ലയണൽ മെസ്സിയോ റൊണാൾഡോയോ മികച്ചത് ? : ഇരു താരങ്ങളുടെയും കൂടെ കളിച്ച പ്യാനിച്ച് പറയുന്നു |Messi |Ronaldo

ലോക ഇതിഹാസങ്ങളുടെ പട്ടികയിൽ ഏറ്റവും മുൻനിരയിൽ സ്ഥാനം പിടിച്ചിട്ടുള്ള രണ്ടു താരങ്ങളാണ് പോർച്ചുഗലിന്റെ ക്രിസ്ത്യാനോ റൊണാൾഡോയും അർജന്റീന സൂപ്പർതാരം ലയണൽ മെസ്സിയും. ലോക ഫുട്ബോൾ മേഖലയിൽ തന്നെ അവർ ഇരുവരും ചെലുത്തിയ സ്വാധീനം വളരെ വലുതാണ്. ആരാധകർക്കിടയിൽ ഫുട്ബോൾ എന്നതിനെ ഒരു കളിയെക്കാൾ ഉപരി മനസ്സിന്റെ വികാരമാക്കാൻ കഴിഞ്ഞിട്ടുള്ള രണ്ട് ലോക പ്രതിഭകൾ കൂടിയാണ് ക്രിസ്ത്യാനോ റൊണാൾഡോയും ലയണൽ മെസ്സിയും.

സൂപ്പർ താരം ലയണൽ മെസ്സിയെയും, പോർച്ചുഗൽ താരം ക്രിസ്ത്യാനോ റൊണാൾഡോയോയെയും താരതമ്യം ചെയ്യുക എന്നത് പോലും വളരെ ബുദ്ധിമുട്ടുള്ള കാര്യമാണ്.ഇരുവരും ഫുട്ബോൾ ലോകത്തിന് നൽകിയ സംഭാവനകൾ വിലമതിക്കാനാവാത്തതാണ്. മാത്രമല്ല അവർ രണ്ടു പേരും വളരെയധികം വിസ്മയങ്ങൾ ലോകത്തിനു മുമ്പിൽ കാഴ്ച്ച വെച്ചിട്ടുണ്ട് .ഇരുവരെയും കുറിച്ച് ബോസ്നിയൻ പ്രൊഫഷണൽ ഫുട്ബോൾ കളിക്കാരനായ സൂപ്പർ താരം ‘ പ്യാനിച്ച് ‘പറഞ്ഞ വാക്കുകളാണ് ഇപ്പോൾ നവമാധ്യമങ്ങളിൽ ശ്രദ്ധേയമാകുന്നത്.

ക്രിസ്റ്റ്യാനോ റൊണാൾഡോയ്ക്കും ലയണൽ മെസ്സിക്കുമൊപ്പം കളിക്കാൻ കഴിഞ്ഞതിൽ വളരെയധികം ഭാഗ്യമുണ്ട്, ആരാധകർ പരസ്പരം ചർച്ച നടത്തുന്നുവെങ്കിൽ പോലും അവരിൽ ആരാണ് കൂടുതൽ ശക്തൻ എന്ന് പറയുക എന്നത് വളരെയധികം പ്രയാസമുള്ള കാര്യം തന്നെയാണ്.എന്നിരുന്നാലും, മെസ്സിയെക്കാൾ ഉപരി പോർച്ചുഗലിന്റെ റൊണാൾഡോയോടൊപ്പമാണ് ഞാൻ കൂടുതൽ സമയം ചെലവഴിച്ചിട്ടുള്ളത്. അദ്ദേഹത്തോടൊപ്പം ഞാൻ വളരെയധികം ഇടപഴകിയിട്ടുണ്ട്. എന്റെ മകന് താങ്കളെ കാണുന്നത് വളരെയധികം സന്തോഷം ഉണ്ടാക്കുന്ന കാര്യമാണ് എന്നുകൂടി അദ്ദേഹം ഇട്ട പോസ്റ്റിലൂടെ വ്യക്തമാക്കി. ബാർസെലോണ ടീമിലേക്ക് എത്തുന്നതിനു മുമ്പ് പ്യാനിച് ജുവന്റസ്സിൽ ക്രിസ്ത്യാനോ റൊണാൾഡോക്കൊപ്പം വളരെ കാലം പന്ത് തട്ടിയിട്ടുണ്ട്.

ലയണൽ മെസ്സിയും ക്രിസ്ത്യാനോ റൊണാൾഡോയും എക്കാലത്തെയും മികച്ച രണ്ട് ഫുട്ബോൾ കളിക്കാരാണ്, അവർ ആധുനിക ലോകത്ത് ജീവിക്കുന്ന കുട്ടികൾകളെ സംബന്ധിച്ചിടത്തോളം വളരെ മികച്ച റോൾ മോഡളുകളാണ്. ഭാവിയിൽ തത്തുല്യരായ പ്രതിഭകൾ ജനിക്കുമോ എന്ന കാര്യത്തിൽ പോലും സംശയിക്കേണ്ടിയിരിക്കുന്നു. അവർ ഇരുവരും ഇനിയും വളരെ കാലം ഫുട്ബോൾ ലോകത്ത് അത്ഭുതങ്ങൾ തീർക്കണം എന്നത് തന്നെയാണ് ആരാധകർ എല്ലാവരും ആഗ്രഹിക്കുന്നത്.