നിവയുടെ ട്രെബിൾ നേടിയ മുൻ സീസണുകളുമായി താരതമ്യപ്പെടുത്താവുന്ന സ്റ്റാറ്റ് ലൈനുകൾ ഉണ്ടെന്ന് ചൂണ്ടിക്കാട്ടി.“ചെൽസിയുമായുള്ള കളിയിൽ ഞങ്ങൾ നിലവാരത്തിലെത്തിയില്ല. ഞങ്ങൾ നിരവധി കിരീടങ്ങൾ നേടിയ മുൻ സീസണുകളുടെ അതേ നിലവാരത്തിലാണ് ബാക്കിയുള്ള ഗെയിമുകൾ, ”ഗ്വാർഡിയോള കൂട്ടിച്ചേർത്തു.

നാലാം സ്ഥാനത്തുള്ള ആസ്റ്റൺ വില്ലയ്‌ക്കെതിരായ മത്സരത്തിന് സിറ്റി തയ്യാറെടുക്കുകയാണ്.14 മത്സരങ്ങളിൽ നിന്ന് 29 പോയിന്റുമായി ആസ്റ്റൺ വില്ല നിലവിൽ ലീഗ് പട്ടികയിൽ നാലാം സ്ഥാനത്താണ്.