പിഎസ്ജി റയലിനു പണിയുന്നു! എംബാപ്പേയെ ബാഴ്സലോണക്ക് ഓഫർ ചെയ്തു, പകരം ഗാവി ഉൾപ്പടെ വമ്പൻ താരങ്ങൾ വേണം

നിലവിലെ ഫ്രഞ്ച് ലീഗ് ചാമ്പ്യന്മാരായ പാരീസ് സെന്റ് ജർമയിനിന്റെ ഫ്രഞ്ച് സൂപ്പർതാരമായ കിലിയൻ എംബാപ്പെയുടെ ട്രാൻസ്ഫർ വാർത്തകളാണ് ഫുട്ബോൾ ലോകത്ത് ഉയർന്നുകേൾക്കുന്നത്, ട്രാൻസ്ഫർ മാർക്കറ്റിൽ പാരീസ് സെന്റ് ജർമയിൻ കിലിയൻ എംബാപ്പെയെ വിൽപ്പനക്ക് വെച്ചതോടെ നിരവധി വമ്പൻ ക്ലബ്ബുകളാണ് സൂപ്പർ താരത്തിന് സ്വന്തമാക്കാൻ ആഗ്രഹം പ്രകടിപ്പിച്ചുകൊണ്ട് രംഗത്ത് വരുന്നത്.

സൗദി പ്രോ ലീഗിൽ കളിക്കുന്ന അൽ ഹിലാൽ ഫുട്ബോളിലെ ചരിത്രത്തിലെ തന്നെ റെക്കോർഡ് ട്രാൻസ്ഫർ തുകയാണ് പി എസ് ജി ക്ക് മുന്നിൽ ഓഫർ ചെയ്തിട്ടുള്ളത്, അൽ ഹിലാലിനെ കൂടാതെ യൂറോപ്പിലെ മറ്റു പല വമ്പൻ ക്ലബ്ബുകളും എംബാപ്പയെ സ്വന്തമാക്കാൻ താൽപര്യം പ്രകടിപ്പിച്ച് രംഗത്തുവരുന്നുണ്ട്.

എന്നാൽ എല്ലാവർക്കും അറിയാവുന്നതുപോലെ എംബാപ്പെ റയൽ മാഡ്രിഡിൽ പോകാനാണ് ആഗ്രഹിക്കുന്നത്, പക്ഷേ കിലിയൻ എംബാപ്പെക്ക് വേണ്ടി റയൽ മാഡ്രിഡ് നിലവിൽ നീക്കങ്ങൾ ഒന്നും ഒഫീഷ്യലായി നടത്തിയിട്ടില്ല. അതിനാൽ തന്നെ പാരീസ് സെന്റ് ജർമയിൻ കിലിയൻ എംബാപ്പെയെ എഫ്സി ബാഴ്സലോണക്ക് നൽകിയേക്കും എന്ന തരത്തിൽ ചില റിപ്പോർട്ടുകൾ പുറത്തുവരുന്നുണ്ട്.

റയൽ മാഡ്രിഡിന്റെ പ്രധാന എതിരാളികളായ എഫ്സി ബാഴ്സലോണയിൽ കിലിയൻ എംബാപ്പെ ജോയിൻ ചെയ്യണമെന്നാണ് പി എസ് ജി ആഗ്രഹിക്കുന്നത് എന്നാണ് റിപ്പോർട്ടിൽ നിന്നും വ്യക്തമാകുന്നത്, കിലിയൻ എംബാപ്പെക്ക് പകരമായി പാരിസ് സെന്റ് ജെർമയിൻ ബാഴ്സലോണയുടെ സൂപ്പർതാരങ്ങളായ ഡെമ്പലെ, റഫീഞ്ഞ, ഗാവി തുടങ്ങിയവരെ ആവശ്യപ്പെട്ടിട്ടുണ്ടെന്നും യൂറോപ്പിലെ മാധ്യമപ്രവർത്തകർ റിപ്പോർട്ട് ചെയ്യുന്നുണ്ട്.

എന്നാൽ കിലിയൻ എംബാപ്പയുടെ ട്രാൻസ്ഫർ പൂർത്തീകരിക്കാൻ എഫ്സി ബാഴ്സലോണ കഴിയുമെന്ന് ഈ ഒരു നിമിഷത്തിൽ തോന്നുന്നില്ല. 2024ൽ പി എസ് ജിയുമായി കരാർ അവസാനിക്കുന്ന എംബാപ്പെ റയൽ മാഡ്രില്‍ ജോയിൻ ചെയ്യാമെന്ന് ഇതിനകം തന്നെ സമ്മതിച്ചുവെന്ന റിപ്പോർട്ടുകൾ ഉണ്ട്, എന്നാൽ അടുത്ത സമ്മർ ട്രാൻസ്ഫർ വിൻഡോയിൽ ഫ്രീ ട്രാൻസ്ഫറിലൂടെ എംബാപ്പെയെ നഷ്ടപ്പെടുത്തുന്നതിന് പകരം ഈ ട്രാൻസ്ഫർ വിൻഡോയിൽ തന്നെ നല്ലൊരു ട്രാൻസ്ഫർ സംഖ്യ വാങ്ങി താരത്തിനെ വിൽക്കുക എന്നതാണ് പി എസ് ജി ഉദ്ദേശിക്കുന്നത്